استشارة فنية بخصوص موتور الكارينز

**sherifewais** · 04-09-2013 07:13 PM

ما هى الأسباب التى تؤدى الى إختناق الموتور وعدم قدرة الموتور على السحب ؟؟؟

ما هى الأسباب التى تؤدى الى زيادة استهلاك البنزين الى 50 كم لكل 10 لتر ؟؟؟

مع العلم انه تم تغير شمعات الإحتراق وفلتر الهواء والتكيف والبنزين والزيت وزيت الموتور والفتيس

**Ahmed_Adham** · 04-09-2013 08:42 PM

20 لتر لل 100 كيلو كتير جدا! العربيه عامله كام كيلو؟ مانيوال ولا أوتو؟ أخر صيانه امتى واتعملت فين؟

**Khaled_Nowaihy** · 04-09-2013 09:42 PM

ده استهلاك غير طبيعى بالمرة
المفروض انها فى الضمان ....... لازم حضرتك تروح التوكيل فى أقرب وقت بدل ما نقعد نضرب أخماس فى أسداس

**sherifewais** · 04-09-2013 11:27 PM

انا لسا عامل صيانة ال 80000 . النهاردة .
والعربية العداد بتاعها 78000 .

انا علشان كده بسأل الأسئلة دى علشان أعرف أتفاهم معاهم فى التوكيل .

**Ahmed_Adham** · 04-09-2013 11:30 PM

المشاركة الأصلية كتبت بواسطة sherifewais

انا لسا عامل صيانة ال 80000 . النهاردة .
والعربية العداد بتاعها 78000 .

انا علشان كده بسأل الأسئلة دى علشان أعرف أتفاهم معاهم فى التوكيل .

طب والمشكله ظهرت من امتى؟ جربت تستهلك البنزين اللي فيها وتمون من بنزينه موثوق فيها زي وطنيه أو امارات مصر أو كالتكس غير اللي انت بتمون منها وتشوف هيبقى فيه تغيير ولا لاء؟

**sherifewais** · 04-09-2013 11:53 PM

المشكلة دى بدأت يوم 4-8-2013 . روحت عملت صيانة ال 70000 فى فرع القطامية ومن ساعتها .

راجعوا العربية فى فرع روكسي وبعدين فرع ابو رواش والنهاردة انا استلمت العربية بعد صيانة ال 80000 كانت العربية سحبها إتحسن والخنقة اللى الموتور قلت يدوب مشيت على الدائرى 15 كم ورجعت العربية زى ماكانت .
وبصراحة المهندسين فى فرع ابو رواش تعبوا معايا فى العربية بس من الواضح انهم لسا موصلوش لمكان المشكلة اللى فى الموتور .

لذا انا بسأل :
1- ايه الأسباب التى تؤدى لأختناق الموتور و ارتفاع صوته
2- ايه الأسباب التى تؤدى لزيادة استهلاك البنزين