فوانيس كيا ريو 2013 عدسات.

**John.Mersal** · 05-09-2013 11:25 AM

الفانوسين عند واحد صاحبي اتكسرو و عايز يغيرهم بس عايز يجيب اللي بعدسات. حد عنده معلومات بيتجابو من فين و بكام؟

و هل الفرق بين سعرهم و سعر العادي بتاع العربية كبير؟

و اخيراً ممكن يركبو اصلاً علي عربية سيدان ولا هاتشباك بس؟ ( دا سؤال لي انا عشان انا عندي السيدان في حالة لو حبيت اغيرهم )
شكراً ليكم مقدماً :)

**الجنرال** · 05-09-2013 03:32 PM

هو مبدئيا للاسف مش هينفع يركبوا الا على الهاتشباك

ثانيا انا كنت سألت عليهم فى التوكيل .. كان الواحد (الجنب الواحد) عامل حوالي 2500 جنيه (حسب ما انا فاكر .. وده اللى هو فيه لمبات ليد وطبعا فيه العدسات)

ثالثا: ياريت لو تعرف منين ممكن يتجابوا استيراد او اصلي من بره التوكيل او حتى من الحوادث ياريت تقولي لانى عايز اجيبهم .. وان شاء الله سعرهم ميبقاش غالي ان شاء الله

**M I D O** · 05-09-2013 04:30 PM

2500 جنية عشان كشاف واحد بس ؟؟ دة سعر قطع غيار كوري ولا الماني

**MoH.SaLaDiN** · 05-09-2013 07:25 PM

دلوقتى الواحد عايز يركب كشافات امامية وخلفية فيها ليدات وعايز يركب حساس ركن وعايز يركب الكاسيت التاتش ال 8 بوصة اللى فيه gps وعايز يركب وحدة رفع الازاز وياريت لو فيها ضم لفتحة السقف و المرايات محتاجة كام بقى 10000 جنيه مثلا !!!!!!!!! لو الواحد لاقى الحاجات دى حتبقى العربية تحفة بمعنى الكلمة

**John.Mersal** · 06-09-2013 02:36 AM

انا لقيت الجهاز بتاع ال gps اللي بينزل برة دا ب 2800 جنيه في مصر..

شكراً ليكم علي الردود يا شباب . جزاكم الله خيراً

**الجنرال** · 06-09-2013 05:35 PM

العفو على ايه

بس معلش انت تقصد جهاز الجي بي اس اللى هو شاشة ال dvd بتاعت الكيا الريو؟؟

ممكن تقولي لقيتها فين وياريت لو تحطلنا اللينك علشان انا بدور عليه ولو لقيته ارخص بره مصر هجيبه ان شاء الله

**2CODE** · 06-09-2013 06:31 PM

المشاركة الأصلية كتبت بواسطة M I D O

2500 جنية عشان كشاف واحد بس ؟؟ دة سعر قطع غيار كوري ولا الماني

يا ميدو حرام عليك الماني ايه بس ههههههههههههه
انت شكلك سايب قطع غيار الالماني العالي ليك فتره

اسألني انا عن قطع غيار الالماني - فوانيس الـX1 عدسات زينون بيضاء بـ18 الف جنية انت بتتكلم ازاي ؟؟؟؟؟ ومش موجودين اساساً في التوكيل ومش معاهم الـParts Number

صباح الفل - السعر ده اول امبارح من اخر مكالمة في البافارية

**M I D O** · 06-09-2013 09:03 PM

المشاركة الأصلية كتبت بواسطة 2code

يا ميدو حرام عليك الماني ايه بس ههههههههههههه
انت شكلك سايب قطع غيار الالماني العالي ليك فتره

اسألني انا عن قطع غيار الالماني - فوانيس الـx1 عدسات زينون بيضاء بـ18 الف جنية انت بتتكلم ازاي ؟؟؟؟؟ ومش موجودين اساساً في التوكيل ومش معاهم الـparts number

صباح الفل - السعر ده اول امبارح من اخر مكالمة في البافارية

مهو حاجة من 2 يا اما الواحد نام ييجي 10 سنين وصحي مرة واحدة ولاقي الواقع متغير يا اما في استهبال في السوق و التجار بيبيعو ويشترو في المستهلك زي ما هما عاوزين ومفيش رقابة ومفيش اي حماية للمستهلك وبعدين يا باشا ال bmw دي حاجة تانية وركوبة تانية يعني من الاخر طبقة معينة الي بتركبها وميفرقش معاهم الاسعار دي انما الريو اجيبها ب 116 عشان يكسر فانوسين اصرف 5000 جنية ؟؟ امال لو لاقدر الله العربية عملت حادثة هيصلحوها بكام ب 200 الف بقي مهو دة الي ناقص