معلومة مهمة فى تكوين اى تكييف اسبليت فى المنزل او العربية
التكيف فية ماسورتين نحاس واصلين بين الوحدة الداخلية(داخل الغرفة) للمكيف والوحدة الخارجية ( خارج الغرفة) للمكيف

الماسورتين النحاس عبارة عن :
١-ماسورة صغيرة بتنقل الفريون من الوحدة الخارجية اللى فيها الكومبريسور للوحدة الداخلية اللى داخل الغرفة
٢-ماسورة أكبر فى الحجم بتنقل الفريون من الوحدة الداخلية وترجعة تانى للوحدة الخارجية اللى فيها الكومبريسور


ولازم الماسورتين يكونوا معزولين عزل حراري كويس جداً وفائدة العزل الحرارى :


١- عدم تسريب البرودة اللى فى الماسورتين للجو الخارجى وتسريب البرودة بيقلل من كفاءة التبريد


٢- الحفاظ على درجة حرارة الفريون اللى راجع للكومبريسور ساقع عشان يبرد أجزاء الكومبريسور الداخلية أثناء التشغيل ودة بيطول عمر الكومبريسور


فى معظم السيارات هتلاقى الماسورتين جنب بعض فى غرفة الماتور من غير عزل !!!
كلنا عرفين ان غرفة الماتور بتبقى سخنة جدا والعربية ماشية ودة بيعرض مواسير التكييف للسخونة ودة بيقلل من كفاءة التكييف

الفكرة ببساطة انك تجيب شريط عزل حرارى وتلفة على الماسورتين
وهنا المواسير هتحتفظ بالحرارة الساعقة ويزود كفاءة التكييف داخل السيارة

ملحوظة : لازم تمسح الماسورتين الاول بفوطة مبللة عشان الشريط العازل يمسك كويس على المواسير
شريط العزل الحرارى ممكن تلاقية عند محات بيع الفريون وقطع غيار التكيفات

اسيبكوا مع الصور--لانسر بومة


الماسورة الكبيرة


الماسورة الصغيرة




صورة للماسورة الكبيرة والماسورة الصغيرة جنب بعض



شريط العزل الحرارى


شريط العزل الحرارى مفرود


صورة المواسير بعد العزل بالشريط الحرارى

صورة المواسير بعد العزل بالشريط الحرارى