المشاركة الأصلية كتبت بواسطة drany
شكرا لصاحب الموضوع علي الفكرة
ومن باب التعاون في هذه الرابطة الجميلة
بعض المعلومات
انا امتلك سي كي 2008 من حوالي سنة
العربية ماشاء الله جميلة
هي قطع الغيار الاصلية بتاعتها متوفرة بس بروح التوفيقية
كل حاجة هناك الحمد لله
في كذا واحد شغالين فيها هناك
ابو عوف
الشركة الصينية...ناس محترمين الصراحة
قاصد كريم...ناس متعبين واسعار غالية ومعاملتهم ذي الزفت بيحسسك انك بتشحت منهم
بالنسبة لاسعار بعض قطع الغيار اللي انا جبتها وركبت ومش بشتكي منها والحمد لله
ماستر الفرامل العمومي حوالي 275 جنية
بلية العجلة الخلفية ودي بتاعة الشيفرولية الافيو 80 جنية
البلي الامامي الياباني 120 ج البلية
تيش الميزان 80
المساعدين الامامي والخلفي سعر واحد واسعار رفعت الفترة اللي فاتت ..الجوز ب 700 عن قاصد كريم وب 600 عند الشركة الصينية اللي امام ابو عوف
الكبالن ب 240 الكوبلن الواحد
البيضة 70
دي الحاجات اللي غيرتها من ساعة ما جبتها
في سؤال عايز حد جدع يفدني فيه
انا العربية اللي ماعايا اشتريتها ولم اجد فيها الكنترول بتاعها اللي ماسك السنتر والزجاج وحاجات تانية كتير
واحد كهربائي قالي الكمبيوتر ده سعره 700 جنية الكلام ده صح
ولو حد عنده معلومة عن الكنترول ده يقولي وانا ادعيله
نسيت
موتور العربية دي هو موتور الكورولا العيون 98 حاجته متوفرة والحمد لله
وعايزين حد يقولنا علي حل بالنسبة للباغة بتاعة الفانوس علشان بتسمر والاضاءة بتضعف مع الوقت هل فيه حد عنده حل نهائي للموضوع ده