الموضوع: بفكر افتح شركة أمن

المشاركة الأصلية كتبت بواسطة eslamrace

بص انا مش حقدر افيدك فى موضوع الامن لان خبرتى فيه صفر ولكن انت المفروض تفكر فى ميزه فى الخدمه اللى حضرتك حتقدمها خاصه ان مش حضرتك شخصيا اللى حتقوم بالخدمه والموضوع فيه منافسين كتير فلازم يكون عندك فى شركتك شئ مميز .
وانا اتمنااك النجاح واتمنى حد من الاعضاء يقدر يفيدك ويجاوب على تساؤلاتك .

المشاركة الأصلية كتبت بواسطة secret-man

اول حاجه تسالها لنفسك انت هتقدم ايه جديد فى السوق عن الى قبلك
ايه خدماتك الامنيه الجديده
هل كواد الامن عندك مدربه ؟ هل مرخص ليهم شيىء غير انهم يقفو وخلاص فى شركه ولا عقار

والاهم من كل ده لازم يكون معاك حد ماركتنج شاطر جدا قبل ماتحط جنيه يرسملك خطه كامله للمشروع وانت تقرر لان فعلا السوق صعب صعب صعب

على قدر ما المجال الى انت داخل فيه مطلوب بس ليه ناسه وشركات ليها اسمها فمحدش بيجازف مع حد جديد بيجرب فيه الناس بتفكر كده

شكرا جدا على الاهتمام .. وبجد نقط مفيده وجميله وفعلا انا فكرت فيها كويس وعامل ليها مقترحات

المشاركة الأصلية كتبت بواسطة miceg

لو بتتكلم في امن أفراد
فبصراحة ماليش خبرة فالموضوع ده
اما لو بتتكلم في أنظمة أمنية
مثل كاميرات المراقبة - انذار السرقة - انذار الحريق - اكسس كنترول - .... الخ
كلمني وهفيدك ان شاء الله
01003991412
م خالد

شكرا لاهتمامك بس انا بتكلم في امن افراد .. وميمنعش اني ممكن حد يطلب مني تجهيزات امنيه وساعتها هكلم حضرتك على طول

عندى لك شريك صديق لى فراسلنى على الخاص

المشاركة الأصلية كتبت بواسطة الفجر

عندى لك شريك صديق لى فراسلنى على الخاص

شكرا لأهتمامك بس مش لاقي الميل بتاعك

المشاركة الأصلية كتبت بواسطة زهير فكري

حضرتك عايز تشتغل في بيزنيس ليس لك خبره فيه , و فرضت فرضيات بناءا عن نصائح من صديق ,,, نصيحتي لحضرتك لو عايز تشتغل حر , تنزل تشتغل في مجال العمل اللي انت عايز تدخله و لو اضطر الأمر انك تشتغل سيكيورتي مان بارت تايم ... و بخبره حضرتك هتدقدر تفهم الدنيا بسرعه و تقيم و توزن امورك كويس .... لكن لا انصحك نهائيا انك تعمل مشروع ليس لك فيه اي خبره او تجربه عمليه , و طبعا التمويل هيكون بمالك وشريكك ذي الخبره الأمنيه معندوش خبره في المجال ده ولو عنده خبره ممكن ينضحك عليك لأنه هيكون طرف قوي في المعادله , و انت عارف ان البيزنيس ما فيهوش عواطف ..... انا مش بعقدك , بس انا ملاحظ كتير و بناءا عن تجارب واقعيه , اغلب اللي بيدخلوا مشاريع خاصه بدون دراسه بتكون نهايتها مفجعه لأنه بيقيم الأمور بالظاهر او حد يقول له الموضوع بسيط انت عايز شقه و كام واحد عضلات و شويه خبره و كلمتين في الأمن و هتبقي تمام ...

رأيك عاجبني جدا وهو ددا الجزء اللي مخوفني في المشروع ان الطرف الاخر يكون الاقوى وتختل موازين المعادله ..

بس خليني اوضحلك انا فكرت ففيها ازاي ان انا هتخصص في الامور الاداريه والتسويقيه وهو يتخصص في التدريب وفتح مجالات للعقود بالعلاقات .. واعتقد ان الفصل بيت التخصصات ممكن يعدل ميزان القوى وولاايه رأيك ؟؟

اما الجزء بتاع اني اشتغل في المجال دا فا دي فكرة هايله بتراوضني كل شويه بس مش هنزل سيكيورتي لا انا عايز اشتغل جوه مكتب الادارة علشان دا الجزء اللي هكون محتاج افهمه اكتر ..

المشاركة الأصلية كتبت بواسطة abdulkhaleq

شركات الأمن دي يابيفتحها بلطجيه
ياظباط سايبين الخدمه (بلطجيه برضه)
فخد بالك يعني لو انت لسه جديد
لازم يكون ليك شريك حد قديم شويه في الموضوع ده

هههههه رد في الجول ويقترب من الواقع .. بس الحقيقه ان انا مش هاعمل الموضوع بالطريقه دي لييييه لان انا بحكم عملي في الشركات متعدده الجنسيات فا الحمد لله عندي شيء اضيفه غير البلطجه ... اما عن الشق المخربش في الموضوع فغالبا هيتولاه الظابط اللي ليه عندي مواصفات خاصه بس مش البلطجه بردو اهمها العلاقات الجيده في وسطه لانها تعتبر المفتاح الرئيسي