عرض للطباعة
السلام عليكم ورحمة الله وبركاتة
لو سمحتو يار جالة بروتون
ايهما افضل جين 2 ولا برسونا 2014 وانا هاجيب اتوماتيك
واية عيوب العربية دية عموما
انا كل الى بسمعة عن توكيل عز العرب انة سيئ وامير وجوزيف صنيعية مش اد كدة ووصفا بيريحو العميل ويماطلو معاة علشان تخلص فترة الضمان وقع غيار نار ان اتواجدت اصلا
دة كل الى اعرفة عن عيوب بروتون
ممكن حد يغير رائى
ولكم جزيل الشكر
البيرسونا عائلية والجين تو شبابية
كل واحده ليها جمالها
انا عن مفسي اخترت الببرسونا والحمدلله راضي عنها بس اي جين 2 تعدي من جمبي لازم ابصلها لانها ملفتة الصراحة
الموضوع اختيار واقتناع
قطع الغيار متوفرة الى حد كبير والعربيه منتشرة
الوكيل مليش تعامل معاه بس عصام صفا معقولين
بص انا كان معاى العربيه موديل 2008 و بعتها من حوالى سنه و نص
العربيه كويسه مش وحشه هى شكل حلو بس توكيل متعب و قطع غيار مش متوفره على طول و المحالات كل واحد بيبع بمزاجه و بالسعر الى هو عايزه
انا كنت بشترى عربيه جديده فى شهر 5 الى فات و فكرت اجيب الجين عشان اوتو و فيها سيفتى بس بعد ما شوفت الجراند بونتو حاسيت ان الجين 2 عربيه معفنه بالنسبه لها مع كامل احترامى لملاك العربيه
فى مشاكل فى التقفيل بتسمع شويه تزيق و حاجات تانيه عموما حتلاقى تقراير كتير عن العربيه فى المنتدى فيها تفاصيل اكتر من كلامي
عصام و صفا حيفيدك فى الصيانات و الحاجات البسيطه بس لو فى حاجه كبيره حتتصدر مع التوكيل
انا كان فرن الجكمان عندى اتكسر و ده عيب شائع فى الجين و مش موجود فى التوكيل و بره سمعت اسعار هبل
قدمت شكوى فى حمايه المستهلك و سيحت لهم على صفحه الفيس بوك عشان يجيبو لى الفرن فى الفتره دى كنت لحمته مرتين و اتكسر تانى و مسخن العربيه و قلل السحب و زود الاستهلاك معاى
ال جين تو أفضل ولكن يفضل الفترة الحالية اﻹبتعاد عن بروتون ﻷن نجنها بدأ باﻷفول وصارت البدائل غنها كثيرة ودمتم للنضال
الجين 2 و البيرسونا كانت مقبلوه لما كانت ب 90 انما دلوقتى بقت ب 110 يعنى فى شريحه تانيه خالص
اي هي البدائل ديه ؟اقتباس:
المشاركة الأصلية كتبت بواسطة saddam
مش شايف اي عربية فى السوق بسعرها بنفس كمالياتها و ادائها
العربيتين كويسين بس حسب استخدام العربيه البرسونا عائليه شويه والجين2 شبابي اكتر
التوكيل انا اتعملت معاهم في صيانه الالف وكانوا كويسين يعني احسن من غيرهم كتير
ولو فعلا هتشتري بروتون هات جين 2 ومش هتندم ان شاء الله وبالتوفيق
معى احترامى الشديد لحضرتك بس انا مختلف معاك فى موضوع الجراند بونتو دااقتباس:
المشاركة الأصلية كتبت بواسطة aliabdo
لان معلش الجراند بونتو اقل فئة ب 104 الى هى فاضية ومفيهاش اى شىء
ومينفعش تقارنها بالجين 2 لانها مكسحها كماليات ومكسحها فى الشكل والوسع والسحب ولما حضرتك تحب تقارنها فى التقفيل هتلقى ام 104 اقل فى الجودة والتقفيل من الهاى لين الى 140 فلما حضرتكك تقارن هتقارن الجين 2 الى ب 104 ب جراند بونتو 140 يبقى مفيش حيادية فى المقارنة مع اغفال فارق السعر الكبير الى ممكن نجيب بية حاجات كتتتتتتتتتتتتير جدا تدى الجرند بونتو مليون سكة
حضرتك لو قارنتك الجين 2 بلجراند بونتو الى فى نفس فئتها السعرية الجين 2 تتفوق باكتساح
اقتباس:
المشاركة الأصلية كتبت بواسطة AhmedAbdFat
بس ياباشا علشان حضرتك بس فى شوية توضيح الشريحة بتاعت الجين فيها اية ؟اقتباس:
المشاركة الأصلية كتبت بواسطة aliabdo
اقولك فيها اوبتر
فيها نيسان
فيها جراند بونتو
فيها mg ودى ب 112
التيجو ب 114
والجين 2 بردوا والله بدون تحيز افضل من كول الى فئتها دا بعد مقارنة كبيرة
يعنى جين بكلام حضارتكم كويسة
يعبها توكيل وغلو قطع غيار
ولا يوجد اى مقارنة بينها وبين اى عربية ثانية بنفس الفئة السعرية
كلام صحيح ولا فى اى اعتراض
ومتابع يا جماعة
بس يااستاذ خيرى انا كنت زي حضرتك فى الالو ولفيت معارض الدنيا كلها وقارنت مابين حاجات كتير ومابين عربيات كتير لقيت مشاء الله الجين 2 افضلهم ودا بعد مقارنة كل الفئات بيها وبسعرها
الجين عربية بسم الله مشاء الله ممتازة قطع الغيار لسه انا مجربتهاش بصراحة لانى لسة جايبها من كام شهر والتوكيل سعر صياناتة معقولة زى الفيرنا بالضبط ( الصيانات الدورية ) التوكيل سىء مقولناش حاجة بس عصام صفا بيحل محلة ومحترم جدا
العريية ممتازة فى السحب والشكل والكمليات والصناعة وانا شايف العربية الى ممكن تبقى فوق الجين وتتفوق عليها فى بعض الكمليات والوسع هى السيراتوا الشكل القديم
بص العربية حلوة مفيش كلام بس مع أول مسمار حتحب تغيرة في العربية حتندم ندم السنين انك إشتريتها
للتوضيح بس انا كان معاى جين 2 و دلوقتى معاى جراند بونتواقتباس:
المشاركة الأصلية كتبت بواسطة shshtawy
معلش مين الى قال لحضرتك الجراند فاضيه ؟؟؟؟ طيب مين الى قالك ان الجين 2 فيها زياده عن الجراند ؟؟؟؟
انا ركبت الاتنين يكفى فقط جوده الخامات و التقفيل فى الجراند تتفوق على الجين 2 بمراحل
يكفى لما تركب الجراند و لا تسمع تزيق و لا تخبيط و لا فرامل مش تمام "زى ما حضرتك كنت بتشتكى قبل كده"
يكفى انك بتروح التوكيل اول مره بعد 5000 يبصو على العربيه و يعملو فحص مجانى مش بعد 1000 زى الجين و تغير زيت و تدفع فلوس
يكفى ان ضمان الجراند 3 سنوات 120 الف كيلو
الجراند اول فئه ب 102 شاريها فى شهر 5
2 اير باج
اى بى اس
اى بى دى
طاره مالتى
كوتش ميشلان المانى
سنتر و امبلويزر
فوانيس متحركه
عزل و تقفيل ممتاز
كمبيوتر رحالات
استهلاك بنزين تحفه
خمسه نجوم فى اختبار الامان و السلامه فى اروبا
Fiat Grande Punto | Euro NCAP - For safer cars crash test safety rating
قاعده مريحه و عربيه واسعه بالنسبه الى "طولي 185 و وزنى 110"
سحب كويس جداا و ثبات محترم و فرامل تحفه
ده الى فى الجراند الى حضرتك بتقول عليها فاضيه
يكفى انك راكب عربيه اوربى معروفه فى الدنيا كلها قطع غيارها عند اى حد باسعار معقوله
التوكيل انا جربته مرتين محترمين و متعاونين و يعتمد عليهم حتى الان من خلال تجربتى
بص انا وقت ما كنت بشتري شوفت الجراند و قلت ما اجيب الجين 2 عشان اوتو بس اول ما فتحتها و قعدت فيها اخدت قرار بالجراند
الموضوع فى الاول و الاخر طريقه تفكير
لو عايز تشوف خامات و تقفيل الجراند و الجين روح اى معرض و انت تعرف الفرق كويس قوى
يا راجل ده القماش الى متبطن بيه الابواب عامل زى قماش المراتب و الله
و فى الاخر ربنا يوفقك كل واحد للى فيه الخير
يا با شا العربية 1400سى سى 75 حصان ازاى هيبقى التكيف كويس والسحب كويس
للتوضيحاقتباس:
المشاركة الأصلية كتبت بواسطة خيرى محمد
انا ركبت
سكودا فليشيا
ماذا 232
تيوتا كرولا
جين 2 فورد
و عربيات تانيه مش فاكرها
الجراند 77 حصان 1368 سى سى
الهورس بور ده من العجله مش من الموتور زى الكوري يعنى 77 حصان و الموتور راكب فى العربيه يعنى قياس حقيقي
و انا بعد ما ركبت العربيات دى كلها بقولك ان سحب الجراند بونتو كويس قوى و ممكن حضرتك تبص على المواضيع بتاعت جراند بونتو فى قسم فيات و تشوف كلام الناس
و بعدين انا بتكلم على عربيه راكبها بقالى حوالى 4 شهور و مشيت بيها 5500 ك و اقدر احكم عليها من التجربه مش من السمع
حضرتك لو عندك تجربه عملى يا ريت تشاركنا فيها لو سمحت
يا اخى الكريم انا بتكلم بصفة علمة مش عملية يعنى هشارك ازاى وانا لسة مجبتش عربة وبستشير حضاراتكم انا بفاضل بين سيارتين وانت وضعت اختيار اخر انا معاك فى كل حاجة مفيش كلام بس 1400 سىسى ولا 1600 سىسى ايهما افضل فى السحب مع التكيفاقتباس:
و بعدين انا بتكلم على عربيه راكبها بقالى حوالى 4 شهور و مشيت بيها 5500 ك و اقدر احكم عليها من التجربه مش من السمع
حضرتك لو عندك تجربه عملى يا ريت تشاركنا فيها لو سمحت
وعلى العموم ممكن تئولى انت جبتها من اى معرض وهل هى مانيوال ولا اتو وبكام
مع تحياتى اخوك خيرى محمد ومتابع
انا مقصدش حاجه بس بضايق من الناس الى بتفتى و هى مجربتش مش اكتراقتباس:
المشاركة الأصلية كتبت بواسطة خيرى محمد
العربيه منيول كانت ب 102 و الاوتو كانت ب 118
من عند الطارق
من نايحه السحب الجين 2 كان بيبان تاثير التكيف فيها قوى
الجراند و الله للامانه مش بتفرق فيها خالص و لا تحس باى تاثير
يا استاذ على انت من اسكندرية هل معرض الطارق فى القاهرة بردو
انت انطباعك اية عن الربية ممكن تعمل ليا تقرير بمعنى
عامل كاك كيلو بيها دلوئتى
روحت التوكيل امتى ماذا تم معاك
حملت العرية وشديت بيها وشغلت التكيف العربية كانت عالمة معاك اية
الفرامل اخبرها اية
استهلاك البنزين الحرارة وتئثرها على السحب فى عز الظهر
ممكن توضح كل التفاصيل دية بتقرير منك يا جميل
انا متابع معاك اخوك خيرى
اكيد فى الطارق فى القاهره بس مش عارف فين و اللهاقتباس:
المشاركة الأصلية كتبت بواسطة خيرى محمد
العربيه سحبها حلو و انا عامل تقرير مصور عنها فى قسم فيات دور عليها
انا ماشى بيها حتى الن 5500 ك كلهم سفر مره مطروح ماشى 130 170 حسب الطريق و مره دمياط نفس السرعه و يمكن اكتر سنه و مره القاهره و مره الفيوم
التوكيل رحته مره عشان اول خروجه بالعربيه الاريال اتسرق جبته الاصلى ايطالى ب 170 و شيلته و ركبت واحد صينى و تانى مره صيانه ال5000 عباره عن فحص و تربيط مجانى و لو عندك اى شكوي بتتعمل و الحمد لله مكنش فى اى ملاحظات مع انى موسوس قوى فى موضوع العربيات ده بالذات و عبال ما شربت القهوه العربيه خلصت
احنا اسره صغير عندى طفل واحد بس بنسافر بشيل كتير الشنطه متوسطه الحجم بس لو عايز وسع افتح الكنبه و حمل الى انت عايزه انا لو حمشى للشارع الى وره بشغل التكيف يعنى طول الوقت مشغله سواء سفر او جو البلد فى الحر الشديد بياخد وقت عبال ما يبرد خصوصا لو وقف فى شمس كتير و العربيه لونها غامق اساسا
الفرامل انسى انه تقل معاك فى اي موقف كمان لو دوست فرامل فجاءه الانتظار بيشتغل اوتماتيك
دراع الاشاره مجرد لمسه بيدى حوالى 5 اشارت و يفصل لو عايز تغير حاره
استهلك البنزين تحفه لو انت مش بتحرق جامد يعنى كنت ماشى 110 كان الاستهلاك مع التكيف اقل من 6 لما كنت ماشى 170 كان الاستهلاك 12 لتر
و برضو متخدش على كلامى انا لوحدى عشان ممكن اكون متحيز لاختيارى الى قعدت افكر فيه حوالى سنه شوف برضو المواضيع الى مكتوبه عن العربيه فى المنتدى
شكرا يا استاذ على على التقرير الجميل
واتمنى انك تكون فى صحة وعافية انشاء اللة
تحياتى ........
كمان اضيف حاجه البور بتاع العربيه كهرباء و فيها حاجه كمان اسمها سيتى بور
لو بروتون يبقي جين
قطع الغيار مش كلها منتشرة بس ليها بدائل يعني وعيب العربية ان قطع غيارها غالية و التوكيل زي الزفت