ممكن اعرف قسيمة البوجيهات بتخرج ازاي للموبينة عشان انا شاكك اني غيرت بوجية مكان التاني في التقسيمة
الي انا شفتة ان الموبينة مكتوب فيها مكان لكل بوجية a_b_c_d
وكل سلك موجود علية رقم 1 -a
2-b
3_d
4-d
هل المفروض يكونوا متوصلين من الشمال لليمين بنفس الطريقة ويركبوا علي المبينة ولا ايه
بص خد الطريقة دي وراعي طبعا اختلاف نوعية العربية
أنا لسة عامل المشاركة دي لواحد زميلنا فى المنتدي وعربيتة زي عربيتي
بس احتمال الشرح يفيدك وانتظر طبعا اراء الخبراء فى القسم ........ حبيت اساعد
ودي المشاركة
- هترفع العربية على الكوريك من قدام وترفع العجلة اللى تحت كرسي السواق بحيث انها تكون حرة وتلفها بايدك .
2- هتفك البوجية رقم واحد اللى هوة أول واحد على الشمال وانتا واقف قدام العربية أو بمعني ادق رقم واحد هوة اللى جمب سير الدينامو .
3- هتجيب مفك بس طويل او مسمار تقدر تدخلة مكان البوجية المفكوك .
4- هتلف العجلة لحد ما البستم يطلع لاعلي نقطة ودي هتعرفها لما المفك يطلع معاك لفوق لاخر حاجة .
دة هيبقي رقم ( 1 ) في الترتيب وترتيب البوجيهات هية (((( 1 3 4 2 ))) يعني واحد دة اللى كنت بتظبطة
توصلة بالسلك اللى طالع من وش الاسبراتير المكتوب عليه رقم ( 1 )
البوجية اللى بعدة رقم ( 3 ) هتوصلة بالسلك اللى طالع من وش الاسبراتير رقم 3
البوجية اللى بعدة رقم ( 4) هتوصلة بالسلك اللى طالع من وش الاسبراتير رقم 4
البوجية اللى بعدة رقم ( 2) هتوصلة بالسلك اللى طالع من وش الاسبراتير رقم 2
بالطريقة دي تكون ظبط التقسيمة وتحت امر الجميع فى اي معلومة اعرفها ........
ملحوظة علشان تتاكد ان البوجية رقم واحد مع السلك رقم واحد هتبص على الاسبراتير بعد فك الوش هتلاقي الحتة النحاس اللى بتتحرك على البوجيهات واقفة قدام رقم واحد __________________
بصراحة مش ادر استوعب الكلام ده
ياريت الي معاه عربية بورا وعارف التقسيمة يقول عليها وجزه الله خيرا