خشونة في الفتيس

**TheMedjai** · 04-07-2007 03:14 PM

حاجة غريبة شوية، لو أنا ماشي على التاني على سرعة 30كم/س مثلاً وعايز أجيب الأول بيبقى مستحيل ، الغيار مش بيرضى يجي أصلاً زي ما يكون مسوجر
مش بيجي الا لما العربية سرعتها تنزل تقريباً لصفر وبحس في النقلة بخشونة -مش زي ماجيب الأول وأنا واقف-
نفس الحكاية في التاني ، مبينفعش أجيبه لو أنا ماشي على سرعة عالية شوية ، لازم العربية سرعتها تهدى الأول.
وعموماً بحس بخشونة في النقلات. وبالنسبة للمارشديل ساعات بينطر.
يا ترى ممكن يكون سببها إيه الحكاية دي؟ وهل ممكن ان انا احتاج اني أغير صندوق التروس؟ ولو أيوة ممكن يتكلف كام تقريباً؟
كمان سؤال -هو في الحقيقة طلب....رخم شوية- لو في حد من الزملاء اللي عندهم خبره ممكن يتبرع ويتطوع وأجيبله العربية يجربها علشان يقولي اذا كانت المشكلة دي خطيرة ولا لأ هبقى في غاية الإمتنان.
شكراً

**Abdallah** · 04-07-2007 05:29 PM

اولا اسمحلى, حضرتك قيادتك كدة خاطئة لان المفروض الاول دة وظيفته انه يحرك العربية من الثبات وبعد ما العربية تتحرك بتاخد التانى يعنى مينفعش تبقى حضرتك ماشى على 30 وتدى العربية الاول, يبقى انت كدة بتبهدل فتيس العربية وطبيعى ان الفتيس يكون عايز يتغير مع هذا الاسلوب من القيادة, انت دلوقتى ماشى على 80كم/س يعنى ماشى على التالت, لو جيت تدى العربية التانى يبقى هتكسر تروس التانى , حضرتك فاهم قصدى ؟؟؟
تعرف انت لو ماشى على سرعة 120 ولقيت الفرامل هربت منك بتعمل ايه ؟؟؟ بتفضل تنزل نقلات بمعنى انك لو خلاص على الاخر هتنزل من الخامس للتانى مثلا وطبعا دة هيبوظ صندوق التروس ولكنه هيفرمل العربية ولكن لو مفيش قدامك حاجة هتبتدى تنزل نقلة نقلة ودة برضة بيبقى ليه تأثير بس اضعف شوية...
طالما المارشدير بينطر يبقى كدة كل سنة وانت طيب , محتاج فتيس جديد, حد هيقولك دى غويشة وتتصلح, مستحيل انا جربت ومفيش حاجة اسمها تصليح فتيس, الفتيس لو اتفك مستحيل يرجع تانى زى ما كان.
لو عندك استعداد تستحمل نطر المارشدير ممكن تغير الزيت بنوع اسمه " فل فلينا او ول ولينا " ودة ممكن يمنع خشونة الفتيس انما طبعا مش هيمنع النطر.
الفتيس المانوال سعره تقريبا 1500 جنيه وحسب شطارتك ونضافة الفتيس ولازم يكون معاك صنايعى وانت بتشترى وبتاخده على التجربة عشان فى حاجات استيراد كتير بتبقى مفكوكة من عربيات فى مصر وارجو ان اكون قد افدتك.
لو تقدر تيجى مقابلة الجمعة القادمة " بعد بكرة " هتلاقى الف مين يجرب ويفيدك ان شاء الله.

**TheMedjai** · 04-07-2007 05:52 PM

أيوه ، أنا عارف ان اللي انا بقولو ده غلط بس ساعات ببقى داخل على ملف زحمة فعلشان ملخمش نفسي في الملف ببقى عايز أجيب الغيار اللي هطلع عليه ، يعني هنقل وأفضل دايس دبرياج ، فاهم قصدي؟
وبعدين ايه حكاية المقابلة دي؟ هتبقى امتى وفين وازاي وكده؟

**hazem_khidr** · 04-07-2007 06:04 PM

أيوه ، أنا عارف ان اللي انا بقولو ده غلط بس ساعات ببقى داخل على ملف زحمة فعلشان ملخمش نفسي في الملف ببقى عايز أجيب الغيار اللي هطلع عليه ، يعني هنقل وأفضل دايس دبرياج ، فاهم قصدي؟
وبعدين ايه حكاية المقابلة دي؟ هتبقى امتى وفين وازاي وكده؟

http://www.nilemotors.net/Forum/viewtopic.php?t=3489
اللينك دا في معاد المقابله و المكان و هيا عبراه عن تجمع شهري بيقوم بيه شاكرا المؤسسين للترابط بين العضاء .
بالنسبه لمشكلتك زي ما الباهمندس عبد الله قالك الفتيس لازم يتغير يعني ما تصرفش عليه مليم و ما تسمعش كلام اللي يقولك حنصلحه و الكلام دا تروح تجيب واحد استعمال.
بالنسبه لدخول الملفات و كده سرعه 30 دي تمشيك علي التاني عادي مش محتاج تجيب الاول علشان العربيه تنظبط معاك
مش عاوز اقولك كمان انك ممكن و انت علي 30 دي تجيب التالت كمان مش التاني.و بعدين الملفات كده انت بتاخدها قاسيه اوي اي يوتيرن او كده لازم تاخده علي سرعه بطيئه لو مش علشان ما تخبطش في حد يبقي علشان عفشه العربيه و الكبالن ما تتبهدلش معاك.
ما اكدبش عليك انا ممكن انقل غيار عكسي مثلا لما اكون ماشي 40 علي التالت مثلا و حبيت اشد مع حد اقوم ناقل من تالت لتاني و دا في حالات محدوده جدا مش كل يوم بمشي بالاسلوب دا.
خلاصه الكلام: هات فتيس مستعمل علي تجربه لمده اسبوع و شوفه حيعمل ايه و خفف من اسلوب سواقتك شويه