الحمد لله على نعمة اللانوس
الواحد سعات مش بيعرف قيمة العربية اللى معاه إلا لما يشوف اصاحبة اللي معاهم عربيات تانية دايخين على قطع الغيار ... يعني عمر ما حد يسألك وانت بتجيب فانوس لانوس مثلا موديل كام يابيه ... الشكل القديم ولا الشكل الجديد ... لا انا عندي بتاعة 92-94 بس 98 دي مش عندي ... اللانوس من اول موديل لانوس 1 لحد أخر موديل شيفروليه لانوس 2013 شكل واحد ... وتكنولوجيا واحدة .... فروق بسيطة جدا بين لانوس 1 و 2 وبين لانوس ولانوس جوليت ... معاك موديل 99 زي معاك موديل 2010 .... كلنا زي بعض ... كلنا واحد ... الواحد سعات بيبقى سايق ويلاقي ناس معاها عربيات مش منتشرة قوي زي الرينو والسيات والستروين .. ويلاقي فانوس مكسور ولا اكصدام واقع ... يقول الله يكون فعونهم ... هيلفوا السبع لفات لحد أما يلاقوا اللى هما عاوزينه ... ساعتها الواحد بيبص للعربية ويقول ... الحمد لله على نعمة اللانوس :floating: