رابطه لملاك جيلي ck

**atwany2** · 24-11-2013 10:08 PM

انا اللي غيرت الاسطوانه والديسك والبلية والحمد لله العربية بقت كويسة بس مشكلة البنزين مش عارف انا بتاخد معايا 13 لتر كل 100 كيلو وانا شايف ان ده كتير شويه ايه الحل وسؤال انا اقدر افول بنزين 80 حتي لوعلي فترات ولا لاء وبالنسبه ل وش الفانوس انا عندي نفس المشكلة وسالت علي تمنهم كامل الاتنين 750 جنيه وبالنسبه للمروحتين انا بيشتغلوا عندي الاتنين مع بعض بعد المؤشر ما يعدي النص وتبطل لما يرجع قبل النص وفيه فيشه فوق الماتور بتتوصل بين الترموستات والمروحه لما اشيلها بتشتغل المراوح مع الكونتكت وتبطل معاة وانا ساعات بشيلها لما الاقي الماتور سخن وبخاف المراوح ماتشتغلش لاي سبب وفي الحالة دي درجة حرارة العربية بتبقي تمام خصوصا ان انا في اسوان
\والحاجة الاخيرة انه فيه صوت في العربية ورا لقته المساعد وشكله جديد علشان العربية لسه شاريها قريب فهل له اصلاح مثلا يتشحم اويتزيت ولا لازم اغيره وهو مساعد مركته ايه وشكرا

**el_lol_007** · 08-12-2013 11:41 AM

شباب السلام عليكم
حصلت عندى مشكله فى جلبه المقص اليمين يا تري حد يعرف هى بتتباع فين و تمنها كام و هل ينفع اغير جلبه بس ولا لازم اجيب المقص كله

وشكرا جزيلا ليكم

**arafahamada** · 11-12-2013 10:51 PM

معى السياره جيلىck وهى سياره جميله وكان عندى مشكله هى ان السياره بتقطع عند الطلوع بها وعند الغيارات وغيرت فلتر البنزين والبوجيهات ولكن استمر العيب وبعد ذلك غيرت اسلاك البوجيهات واصبحت العربه جميله والموتور جميل وقوى

**el_lol_007** · 12-12-2013 01:16 PM

السلام عليكم
انا جبت جلبه المقص لوحدها ب 35 جنية من دراجون اللى فى الحرفيين و المقص كله ب 225 جنية

من فضلك ممكن حضرتك تقولى جبت اسلاك البوجيهات منين و بكام و فلتر البنزين و شكرا

**arafahamada** · 13-12-2013 11:14 AM

انت تذهب الى بتوع قطع الغيار وتأخذ معاك السلك الطويل واحد فقط علشان تعرف أماكن الاسلاك وانا اشتريت السلك الصينى وكانت ب 50 جنيه والحمد لله

**arafahamada** · 13-12-2013 11:16 AM

ممكن تقول لنا نوع الدسك والاسطوانه الا أنت غيرتهم أيه النوع طبعا

**atwany2** · 13-12-2013 01:17 PM

الاسطوانة والديسك بتوع تيوتا كورولا 98 بس برضة اخدت القديمة وجبت زيها والبياع قال لي انها تيوتا عيون

**atwany2** · 13-12-2013 01:23 PM

انا برضة العربية فيها تقطيع والميكانيكي قال انها من الاسلاك بس لسه مجبتهاش بس المشكلة الان ان العربية بطلت
لان البطارية فضيت لان الظاهر ان الدينامو فيه حاجة فاتكلت علي الله وابتديت افكه بس خايف ابوظ حاجة انا حتي الان فكيت السير والمسمار الكبير اللي ماسك الدينامو ومسمار الشداد مش عارف افكة للاخر ولا هو مش ماسك الدينامو لان الدينامو مش عايز يطلع

**atwany2** · 15-12-2013 08:17 PM

الجمد لله فكيت الدينامو ونضفته كويس من الداخل وقيس السيلوكنات والشربون ولقيتهم تمام وغيرت سلوك الكتاوت لانه ملحومه بشكل غريب وواضح انالدينمو متصلح قبل كده وزيت الموبينه ورجعت ركبته والحمد لله اشتغل كويس وقيست البطاريه قبل التشغيل 12.7 فولت وبعد مادورت العربيه وزودت سنه بنزين علشان علامه البطارية اللي في الطبلون تروح قيست البطارية لقيت 14.2 عرفت ان الدينمو شغال تمام والحمد لله رب العالمين

**arafahamada** · 17-12-2013 10:35 AM

ممكن حد يكون تعامل مع نوع جيد من تيل الفرامل الامامى ويتكرم ويدلنا عليه والسعر كام وانا أبارك لللاخ الذى حل الدينمو واصلاحه طبعا للازم الواحد يعرف العربيه وكيفيه عملها ويقوم باصلاح العيوب البسيطه