رابطه لملاك جيلي ck

**سعد الدين حسن** · 30-07-2014 10:01 PM

[size="6"]سلام عليكم
فى الواقع دى أول مشاركة لى فى هذا المنتدى وأنا عندى عربية جيلى ck1 موديل 2006 والعربية معايا من 2009 وكانت ماشية زى الفل وكنت متابعها أول بأول لحد ما كنت بيها امس على الصحراوى وفجأة لاقيت التكييف بيجيب هوا سخن وبعد فترة قصيرة توقفت العربية تماما وكان فى دخان خارج من تحت الكبوت. العربية دلوقتى عند ميكانيكى فى الشيخ زايد وبعد الكشف المبدئى عليها قال انها محتاجة نص عمرة موتور وانها جايبة جوانات وبعد الاتفاق معه على عمل اللازم رجع كلمنى تانى يوم وقال ان العربية محتاجة عمرة كاملة وفجأة المبلغ المطلوب بقى 4 أضعاف وده على حسب كلامه انه بعد ما حلها لاقى الشغل المطلوب أكثر من الى اتفق معايا عليه. عارفين طالب كام علشان يعمل عمرة موتور كاملة 4500 جم تفتكروا ده مبلغ معقول ولا مبالغ فيه. فى انتظار ردكم السريع لأنى لازم آخر قرار نهائى فى خلال يوم أشكركم مقدما على المعاونة[/SIZE]

**redahanfey** · 27-08-2014 02:17 AM

شكرا لصاحب المنتدى وشكرا لكل من كتب حرف فية وجعلة الله فى ميزان حسناتكم

**el_lol_007** · 28-08-2014 11:38 AM

شكرا لحضرتك و يا رب نقدر نفيدك و نستفاد من خبرتك

**atwany2** · 06-09-2014 04:22 AM

عندي عداد الحرارة لا يعمل عايز اعرف من ايه العيب وعايز اعرف الطرف اللي واصل للعداد من الموتور فيه سلك انا شايفه طرف واحد جاي من حساس تحت الدينمو علي جنب وفيه سلك تاني طرف واحد برضه جاي من تحت الدينمو مباشرة ناحية السيور مين بتاع الحرارة فيهم وازاي اقيسه وانا حاليا فاصل فيشة الترموستات علشان المراوح تشتغل لانة لما بركبهم مبتشتغلش وعلشان العداد مش شغال خايف تكون العربيه سخنه وانا مش عارف بعدين الوضع ده مش حينفع في الشتا لان المراوح بتشتغل مع العربية وكده العربيه مش حتسخن الصبح عشان تشتغل انا مش عايز اروح لكهربائي قبل ما اعرف المشكله فين علشان ممكن يخليني اغير حاجات كتير وميكونش العطل منها

**arafahamada** · 06-09-2014 03:16 PM

للمعرفه: مقاس أويل سيل "جوان الفرامل الامامى" مقاس 54فى3.5 مم

**atwany2** · 23-09-2014 03:16 PM

اعزائي اعضاء الرابطة عايز اعرف مكان حساس عداد الحرارة انا عربيتي جيلي ck 2009 وحساس الحرارة اعلي الموتورفيه طرفين ولما بشيل الفيشه المراوح تعمل دايركت مع تشغيل السيارة طيب يبقي فين حساس العداد ابو طرف واحد
انا فيه طرف عندي تحت الدينامو في الموتور لما شيلته ولمسته بالارضي نورت لمبه حمراء شكل علبة الزيت فعرفت انها حساس زيت الموتور وفيه راليه في علبة الفيوز بدون غطاء لما اضغط علية كباس التكييف بيلقط وفيه طرف سلك تاني جنب بتاع الزيت بحوالي 10 سم لما اشيله واضغط علي الراليه المذكور بتاع الكباس مبيلقطش والراليه دا مرسوم عليه مروحه داخل مربع يعني الطرفين دول مش تبع عداد الحرارة طيب فيه حساس علي فرن الشكمان باربع اطراف هو ولا فين حساس العداد انا احترت والله .

**ehab1602** · 07-10-2014 01:06 AM

المشاركة الأصلية كتبت بواسطة el_lol_007

السلام عليكم
انا جبت جلبه المقص لوحدها ب 35 جنية من دراجون اللى فى الحرفيين و المقص كله ب 225 جنية

من فضلك ممكن حضرتك تقولى جبت اسلاك البوجيهات منين و بكام و فلتر البنزين و شكرا

ممكن العنوان وارقام التليفون؟

**ehab1602** · 11-10-2014 09:49 PM

استفسار من الخبراء
انا معايا ck2 من 2009 واول مرة يحصل معايا الحاجة الغريبة دي
مرة واحدة فجأة مالقيتش دبرياج وبعد كده فجأة برده يرجع زي ماكان
الميكانيكي بتاعي بيقولي ده عيب طقم دبرياج سفلي هل ده صحيح ولو صحيح ايه الانواع اللي ممكن تركب ؟

**arafahamada** · 13-10-2014 02:46 PM

نفس هذا العيب حصل معى مرتين ولم يستمر الا قليل

**ehab1602** · 13-10-2014 09:06 PM

المشاركة الأصلية كتبت بواسطة arafahamada

نفس هذا العيب حصل معى مرتين ولم يستمر الا قليل

بس للاسف هوه مستمر معايا

ومالقيتش طقم اصلاح لاقيت ماستر سفلي فقط وهاركبه بكرة ان شاء الله وهابقى اقولكم على النتيجة ان شاء الله

الموضوع: رابطه لملاك جيلي ck

LinkBack

أدوات الموضوع

عرض

المواضيع المتشابهه

رابطه مالكى فيات 124

لملاك السول و لملاك التريوس gtx

رابطه الفوركس

فين رابطه النترا

جيلي حبيبي جيلي

الكلمات الدلالية لهذا الموضوع

المفضلات

المفضلات

ضوابط المشاركة