أعزائي ،
أرجو المشاركه و ذلك لتسهيل أتخاذ القرار.
أنا معايا سوبارو أمبريزا موديل ٢٠١٠ جايبها زيرو ،،،، و عامله مش أكتر من ٢٦،٠٠٠ كم بفكر أبيعاها و أشتري بي أم ٣١٨ هاي لاين موديل ٢٠٠٢ ،،،،،،، ياريت تنصحوني و شكرا
م - محمد
أعزائي ،
أرجو المشاركه و ذلك لتسهيل أتخاذ القرار.
أنا معايا سوبارو أمبريزا موديل ٢٠١٠ جايبها زيرو ،،،، و عامله مش أكتر من ٢٦،٠٠٠ كم بفكر أبيعاها و أشتري بي أم ٣١٨ هاي لاين موديل ٢٠٠٢ ،،،،،،، ياريت تنصحوني و شكرا
م - محمد
بالتوفيق ان شاء الله
ممكن اعرف هتبيع الامبريزا بكام ؟
ما بلااااش هتعيش في الحرفيين و حساس ايه باظ و مش عارف ايه فى العفشة يا عم اسمع الكلام و خليك في الزيرو
الامبريزا احسن من حيث انها معاك من الزيرو وعامله كيلومترات قليله غير المستعمل مهما كان هتبقى عاوزه حاجات تتغير طول ما انت ماشى بيها
اختيارك مابين العربيتين يتوقف على رؤيتك لمفهوم العربية...يعني لوحضرتك بتشوف العربية كأداة انتقال بس ( و ده مش عيب خالص) يبقى تبعد عن البي ام المستعمل
لو بتستمتع بالسواقة و سلوك العربية على الطريق بيفرق معاك يبقى طبعا أنصحك تجيب البي ام علطول
خد وقتك فى التدوير و أكشف فى التوكيل و خلى معاك خمس بواكي على جنب لزوم المصاريف الفجائية و اتكل على ملك الملوك
سواقة البي ام مختلفة تماما فى المتعة و فى نفس الوقت كمالياتك مش هتحسسك أنك بعيد 8 سنوات لأنها فيها كراسي كهرباء بالميموري و ستارة كهرباء و مثبت سرعة و ممكن تضيف البلوتوث بالكاميرا الخلفية بالدي فى دي و التلفزيون ب4000جم أول من أخر
لو لقيت عربية حالتها كويسة توكل على الله و متترددش .. فرق كبير
بصراحة انا ضدد بيع عربية زيرو وزي كده