رابطه لملاك جيلي ck

**arafahamada** · 28-12-2013 06:19 PM

احنا متشوقين الى كتالوج السياره وياريت حضرتك ما تتأخرش علينا وربنا يبارك فيك

**xmando11** · 28-12-2013 08:04 PM

ده رابط الكاتلوج بتاع العربية
https://www.mediafire.com/?0exyu4n5248nlcd

**el_lol_007** · 29-12-2013 08:40 AM

شكرا ليكم جدا على مشاركاتكم و انا سعيد بمشاركه اعضاء محترمين و نقدر اننا نستفيد من تجاربنا مع العربيه دى انا العربيه دى عجبانى جدا فعلا بس كنت محتاج اعرف البدايل و اديني بتعلم منكم كلكم و شكرا ليكم كلكم ناس محترمين جدا
و شكرا لحضرتك جدا على الكتالوج
و كل عام و حضراتكم بخير

**el_lol_007** · 29-12-2013 08:55 AM

من فضلكم عندى استفسار
انا السنتر عندى كان بيقفل على سرعه معينه و بد كده بطل يقفل لوحده يا تري حد يعرف السبب
حاجه تانية مؤشر البنزين عندى مش مظبوط و بيلخبط فى القراية يا تري العوامه تحت الكنبة ولا لازم افك التانك
و شكرا ليكم

**xmando11** · 29-12-2013 05:55 PM

كل سنة وانت طيب
بس انا عندى السنتر مش بقفل لوحده خالص
لو كان بيقفل لوحده يبقى كده اكيد فى مشكله
بالنسبه للعوامه انا فكات الكانبه قبل كده بس والله مش فاكر شوفتها ولا لا
بس سهل ممكن تبص عليها

**atwany2** · 29-12-2013 09:41 PM

انا اشتريت المساعدين الامامية ب 550 جنيه من التوفيقيه واحد جابهم لي من محل اسمه شاهين تقريبا بعد ما لف كتير وانا في اسوان لما دورت ملقيتهمش ولقيت بتاعة الفيرنا زيها بالظبط بس الودن اللي بيتربط فيها الشداد مش موجوده وموجود بدلها مربع فيه فتحة صغيرة 6 مم تقريبا ولوفيه تعديل ياريت اللي جربه يفيدن وبالنسبه للخلفي لم نجدهم بس تمنهم قالوا 650 جنيه وممكن بعد اسبوع علي حسب كلامهم يجبوهم وبالنسبه لتيل الفرامل انا صاحب العربية اللي قبلي كان مليهم والطنبوره فيها مجاري فقلت اغير التيل وبعد مافكيناه لقيتهة مليان زي ماهو وربطناه تاني وبقي يصفر من ساعتها بس انا بجيب شوية ميه في الجردل مع اريال واكبهم علي الطنبوره او من خلال العجل الصفاره بتروح وانا لسه مركبتش المساعدين والعربيه فيها هزه شويه تقريبا عايزه ضبط زوايا وترصيص فقلت خليها بعد ما اركب المساعدين بالمره
\بس انا عايز اسال علي حاجة انا العربية بتستهلك بنزين اللتر بيعمل 7.5 كم وده كتير شويه فاضطريت افول بنزين 80 هل الاستهلاك عندكم كده برضه ولا انا فيه مشكله

**el_lol_007** · 30-12-2013 09:45 AM

باشا استهلاك البنزين كده عندك كتير و فيه مشكله انا استهلاك البنزين عندى تقريبا مابين 11 و 13 كيلو للتر
نظف البوابه و غير فلتر الهوا و الزيت و البوجيهات و قولى الاخبار ايه

**arafahamada** · 31-12-2013 05:01 PM

ياريت شرح بسيط على طريقه حل وتنظيف البوابه بتاعه الهواء

**xmando11** · 03-01-2014 10:11 PM

المشاركة الأصلية كتبت بواسطة arafahamada

ياريت شرح بسيط على طريقه حل وتنظيف البوابه بتاعه الهواء

http://m.youtube.com/watch?v=41yFXjibtLY#
بص علي الفديو ده بس انت ممكن تفك الكوليه عند البوابه وتشيل الغطاء بتاع فلتر الهواء بالخرطوم اللي. رايح البوابه
[media]http://[/media]