ريداديتر جديد و لا تغيير الفيبر ؟؟؟؟؟؟
السلام عليكم
دى اول مشاركة ليه بعد سنين من المتابعة
انا معاى لانوس 2001 .و انا راجع من السفر فوجئت ان العربية مش قادرة تمشى و ان مؤشر الحرارة ابتدى يعدى النص .
ركنت العربية فورا و خاصة انى كنت وصلت منطقة الدقى
فتحت الكبوت كانت العربية سخنة جدا و فوجئت ان كوعة المياه منطورة و غير متصلة بالريدادتير
بالفحص .... علبة الفبر بتاعة الراديتر ( علبة شمال امام الراكب الامامى) البوز بتاعها اتقطم و طبعا كل المياه نزلت فى الارض .
صبرت لحد ما العربية هديت و ربطت الكوليه على اول بوز العلبة الباقى بعد الكسر .
دلوقتى يا جماعة فيه حلين :
فيبر جديد يركب على الرداديتر (صينى فى حدود 40 جنيه ) مش لاقيه و عايز صنايعى كويس يقفله
رداديتر جديد بالكامل و ده من 330 الى 370
ياريت تدونى الحل
و شكرا للجميع مقدما