السلام عليكم ورحمه الله
لو سمحت اعضاء المنتدى لو حد يعرف مواعيد السوبر جيت من القاهره لبورسعيد من محطه الترجمان اول ميعاد الساعه كام صباحا
والمسافه من المطار لمحطه الترجمان بعيده ولا قريبه ؟
وهل فيه قلق فى الطريق ولا الامور كويسه هناك
عرض للطباعة
السلام عليكم ورحمه الله
لو سمحت اعضاء المنتدى لو حد يعرف مواعيد السوبر جيت من القاهره لبورسعيد من محطه الترجمان اول ميعاد الساعه كام صباحا
والمسافه من المطار لمحطه الترجمان بعيده ولا قريبه ؟
وهل فيه قلق فى الطريق ولا الامور كويسه هناك
اعتقد ان اول ميعاد هو السادسه صباحا و الله اعلم
المسافه بعيده طبعا
حاله الطريق الامنيه اصبحت جيده حاليا
بسبب تواجد حملات امنيه مكثفه
تحياتي
لو انت فى لمطار اطلع اركب من الماظه ... تاكسى عشر دقايق من المطار ينزلك عند المحطه فى الماظه و هتلاقى سوبرجيت و شرق الدلتا لبورسعيد معاد كل ساعه ... اول معاد كان ٦ او ٦ ٣٠ بس معرفش مع مواعيد الحظر ممكن يكونو اخرو شويه ل ٧ مثلا
كده كده الاوتوبيس من الترجمان بيعدى ياخد ركاب من الماظه فكل اللى هتعمله هتروح الترجمان و ترجع تانى الماظه فالاسهل و الاقرب الماظه من المطار على طول
يانهههههههههههار انا كنت فاكر ان المحطه اللى جنب المطار زى ماحضرتك قولت 10 دقايق بالكتير اسمها الترجمان علشان كده انا كنت باسال علىها وكنت فاكر ان محطه الماظه هيه اللى بعيده
الف شكر لتوضيح حضرتك انا كده كنت هتسوح :C_laugh[1]:
يعنى اركب من المطار اى تاكسى لمحطه الماظه مش الترجمان وفعلا اول ميعاد كان 6 صباحا بس حاليا انا مش عارف مع القلق والاضطرابات اللى موجوده اول المواعيد بقت كام
عموما باذن الله انا اروح الماظه وانام هناك :Oc_sun1[1]:
الف شكر لحضرتك على التوضيح والرد :cheekkiss5:
بالتوفيق ان شاء الله و ربنا يستر طريقك و توصل بالسلامه .
خليك فى المطار و اتحرك على ٦ .... لو هتاخد تاكسى فى معاد الحظر هيبيع و يشترى فيك ... نام فى المطار انضف كتير من الماظه :)
توصل بالسلامة ان شاء الله
والطريق كويس لان الحملات الامنية منتشرة جدا الفترة دى
والله عندك حق حتبقى انضف واامن من الماظه عموما كان فيه هنا عضو كيم عامل مشاركه انه معاه تاكسى وانا كنت سالته على نظامه ايه والراجل مشكور بصراحه قالى الوقت اللى انا عاوزه بس ابقى اظبط معاه قبلها بيوم على الاقل
على اى حال انت وجهه نظرك صح الواحد لما يمشى فى النور افضل اى كافتيريا جوه المطار واتحرك على 6 كده باذن الله
الف شكر على ردك واهتمامك ياكبير