مفاجأة .. تيل فرامل جين2 وبيرسونا ملهوش حل

**darkbright** · 05-09-2013 01:43 AM

أحبائى فى الله

السلام عليكم ورحمة الله وبركاته

النهاردة روحت ادور على تيل فرامل لعربيتى البيرسونا ولفيت على طوب الارض كالعادة لحد ما وقعت على المفاجأة اللى مكنتش بحلم بربعها حتى
لقيت تيل فرامل صناعة كورى والمفاجأة ان سعره رخيص اوى
تيل أمامى = 125 جنية
تيل خلفى = 120 جنية
بصراحة شكيت فيه بس التاجر حلفلى انه ولا بيصفر ولا حاجة وخامته حلوة مش بياكل فى الطنابير زى تيل التوكيل اللى كنت مركبه وكل ما افكر حتى انى ادوس فرامل يصفر
المهم قولت اشتريه واجربه خصوصا ان سعره رخيص ... واشتريت الامامى والخلفى بسعر 245 يعنى ارخص من تيل واحد امامى فى التوكيل
روحت ركبت التيل وجربت .... النتيجة .... مفيش صفارة نهائى الحمد لله ... كانت بسيطة اوى فى الاول بس لما اشتغل التيل شوية وطبع على الطنابير ملقتلهوش صوت خاااااااااالص الحمد لله

الراجل اللى عنده التيل ده اخدت منه رقم تليفونه لو حبيتوا تتصلوا بيه وتظبطوا معاه 01111355391

ارجو انى اكون افدت الجميع ومطولتش عليكم

**darkbright** · 05-09-2013 01:44 AM

مش عارف ازاى ارفع صور التيل بصراحة ... هحاول تانى

**M I D O** · 05-09-2013 01:54 AM

مشكور علي نقل التجربة ونقل الافادة لاعضاء المنتدي

**Ashraf_Ibrahim** · 05-09-2013 02:04 AM

شيء جميل جدا
شدوا حيلكم عشان انا على اعتاب اتخاذ قرار بشراء بيرسونا ان شاء الله فحاولوا تظبطوا كل قطع الغيار الاستهلاكية عشان الاقي كل حاجة :d

**darkbright** · 05-09-2013 02:30 AM

**Moataz_Mohamed** · 05-09-2013 04:14 AM

السلام عليكم
أتمنى تكونوا جميعا بخير،،،،،
أنا لسه جايب النهاردة حجات للعفشة، العربية بروتون ويرا 2005، وبجدد العفشة،
أنا الحقيقة عشان الظروف السيئة اللي في البلد، ما نزلتش الحرافيين و روحت لمحل صلاح عيد اللي في نصر الدين، أنا بجيب منه الحجات اللي ببقى عايزها لعربيتي الأولى "نيفا" ودي حبيبة قلبي، المهم هو مكنش عنده حجات الويرا بس زي ما حضراتكوم عارفين انها تشبة لانسر البطة وبالتالي جابلي الحجات اللي انا عايزها والأسعر للأستفادة :
مساعدين امامي kyb ياباني 850 جنية
مقصين امامي تايواني 400 جنية
كاوتش مساعدين 75 جنية
بارات داخلية ياباني 150 جنية
بارات خارجية 200 جنية
كاوتش علبة دريكسيون 50 جنية
مسمارين ميزان 60 جنية

أما بالنسبة لصيانة العربية:
غيرت الأتي:
تيل أمامي 130 جنية
طقم بوجيهات 50جنية
طقم سلك بوجيهات 75 جنية
فلتر بنزين 45 جنية وطبعا جركن زيت هيليكس شيل الأصفر 130 جنية
فلتر زيت 25 جنية

وأخيرا حاجة ملهاش علاقة بالعفشة ولا الصيانة: دليتين أمامي 40 جنية

أتمنى إن أكون قدمت إفادة لحضراتكوم واللي شايف إن الأسعار دي غالية يقولي لو سمحتوا.

**yousefsemsem** · 05-09-2013 02:34 PM

مبروك ياغالي تجديدات الويرا بس كنت جبت التيل نوعه جولد نضيف اوي بالزات مع الطنابير بتاعهتا ﻻنها من النوع اللي بيسخن

**Moataz_Mohamed** · 06-09-2013 09:06 PM

السلام عليكم
الله يبارك فيك يا yousefsemsem باشا
بس أنا لقيت مفاجأة النهاردة وأحنا بنركب المساعدين الأمامي الجديدة بتاعت الانسر البطة ورجعناها وجبنا بتاعت اللانسر موديل 2005-2007. وبردو البارات الداخلية مش بتاعت لانسر اصلا، مش عارف الناس كلها بتقول أن حاجة البروتون ويرا زي البطة ليه؟