السلام عليكم...
من فترة وأنا متابع سعر النيسان صني الجديدة وسعر الكورولا 2014 من أول أما نزلت. اللي ملاحظه ان العربييتين كانوا بيتباعوا في أغلب الأماكن بـ أوفر برايس 5000جنيه. دولوقتي في أكتر من معرض تستلم الكرورولا على طول بدون حجز ولا أوفر برايس. وكذلك النيسان الأوفر برايس بتاعها بدأت يقل.
السؤال هنا هل فعلا حصل مقاطعة للكرورلا ولا فيه حالة ركود عامة؟ وهل لو استمرت الحالة كده سعر العربية حينزل أكتر؟
أنا عن نفسي ناوي أشتري الكورولا بس مستني ألاقي جراج أركن فيه ...
فعلا في ركود في البيع الشهر الي فات دة كلة وحاليا بسبب الاوضاع الامنية فكل الناس بتخاف تشتري عربية يحصلها حاجة ومأجلين الشراء
يا باشا البلد كلها فى حالة ركود ولولا إرتفاع سعر الدولار والجمارك اللى أكتر من تمن العربية مرتين بالإضافة لجشع الوكلاء كانت العربيات نزل سعرها الأرض بس التاجر عنده إستعداد بضاعته تبوظ قدامه ولا إنه يتنازل عن مليم من مكسبه
و الله يا باشا الي أنا شفته انهارده في وحدة تراخيص و مرور مدينة نصر لا يدل على أي ركود إطلاقاً فإن أكثر من 50 سيارة جديدة بكياسها لسه منمرتش كانو بيفحصو و بيسجلو ده كان يو الخميس الي هو انهارده يعني نص يوم ما بالك بقه ببقيت الآيام ... فمش عارف هل ده دليل و لا لأ . أما بالنسبة للكورولا أنا بقيت بشفها أكتر ما بشوف التكاسي إه ده في إه غزو يا نااااااس سواء واقفه في معارض أو ماشية أدامي على الطريق و بصراحة العربية تستاهل حاجة فخيمة فخيمة و ألونها تحفه بجد مفيهاش و لا لون وحش و بسم الله ما شاء الله تحفه بجد ده حتى والدي كبرت في دماغو و عايز يجبها ههههههههههههههه ... عمتاً المصري معروف بجبروته و لا بيهمه ههههههههههههههههههههههههه هههه ... تحياتي ...
هو.فيه ركود نعم ولكن فيه ناس بتشتري أما ليه دلوأتي تستلم مباشر ﻷن خلاص كذا وجبة وصلت واللي كان بالحجز أي عربية معروفة بينزل شكل جديد ليها يبقه بالحجز وبعد كده بشهر ترطرط في كل مكان ودمتم