"ريو" مكس كل حاجة والعكس .. مشكلةما بعد الصيانة !!
السلام عليكم
بعد السلام والتحية على النمور الكياوية احب استشير حضراتكم في النمر الصغير بتاعي اللي ماشي معايا بالعكس
العربية ماشاء الله زي الفل - كيا ريو اوتو 2011 - ومش بشتكي منها في حاجة خاااالص غير حاجة واحدة فقط لا غير ان العربية كل ما يتعملها صيانة والعفشة تتربط ترجع ناشفة جدا و تتعبني جدا لحد ما ترجع تفك تاني شوية بشوية وحللني بقى على ما تفك
بالظبط كدا زي سمير غانم "جيت اظبط البنطلون الجاكتة ضربت" يعني اغير زيت وفلاتر وتيل و اللذي منه و العربية صوت موتورها يهدى وسحبها يبقى احسن وكله تمام وتيجي لحد العفشة وتكسر عضمي :dumb:
يعني المفروض يبقى ايه الحل ؟ اسيب العفشة مفككة من غير تربيط ؟ ولا اربطها و ضهري انا يتقطم ؟؟ ماهو لازم يبقى في حل !!:Copy of majd(4): :_Alshmokh22[1]:
افيدونا افادكم الله، والسلام ختام