رابطه لملاك جيلي ck

**el_lol_007** · 05-09-2013 12:00 PM

السلام عليكم

حبيت اعمل موضوع لملاك السياره الجميله جيلي ck نتبادل الخبرات و التجارب عن هذه السياره
انا املك سياره موديل 2009
غيرت بليه عجل يمين ورا و قدام و كاوتشه كوبلن يمين
انا من حلوان و بصراحه مدورتش على قطع غيار الجيلي انا كنت بروح لمحل قطع الغيار و اقوله عاوز زى دى
جبت بليه العجل اللى ورا طلعت بتاعت رينو كليو و ثمنها 75 جنية
و بليه العجل اللى قدام بتاعت فيرنا و دى عملت 140 يابانى
و كاوتشه الكوبلن بتاعه الفيرنا و عملت 30 جنية
دى بس الحاجات اللى غيرتها
بصراحه مرتاح جدا مع العربيه دى و الحمد لله
سرعه و ثبات و عزل جيد

يا ريت لو اى حد عنده تجارب مع العربيه دى او عنده مشكله و عاوز حل نتكلم هنا و يكون الموضوع ده زى رابطه لملاك الجيلي
انا عندى حاجه ملاحظها و هى ان مروحه الريداتير بتشتغل دايما اول لما اشغل العربيه و متطفيش و معرفش بصراحه هى نظامها ايه يا ريت حد يفيدنى
وانا تحت امر اى حد فى اى حاجه عاوز يسأل عليا و يا رب اعرف اجاوبه و افيده

ده اول مشاركه ليه فى المنتدى و ياريت تكون مشاركه ايجابيه و شكرا مقدما ليكم جميعا

**M I D O** · 05-09-2013 03:19 PM

بالتوفيق لملاك العربية

**saddam** · 05-09-2013 08:29 PM

بالنسبة للمروحة فالظاهر إن الكهربائي موصلهالك على الكونتاكت وده مش صح والصح إنك تعملها على ثرموستات في الراديتير تحط ثرموستات 72 إلى 82 وكمان يعمل لك وصلة أخرى فب حال تشغيل التكييف برضو تشتغل بعيدا عن الثرموستات وخد بالك كده حتركب 2 كتاوت ومحتاجة.كهربائي نظيف مش أي كلام ودمتم للنضال أنا أعرف واحد عنده وحده جابت كونترول تعرف يتجاب منين وبكام

**xmando11** · 16-11-2013 04:22 PM

وعليكم السلام
نا احب اشترك معاك فى الربطة
انا معيا ck 2- 2008
وبالنسه لقطع الغيار الى انت كتبها
فى كمان حد غير الدسك والاسطوانة ببتوع كرولا 98-99 (مش فاكر فى الموقع هنا ولا موقع تانى )
والموتور فعلا هو نفس موتور الكرولا

وبخصوص المروحة انا عندى بتشتغل كويس اول لما المؤشر يعدى النص وبتفصل عادى اول لما الحراره تقل وطبعا بتشتغل اوتوماتك مع التكيف
وفى ناس شغاله فى قطع الغياره بتعتها فى التوفقيه وفى واحد فى الهرم وفى الحرفين
وفى قطع غيار استيراد كمان
وبخصوص الاستيراد انا عندى باب مخبوط والسمكرى قلى هات واحد احسن ان شاء الله هنزل الحرفيين ادور على الباب واشوف الدنيا عمل ايه هناك

**el_lol_007** · 17-11-2013 09:24 AM

شكرا لردك و كنت عايز اسأل حضرتك سؤال ؟
انا عندى مروحتين واحده بس اللى بتشتغل لما المؤشر يعدى النص و هى برضو اللى بتشتغل لما اشغل التكييف و المروحه التانية مش بشوفها شغاله يا تري ده الصح ؟
انا عندى فانوسين وشهم متكسر بس الفوانيس كويسه يا تري فى مكان بيبيع الوش بتاع الفانوس بس ولا لازم اغير الفانوس كله
وشكرا لحضرتك

**hazoom2006** · 17-11-2013 03:19 PM

اسعار ال2008 منها كام دلوقتى انا قدامى واحدة وقلقان من قطع الغيار وسعر اعادة البيع

**xmando11** · 17-11-2013 07:25 PM

المشاركة الأصلية كتبت بواسطة el_lol_007

شكرا لردك و كنت عايز اسأل حضرتك سؤال ؟
انا عندى مروحتين واحده بس اللى بتشتغل لما المؤشر يعدى النص و هى برضو اللى بتشتغل لما اشغل التكييف و المروحه التانية مش بشوفها شغاله يا تري ده الصح ؟
انا عندى فانوسين وشهم متكسر بس الفوانيس كويسه يا تري فى مكان بيبيع الوش بتاع الفانوس بس ولا لازم اغير الفانوس كله
وشكرا لحضرتك

..
هو انا عندى المروحتين بشتغلو مع بعض لما العربيه تسخن (بس فى حد قلى هى معمولها تعديل عشان المفروض وحده بس الى بتشتغل هتاكد من الموضوع ده وهرود عليك)
وبرده بيشتغلو مع بعض اول لما اشغل التكيف (بس فى حالة التكيف طبعى الاتنين يشتغلوه)
بس هو طلما وحد بس الى بتشتغل عندك يبقى فى مشكله فى المرواحه التانيه حول تراجع على فيش المروحه وتجرب
وش الفنوس بيتصب انا شوفت واحد صببهم كان عشرة على عشرة
موضوع الصب ده اكيد هنلاقى حد هنا فى المنتداء بتكلم عليه
انا برده الفنوس عندى اتشرخ تقريبا حاجة خبطط فى وانا ماشى بسرعه ولازقته بامير

**xmando11** · 17-11-2013 07:27 PM

المشاركة الأصلية كتبت بواسطة hazoom2006

اسعار ال2008 منها كام دلوقتى انا قدامى واحدة وقلقان من قطع الغيار وسعر اعادة البيع

اعتقد ان السعر لو فى التلاتينات يبقى مناسب حسب الحاله

**el_lol_007** · 24-11-2013 01:49 PM

المشاركة الأصلية كتبت بواسطة xmando11

..
هو انا عندى المروحتين بشتغلو مع بعض لما العربيه تسخن (بس فى حد قلى هى معمولها تعديل عشان المفروض وحده بس الى بتشتغل هتاكد من الموضوع ده وهرود عليك)
وبرده بيشتغلو مع بعض اول لما اشغل التكيف (بس فى حالة التكيف طبعى الاتنين يشتغلوه)
بس هو طلما وحد بس الى بتشتغل عندك يبقى فى مشكله فى المرواحه التانيه حول تراجع على فيش المروحه وتجرب
وش الفنوس بيتصب انا شوفت واحد صببهم كان عشرة على عشرة
موضوع الصب ده اكيد هنلاقى حد هنا فى المنتداء بتكلم عليه
انا برده الفنوس عندى اتشرخ تقريبا حاجة خبطط فى وانا ماشى بسرعه ولازقته بامير

شكرا ليك يا باشا على ردودك و دايما بنستفاد منك
معلش يا باشا يا تري معاك كتالوج للعربيه
ولو ممكن نتقابل فى يوم نتبادل الخبرات لو مكانش عندك مانع
و شكرا لمجهودك