اترك رقم موبيلك على تابلوه العربيه لو بتركن صف تاني ...

**actronx** · 08-09-2008 10:46 AM

انا بتكلم اكتر على ظرف زي مثلا اضطرتك الظرووف تركن على باب فيلا او عماره او جراش او كنت راكن صف تاني وكله عربيات يعنتي مفيش مجال للزق وكده
بس مش اكتر يعني وكل واحد يحسبها بعقله

**mahamedaraby** · 08-09-2008 10:50 AM

يعنى مين هيضيع دقيقه موبايل علشان يهزر ياعم دلوقتى عارف الناس بتجيب الكارت ازاى

انا مع الفكره الصراحه وان شاء الله هجربها بس يارب ملقيش المرور بيتصل بيا ويقولى انت اتخدت مخالفه هتيجى تدفع ولا انت عارف الباقى بقى

**M!NA** · 08-09-2008 11:12 AM

الفكرة عجبتني جدا جدا... و ممكن أطبع ورقة كبيرة و أغلفها بلاستيك و تتحط بين الكرسيين لو سبت العربية... عشان لو حد بص على فرامل اليد يلاحظها...

المشكلة لو اللي انتا قافل عليه معهوش رصيد :p
و محدش يقوللي أحطله رقم كارت شحن

**MMamdouh** · 08-09-2008 01:45 PM

مرة سيبت فرامل اليد عشان كنت قافل على واحد و نزلت لقيتة زق العربية لحد ما خبطت فى العربية اللى قدامها و الشبكة اتشرخت

حتى لو حاولت تبقى زوق مع الناس برضة الناس معندهاش دم

MMamdouh

**mbluethunder** · 10-09-2008 01:04 AM

الحل

1: تجيب أرخص موبايل في مصر حتى ولو كان مستعمل
2: تشتري أرخص نظام لكروت الشحن في أي شركه من شركات المحمول
3: الرقم ده يكون رقم الطوارئ بتاعك بالنسبه للعربيه . يعني تستخدمه في موقف ذي كده أو في أي موقف تاني طارئ لا قدر الله
4: تحط الموبايل ده في العربيه عالطول وتخده معاك فقط وإنت نازل من العربيه في وقت إنت تكون قافل على حد أو راكن صف تاني

طبعا زي ما قلت إن الرقم ده خاص بالعربيه بس . يعني لو حد أخده وحب يستظرف مره معاك وبعد كده فضل يرخم عليك . أولا الموبايل في العربيه يعني ولا حد هايعبره ثانيا ممكن ترمي النمره ده وتشتري نمره جديده

طبعا علشان تتأكد إن اللي بيتصل بيك ده صادق او كاذب أو شخص خد الرقم وجري وراح متصل بيك علشان يستظرف فالموضوع ده صعب شويه . بس ممكن تعمل حل ظريف بس علشان تتاكد من إن الشخص اللي بيكلمك واقف قدام العربيه وبيتكلم بجد مع إنها هاتبقى رخمه لبعض الناس

الورقه اللي هاتكتب عليها رقم التليفون ده ( وتنوه إنه رقم طوارئ ) تكتب في نفس الورقه وفي الركن الأسفل منها - في منطقه مش واضحه للعين المجرده- كود مكون من 12 رقم وحرف وبخط صغير بحيث اللي هايقرأ الكود ده لازم يقرب من الورقه قوي ويقرأ الكود واحده واحده. طبعا هي طريقه رخمه قوي وممكن ناس كتير تسترخمها . بس أعتقد إنها طريقه كويسه علشان تضمن إن الشخص اللي بيكلمك واقف قدام العربيه ومهتم إنك تيجي وتشيلها .

بس طريقة ترك رقم موبايل ده طريقه ممتازه جدا وبتحمي صاحب العربيه من غباوة الشعب الجاهل اللي لو إنت سيبتله الهاند بريك سايب ممكن يسيبلك العربيه تجري لي أخر الشارع ولا يسأل فيها ( وهايقول صاحب العربيه يستاهل ما هو قفل عليا خاليه يشرب بقى ) وساعتها هاتندم إنك ركنت غلط من الأصل

وبالنسبه لموضوع لو معهوش رصيد ممكن تكتب في الورقه برضه إن في الحاله ده ممكن يبعت sms يكتب فيها ( برجاء الأتصال خاص بالسياره ) أو يستعين بأي شخص ماشي في الشارع أو يتصرف بقى

وشكرا

**nasr-eldeen** · 10-09-2008 01:20 AM

مين يسمع ومين يهتم .
البلد مليانة ناس بتحب البلد ونفسها يكون فيها نظام بس العيب مش في الناس العيب في النظام

**HeMa_LanCeR** · 10-09-2008 01:26 AM

انا عمري ما ركنت صف تاني
ولا عمري هعملها
لكن لو أضطريت لكده بحاول اركن جنب اي عربيه واقفه بقالها كتير وعليها تراب جامد
غير كده مابركنش ولو هركنها بعيد عن المكان ب 10 محطات

**tamohsen** · 10-09-2008 02:20 PM

الحل بسيط
محدش يركن صف تاني

-

الموضوع: اترك رقم موبيلك على تابلوه العربيه لو بتركن صف تاني ...

LinkBack

أدوات الموضوع

عرض

-

-

-

-

-

-

المواضيع المتشابهه

العربيه إتبهدلت تاني

ارجو المساعده فى تظبيط تابلوه العربيه

حد فك تابلوه الفيرنا و ركبه تاني

رافعه بتركن العربيه لوحدها " فيديو"

خدمة تابلوه العربيه

الكلمات الدلالية لهذا الموضوع

المفضلات

المفضلات

ضوابط المشاركة