لسه عامل الموضوع الفاكسان دا
شوف انت معاك رقم الصادر صورة من الجواب اللى البنك بعته للمرور، فى تحت تاريخ اللى الجواب اتسجل واتبعت بيه للمرور فى حاجة زى ختم كدا، فوت اسبوع عمل يعنى قول 10 ايام وروح على المرور اسال على اموظف اللى عنده جوابات الحظر لو لقيته وصل هتعمل اجراءات التجديد العادية بالترتيب:
1- تجيب بيان مخالفات
2- دوسيه تجديد وورق فحص من الخزنة
3- تروح تدفع التأمين
4- تملا بيانات الدوسيه
5- تروح تفحص وترفع البصمة وتختم ورق الطفاية وكل دل هيديهولك فى ورق الفحص ودوسيه التجديد فى الخزنة
6- تقدم كل دا على الشباك هيراجعه الموظف وتقولله ان عندك جواب رفع حظر موجود هيقوم يجيبه من الموظف التانى ويحطه فى الملف
7- تستنى الرخصة وتتاكد ان مش مكتوب عليها حظر بيع وتراجع كل البيانات والف مبروك
المفضلات