زيادة كفاءة التكييف لجميع أنواع السيارات ..موضوع حصري لنايل موتور

**mido01050** · 06-09-2013 01:42 AM

انا عمات الموضوع ده عندي بس جبت خراطيم و شقتها و قفلتها حوالين المواسير و فعلا في فرق واضح
سعر بكرة العازل الشريط 10 جنيه
المواسير العازل سعر 2 متر 6 جنيه و بتشتري احزمة سودة زي بتاعت طاسات العجل
المواسير افضل لان سخونة الموتور بتاثر على اللزق و شكلها افضل
اسم العازل ارمافليكس و موجود عند محلات قطع غيار التلاجات و التكييف

**midnightman_74** · 06-09-2013 01:51 AM

المشاركة الأصلية كتبت بواسطة أبو حمزة

طب انا عايز اعرف بالنسبة للنوبيرا ينفع ولا لأ

اى عربية فيها مواسير تكييف مش معزولة ينفع تتعزل

**midnightman_74** · 06-09-2013 01:56 AM

المشاركة الأصلية كتبت بواسطة mido01050

انا عمات الموضوع ده عندي بس جبت خراطيم و شقتها و قفلتها حوالين المواسير و فعلا في فرق واضح
سعر بكرة العازل الشريط 10 جنيه
المواسير العازل سعر 2 متر 6 جنيه و بتشتري احزمة سودة زي بتاعت طاسات العجل
المواسير افضل لان سخونة الموتور بتاثر على اللزق و شكلها افضل
اسم العازل ارمافليكس و موجود عند محلات قطع غيار التلاجات و التكييف

شكرًا لنقلك التجربة
جبت المواسير العازل منين ؟؟
الفرق كان واضح بالنهار ولا باليل ؟؟

**fanki** · 06-09-2013 02:43 AM

معلومة جامدة الله ينور يارجالة

**Yasser.Essam** · 06-09-2013 03:05 AM

جارى التجربه :)

**ahmedhilmy** · 06-09-2013 03:17 AM

شكرا علي نقل التجربه و في انتظار اراء باقي الأعضاء اللي هينفذوا هيجيبوا العازل منين و بكام؟

**mido01050** · 06-09-2013 06:02 AM

المشاركة الأصلية كتبت بواسطة midnightman_74

شكرًا لنقلك التجربة
جبت المواسير العازل منين ؟؟
الفرق كان واضح بالنهار ولا باليل ؟؟

مواسير العازل بتتجاب من عند بتوع قطع غيار التلاجات . اسأل اي محل بيصلح تكييفات او تلاجات بشتروها منين و هو هيقولك .. انا جايبها من طنطا من عند محل اسمه الشقفي مشهور جدا فس شارع المديرية
الفرق واضح الصبح بنسبة 30 % و خاصة في الزحمة كان التكييف بيبقى يادوب ملطف الجو دلوقت الوضع احسن بكتير ... بليل تلاجة بمعنى الكلمة

**saddam** · 06-09-2013 07:46 AM

اﻷخوة المواطنون.
بكرة.العزل أعلاه سعرها يبدأ من 5 جنيه حتى 35 جنيه ﻷنها كذا حجم وبتتباع مع باقي العوازل في ميدان الحتفية في السبتية عند 4 أو 5 محلات تقريبا قصاد بعض وفقكم الله لخير العباد
ودمتم للنضال

**soli86** · 06-09-2013 08:11 AM

هو الحقيقه الموضوع ده رغم إنه في ناس كتير بتعمله لكن هو ملوش تأثير نهائي على كفاءة تبريد المقصوره و عمل التكييف و ده هو السبب الحقيقي ورا إن شركات السيارات مبتعزلش المواسير دي أصلا .. مجهود في عزل الماسورتين للاسف مجهود بلا عائد

**soli86** · 06-09-2013 08:20 AM

الموضوع مبني على ان الناس متخيله ان ماسورة البارد اللي في حوض الماتور داخل للتابلوه و بيحاولوا يخلوها متفقدش برودتها بسبب حرارة الموتور و الكلام ده مش مظبوط

لأن الماسورة دي فيها الفريون في حالته الغازيه بعد ما أدى مهمته في التبريد و خرج من التابلوه و راجع من خلال الماسورة للكمبروسر عشان ينضغط تاني و يتحول لسايل و يروح على السربنتينه في وش العربيه يتبرد و بعدين يروح على التابلوه من الماسورة الصغيره اللي تحت الكبيره دي هي اللي داخله للتابلوه اللي في جواه المبخر و التلاجة ورا الكونصول يبخر سائل الفيون و المروحه تدفع الهوا البارد و يرجع الفريون غاز لماسورة الضغط العالي اللي سعادتك عزلتها بعد ميكون خلص دوره جوه العربيه

خطورة العزل ده ايه بقى .. أن الماسوره دي مش معزوله عشان غاز الفريون يفقد جزء من برودته الشديده قبل وصوله للكمبروسر عشان ميعملش تلج و يخرب الكمبروسر .. على المدي البعيد كمروسرك في خطر

و راجع كل صور المواتير من البورش و المرسيدس لللوجان مش هتلاقي الماسورة دي معزولة في أي عربية

الأخطر أن الخامات المستخدمة زي الأرما فليكس و شريط اللاصق خامات تعزل مواسير البارد عن حرارة الجو الطبيعيه لكنها خامات غير مصممه لتحمل درجة الحراره الموجوده داخل الكبوت من الموتور .. ربنا يستر طريقنا جميعا
http://a4.sphotos.ak.fbcdn.net/hphot...87784747_n.jpg