الموضوع: إذا تعطلت سيارتك ماذا تفعل

السلام عليكم ورحمة الله وبركاته

أصدقائي بالمنتدي حبيت اقدم لكم هذا الموضوع


تعبيرا عن حبي وامتناني للمنتدي والقائمين عليه واعضاءه الكرام



ملحوظة (( الموضوع دة إجتهاد شخصي يعني جايز أصيب وجايز أخطئ )) ودعوة للاعضاء للمشاركة لكي تعم الفائدة



وعلى بركة الله نبدأ



أولا لو تعطلت السيارة بهدوء وحذر شغل أنوار الانتظار للقادم من الخلف وتوقف اقصي يمين الطريق

ويفضل وضع المثلث العاكس خلف السيارة بمسافة مناسبة لتحذير السيارات القادمة أن هناك سيارة عاطلة

حاول تكون هادئ بقدر الامكان ولا داعي للتوتر علشان تقدر تفكر هتعمل اية وسمي الله وتوكل على الله وافتح كبود العربية

ثم ألقي نظرة بتأمل على حوض العربية ولاحظ إذا كان هناك سلك مفصول أو مقطوع أو أى شيئ غريب..........حاول تفكر بتركيز ان العطل بسيط ربما كان سبب العطل فيوز لذلك انصح كل الزملاء شراء بعض الفيوزات المستخدمة وتركها احتياطي فى العربية وانصح الجميع بطباعة صفحة علبة الفيوزات من الكتالوج ربما تحتاجها

فرضنا العربية عطلانة ومش عاوزة تدور أول حاجة ممكن تعملها تتأكد ان طلبمة البنزين شغالة وان البنزبن واصل للكاربيراتير ودة هتعرفة لما تفك الخرطوم الداخل للكاربيراتير وتفتح سنة كونتاكت لو خرج بنزين من الخرطوم يبقي الطلمبة تمام ولو مخرجش بنزين كدة تبقي المشكلة فى طلمبة البنزين او فلتر البنزبن مسدود ((( ملحوظة أنا بتكلم فى هذه الحالة عن طلمبة البنزين اللى شغالة بالكهرباء زي اللى راكبة عندي فى العربية )))



تقريبا زي دي

لو خرج البزين من الخرطوم كدة يبقي البزين واصل للكاربراتير وكدة يبقي العربية مبتحرقش البزين الواصل للموتور نشوف سبب تاني وهوة ممكن يكون المشكلة من طاقم الكرهرباء

( الموبينة ---- المشط ---- سلك البوجيهات ---- )

هتفك السلك الخارج من الموبينة الكهربائية وداخل على الاسبراتير وتفتح كونتكت وتقرب السلك من جسم العربية لو خرج شرارة كدة ييبقي الموبينة سليمة لو مخرجش شرارة او شرارة ضعيفة يبقي الموبينة مش موصلة كهربا كفاية للحرق وممكن تعمل كدة من خلال سلك البوجيهات





أما بالنسبة لاختبار المشط الالكتروني للاسف مفيش طريقة معينة يتعرف اذا كان المشط شغال من عدمة إلا بتغير المشط نفسه وتركيب مشط بديل




وفي النهاية طبعا أنا عارف ان الموضوع مش مترتب بعناية وممكن نوصل لشكل احسن من كدة بس حبيت اشارك بقدر خبرتي المحدودة جدا يمكن حد فى يوم من الايام يعطل على حاجة بسيطة زي كدة ويستفيد من الموضوع ويفتكرتي بدعوة كويسة والموضوع دعوة لكل اعضاء القسم لابداء الراأى والاضافة حتي تعم الفائدة على الجميع



وانصح السادة الزملاء بشراء الاتي علشان الطورائ
موبينة احتياطي
مشط الكتروني
طلمبة بنزين
طاقم بوجيهات
سلك بوجيهات لو امكن
بعض العدد
والمفكات والمفاتيح
وبنسة وقصافة
وشوية اسلاك كهرباء


واحسبها صح وانتا الكسبان
لو حضرتك مسافر على طريق سريع وتعرضت للموقف دة ((( بنسبة كبيرة لو عندك خلفيات بسيطة عن الصيانة ومعاك الحاجات دي هتقدر تصلح العربية وتكمل طريقك أما غير ذلك احسب الونش اللى هيشيل العربية هياخد كاام وهتاخد وقت كبير علي مايجي الونش ويشيل العربية دة غير بهدلتك أنتا واسرتك لو كانو معاك بالاضافة لمخاطرالوقوف على الطريق السريع )))