-
شرخ في الزجاج ...و الحل
وانا ماشي علي الدائري ...خبطت زلطه صغيره في الزجاج الامامي ...طنشت الصراحه لانها حصلت لي كتير قبل كده وماحصلش حاجه ..بس علي ماروحت البيت لقيت شرخ بتاع 15 سم في الجزء السفلي من الزجاج ناحيه اليمين ......رحت لدكتور خالد في شارع اللبيني و الذي قام بمعالجه الشرخ و كانت النتيجه ...اختفاء الشرخ تقريبا ..يعني محتاج تركز عشان تشوفه ..و بقالي 3 ايام ماشي بيها الشرخ مازدش و اعطوني ضمان مدي الحياه علي الشرخ ...التكلفه 60 جنيه
اخيرا ...الله قدر ولطف
-
-
ايه الفكره اللى عملها طيب علشان الشرخ يختفى كده عندى فضول اعرف
-
بيحط ماده سائله بيقول عليها زجاج سائل و يحقنها في الشرخ بواسطه اداه معاه و بعدين يغطي الشرخ بواسطه كوفر بلاستيك و يتركها 10 دقائق ثم يعرض الشرخ لاشعه فوق بنفسجيه عشان .، حسب كلامه ..تجمد الزجاج السائل ثم يرفع الكفر و فعلا الشرخ اختفي بنسبه كبيره و حجمه مازدش وكمان بيديك ضمان مدي الحياه علي ابشرخ
-
مبروك معلاجتك للشرخ
والحمد لله على كل حال
ونا مجرب د.خالد قبل كده فى شرخ عندى والنتيجه كانت مرضيه فعلا
-
مبروك يا باشا و ربنا يكفينا و يكفيك شر الطريق ...
-
الموضوع ده معروف من التسعينات وأول شركة إبتدته هي شركة نوفس بس الصحيح أول ميحصل معاك شرخ في الزجاج أو نقرة تكون شايل معاك لزق أو شريط لحام وتحطو على الشرخ وتطلع على بتاع إصلاح الزجاج ﻷن لو دخل في الشرخ وساخة ده اللي بيخلي بتاع اﻹصلاح بيعاني وممكن تبان ودمتم للنضال ولو الشرخ إتساب مهما كان صغير فحيمد
-
الحمد لله انها جت علي قد كده عندي تجربه مماثله و لحكته و النتيجه طيبه فعلا
-
انت عملت الصح انا عندى شرخ في زجاج الافيوا محقون عند دكتور خالد هو باين علشان كبير بس اهم حاجة في الحقن ان الشرخ ميكبرش
ولاقدر الله اى نقرة او شرخ تروح لدكتور خالد علطول بدون مسح الزجاج او الغسيل وبكدة بيكون احتمال العلاج افضل وربنا يسترها علينا جميعا
-
طيب ولو نقرة مدورة؟؟ بردو فيه خوف إنها تكبر ولازم تتصلح؟؟
-
مبروك التصليح وبسيطه الحمد لله
Content Relevant URLs by
vBSEO 3.6.0 PL2