بيكانتو 2010 مستعملة و مشكلة في الضمان
السلام عليكم
الحمد لله اشتريت عربية بيكانتو أوتوماتيك وكيل موديل 2010
العربية عاملة 41.5 ألف كيلو
المفروض ان الضمان 5 سنين أو 100 ألف كيلو
كتيب الضمان مختوم فيه صيانة الألف و صيانة الـ 10 آلاف فقط
و على حد كلام البائع ان معمولها لغاية صيانة الـ 40 ألف
كشفت عليها في التوكيل و قالو محتاجة تيل فرامل و كبس الموتور كويس و تحتاج صيانة دورية
المشلكة:
البائع وعدني من أسبوعين انه هيجيبلي باقي الفواتير... حتى الآن مش عارف آخدهم منه
و وصلت معاه النهاردة انه مش لاقي غير فاتورة صيانة الـ 30 ألف
و انه كان بيعمل الصيانات كلها في مركز معتمد اسمه بدر في الرحاب
ماكدبتش خبر و قومت متصل بالمركز أسأل اذا كان ممكن اطلع نسخ من الفواتير علشان الضمان
الرجل رد عليا قاللي انه الفواتير اللي قبل ما يركب الكمبيوتر في الأرشيف و مش هيقدر يطلعهالي
المهم أخد مني رقم الشاسيه و لقى ان اللي متسجل على الكمبيوتر صيانة الـ 30 ألف فقط
كدا أنا هأعمل صيانة الـ 40 ألف للاطمئنان
لكن صيانة الـ 20 ألف مش عارف اعمل فيها ايه علشان الضمان مايسقطش؟
علما اني روحت أركب انذار في التوكيل و رجعتلهم تاني و طلع في مشكلة في switch الفرامل
أفيدوني أفادكم الله... و شكرا