الموضوع: انا قررت اشتري قشقاي ولكن ؟

مع الاحترام الكامل و التقدير الكبير لاراء الجميع انا اؤكد عليك ضرورة تجربة العربية قبل اتخاذ القرار

المشاركة الأصلية كتبت بواسطة abo3bdolrahman

السلام عليكم بص يا باشا بالنسبة للكماليات أنا كنت جايب العربية من مودرن ابورواش و الكماليات من عندهم بالضمان كنت مركب دى فى دى فيه جى بى إس و كاميرا خلفية و وحدات رفع خاصة بنيسان قشقاى يعنى بدون قطع للكابلات لتركيبها و كمان أخدت الفرش الجلد و الدواسات من عندهم و كلفتنى الكماليات كلها 10 آلاف جنيه تقريبا فوق تمن العربية ساعتها اللى كان 185 الف بالحجز من قبلها ب 5 شهور يعن العربية بالكماليات عملت 195 ألف بالنسبة للكماليات جودتها معقولة ( الكاسيت تايوانى و وحدات الرفع تايوانى و الكسوة نيسان مصر ) و لكن تركيب الفرش سىء و هاتحتاج تروح لحد بتاع فرش كويس زى جينز كار مثلا يظبطهولك. بالنسبة للوسع العربية بتاخد خمسة مستريحين السائق و الراكب الأمامى و ثلاثة مستريحين على الكنبة حجمهم طبيعى و الشنطة كمان بتاخدلها طفلين عمرهم 10 سنين فى الرحلات :) مجربتش أحط أى حاجة على راكات السقف ( شنط مثلا ) لغاية دلوقتى.

شكرا يا باشا .. هي شكلها كده هتبقي اني اجيب البيزك واركب انا براحتي بدل قلق اللي راكب اصلي ولا مش اصلي و في الضمان ولا لا .. ربنا يباركلك :)

المشاركة الأصلية كتبت بواسطة osaa

مع الاحترام الكامل و التقدير الكبير لاراء الجميع انا اؤكد عليك ضرورة تجربة العربية قبل اتخاذ القرار

هو الفرق شاسع اوي كده ولا ايه يا كبير انا بسوق اتوماتك بقالي 3 سنين مثلا .. ليه لازم اجربها ؟؟
وحتي لو انا عايز اجربها فين ممكن الاقي تست درايف ؟
وهل ده هيتناسب مع مواعيد الشغل انا مهندس قواعد بيانات في بنك يعني نوع شغلي بيخليني تحت رحمه البنك 24 ساعه

ممكن توضحلي انت خايف من ايه بحيث اقدر افهمك اكتر ؟
وشكرا لاهتمامك

نصيحتي في الموضوع خد جوك وبلاش القشقاي بياعة أكتر ومحبوبة أكتر وشكلها سابق عصرها ودمتم للنضال وطبعا الكماليات تركب بره أفضل عشر مرات من الكلام اللي بيقولولك عليه وأرخص ومستوى أعلى وتوكل

المشاركة الأصلية كتبت بواسطة saddam

نصيحتي في الموضوع خد جوك وبلاش القشقاي بياعة أكتر ومحبوبة أكتر وشكلها سابق عصرها ودمتم للنضال وطبعا الكماليات تركب بره أفضل عشر مرات من الكلام اللي بيقولولك عليه وأرخص ومستوى أعلى وتوكل

شكرا علي النصيحه ياباشا بس الجوك ضيقه اصلا من جوه وانا عندي المعاناه دي اصلا وعايز اغير عشانها انا متجوز ومعايا نونو وانت عارف بقي الاطفال وحاجاتكم كار سيت و عربيه وشنطتو بتبقي شنطه العربيه مليانه وكمان الكنبه ولو اشتريت اي حاجه من مول مثلا ببقي مش لاقي مكان احط فيه الشنط الاسوء بقي لما بيكون معانا ناس راكبه ورا بتحط الشنط عليهم :)
علشان كده عايز اجيب عربيه اوسع صالون و شنطه بس برضو تشكر d:

انت بتقول ركب الحاجات دي بره هتكون انضف واحسن تقصد ببره دي في التوكيل ولا ولا بره دي يعني بره التوكيل ؟؟

هو ايه وحده الرفع اللي بتتكلمو عليها دي .. انا ملاحظ كذا حد يقول انا ركبت وحده رفع دي بتعمل ايه ؟؟

متاااابع بشده

يا باشا ممكن تقابلنى لو عايز تجرب العربية انا موجود فى م نصر اى وقت من يوم الاحد تحت امرك- اما بخصوص قصدى ان انا كان معايا لنترا 2008 قبل القشقاى فحسيت بفرق واسع فى القيادة من حيث السحب و الجرى بس فيها مميزات اخرى القشقاى اثبت مع ارتفاع العربية .