سلام يا شباب
يعنى ايه عربية قطمة؟
و إزاى ممكن ترخص لو لقيتها؟
و هل فى حد ينصحنى إنى أشترى شيروكى أو رانجلر قطمه مرخصه؟
و لو فى عربية قطمه مش مرخص فى حد يقدر يرخصهالى؟
سلام يا شباب
يعنى ايه عربية قطمة؟
و إزاى ممكن ترخص لو لقيتها؟
و هل فى حد ينصحنى إنى أشترى شيروكى أو رانجلر قطمه مرخصه؟
و لو فى عربية قطمه مش مرخص فى حد يقدر يرخصهالى؟
متابع
الناس خايفة.ترد عليك شكلك تطلع مباحث عشان سؤالك اﻷخير مريب عارف البلد دي تخرب إمته لما يبتدي الحكومة تحشر نفسها وتزنق على مواضيع عربيات النصاص ولحامها ﻷن دي تعتبر من البدائل اللي تخلي اﻹنسان يركب عربية محترمة في مصر ودمتم للنضال أما توصيفك للموضوع بكلمة قطمة فدي مش صحيحة ودمتم للنضال
الأخ صدام أنا معرفش إن المباحث المفروض إنها تتابع موضوع عربيات القطمه دى و خاصه إنى روحت مكان فى المنصورة العربيات بتتلحم عينى عينك كده فى الشارع و أصحاب الورش كلهم راكبي عربيات جى إم سي ملحومه. يعنى الموضوع مش محتاج لا مباحث ولا إنترنت.
المهم فى الموضوع أنا معروض عليا عربيه جيب رانجلر موديل 2000 قطمه مرخصه مكتوب فى رخصتها 1983 صاحبها طالب فيها 60 ألف ياترى أيه الإحتياطات اللى المفروض أعملها قبل ماشترى و هل السعر كده مناسب؟ و إيه سعرها أصلا لو مش قطمه؟ العربيه 2500 و مكيفه و سوفت توب الشاسيه القصير اللون فضى ميتالك.
أرجو الإفاده. لو حد عاوز يراسلنى على الخاص أهلا و سهلا.
بص القطمه بتشتغل في الاقليم لانهم بيخلصو نفسهم هناك ..لكن لو هتنقل قاهره او محافظه تانيه .. يبقي هترمي فلوسك في الارض ..لان العربيات ده كلها مشاكل .. و حتي لو واخد بصمه محليه .. برتك فيها مشاكل و قرف ..انا واحد عرض عليا ياخد عربيتي ايسوزو تروبر موديل 1983 و يديني عربيه ايسوزو تروبر 2004 مرخصه .. و كنت هلبس في الحيط لولا كرم ربنا ..نصيحه ابعد عن الموضوع ده