مهندسين المنتدى ارجو الافادة

**Ahmed_Mega** · 04-09-2013 01:42 PM

بسم الله الرحمن الرحيم
اللهم صلي على سيدنا محمد وعلى آاله وصحبه وسلم
لو سمحتم يا جماعة انا عايز اسال العضو في نقابة المهندسين ممكن يدخل اي نادي على مستوى الجمهورية ولا الخاص بالنقابة التابع لها بس يعني اقدر ادخل النادي بتاع المنصورة واسكندرية و6 اكتوبر ولا التابع لمحافظتي
وهل لو ممكن الدخول لاي نادي بدفع رسم دخول ولا مجانا زي النادي التابع له وبيبقى الدخول بكارنية النقابة وخلاص ولا في كارنية خاص بالنوادي ولو حبيت اعمل اشتراك بيبقى ف النادي بتاع محافظتي ولا ممكن في بتاع كذا محافظة تانية
واية الاستفادة من اني يبقى ليا عضوية في النادي طالما اقدر ادخل اي نادي في الجمهورية بكارنية النقابة ده لو امكن يعني
ارجو الافادة ومتشكر جداا

**#MAAM#** · 04-09-2013 01:52 PM

انت بتدخل ببلاش النوادي الخاصة بنقابة المهندسين فقط ولو معاك مرافق بتدفعله تذكرة رمزية

**elmkaneeki** · 04-09-2013 01:54 PM

بالكارنيه

**M.Hosni** · 04-09-2013 01:55 PM

ممكن تدخل أي نادي للنقابة في أي مكان بكارنيه النقابة و من غير ما تدفع أي فلوس

لو معاك حد زي الزوجة و الابناء أو أي حد تاني بتدفعلهم تذاكر

تقريبا أقارب الدرجة الاولى التذكرة بـ 3 جنيه ,. و أي حد تاني التذكرة بـ 5 جنيه , و تقريبا التذكرة بتزيد 2 جنيه في أيام الأعياد و الاجازات الرسمية

**ahmedteam** · 04-09-2013 01:58 PM

فعلا زى ما قال كل الاخوه تقدر تدخل اى نادى على مستوى الجمهوريه بالكارنيه فقط

انا بدخل نوادى اكتوبر و الزمالك و الجيزه و الاسكندريه بنفس الكارنيه

**Fo1Fo** · 04-09-2013 04:12 PM

فعلا زى ما قال كل الاخوه تقدر تدخل اى نادى على مستوى الجمهوريه بالكارنيه فقط أنما الزوجه والأولاد ( الدرجه الأولى ) 2 ج والمرافق من غير الدرجه الأولى 10 جنيه وفى أشتراك سنوى للزوجه والأولاد ب 40 ج فى السنه لكل فرد من العائله وحمام السباحه للجميع بما فيهم المهندس ب 5ج للفتره الواحده (اللى هى غالبا من 2 الى 3 ساعات ) أنتظار السياره على الرصيف الخارجى للنقابه ب2 ج داخل النقابه ب 5 ج من الباب الخلفى الكلام ده على نادى 6 أكتوبر ويختلف فى العطلات الرسميه والجمع وقد يختلف مع نادى أخر- الشاى ب1.5 العصير ب4 الفشار ب2 حمص الشام مجربتهوش علشان الأنتفاخ البيتز والفطائرا من 10- 15 بس ما أنصحش بيها فى نادى أكتوبر ممكن نادى أستانلى بأسكندريه

**Ahmed_Mega** · 04-09-2013 06:38 PM

انا متشكر جدا يا بشمهندسين رد وافي بس اية فايدة عمل كارنيه للنادي طالما انا مسفيد من كل الخدمات بكارنيه النقابة
والتذكرة رمزية جدا للمرافق
هنا بيقول اني ممكن اعمل عضوية في النادي للمهندس وللاقارب والزوجة بس مش مشكلة الاقارب والزوجة لان هما مش معاهم كارنيه فيبقى عمل عضوبة لهم عشان لو حبو يروحه من غير المهندس نفسه بالكارنيه الخاص بيهم الفكرة في المهندس ليه اعمل عضوبة طالما انا اصلا مستفيد من النادي بكارنيه النقابة يعني في تخفيض لحاجة؟؟
لإستخراج كارنيه العضوية لنادى النقابة أول مرة
وهل ممكن عمل عضوية للاقارب في نادي غير نادي النقابة اللي تابع لها ولا النادي للنقابتي الفرعية بس؟
وانا متشكر جدا والله احلى ناس في احلى منتدى