يعني لو هتركن صف تاني او هتركن في مكان ممكن يسبب قلق لحد او هتقفل على حد.. يفضل في الحالة دي انك تكتب رقم موبيلك في ورقه كبيره وتسيبه على التابلوه بتاع العربيه , بحيث ان لو حد عايز يطلع او عايز يحرك العربيه , يكلمك تنزله .. بدل متعمل مشكله وتعطل مصالح ناس وتبهدل عربيتك ..
يعني دي كل الفكره باختصار , اتمني انها تعجبكم ...
واعتقد ان الفكره دي بشكل او باخر ممكن تساهم في حل مشكله الركن المؤقت بشكل أو بأخر ..
كلام مظبووووووووط جدا جدا
أنا بعمل كده على طول في إسكندرية بالذات
بس بخاف من الشباب السيس اللي ممكن يعمل فيك مقلب
بالضبط كده
تلاقى واحد أمور بيتصل بيك
و بكل أدب بيقولك حضرتك صاحب العربية لونها .....ونمرتها ....
تقولوا ايوة
انت ورزقك بقى يقولك الحق الونش بيشلها و تنزل جرى تلاقى مفيش حاجة
او يقولك تعالى شيلها و تنزل متلقيش حد طالع اصلا و كده يعنى
الكلام ده مش فى مصر حضرتك..أخرك تسيبها ممورة و الهاند بريك نازلة
وكده تبقى عملت اللى عليك
فكرة كويسة بس تنفع فى اوروبا مش مصر ابداااااااااااااااااااااا ااااااااااااااااااااااااا ااا
انا شايف انها فكرة ممتازة والله ,دة كمان تنفع تتعمل بطريقة تتلزق علي الزجاج بحيث تكون واضحة ,الله ينور عليك
اسمحلي اختلف معاك مين اللي حيتصل بيك عشان يزاولك اوي كدة وان حصل حيكون حالة نادرة اوي ,ولاحظ برضة ان اللي بيركن صف تاني بيكون مش سليم ولازم يستحمل عواقب وقوفه صف تانياقتباس:
المشاركة الأصلية كتبت بواسطة kareem_Ashmawy
انا لو اضطريت اقف صف تاني بعمل كده فعلاً ,
و طبعاً بسيب فرامل اليد ,
اه طبعا نادرة جدااقتباس:
اسمحلي اختلف معاك مين اللي حيتصل بيك عشان يزاولك اوي كدة وان حصل حيكون حالة نادرة اوي ,ولاحظ برضة ان اللي بيركن صف تاني بيكون مش سليم ولازم يستحمل عواقب وقوفه صف تاني
بس برده بتحصل...أصلا فكرة انى اسيب رقم تليفونى لحد معرفوش دى صعب اوى
بالنسبة ليا على الأقل...ممكن تحصل مشاكل متيييييييييييييير اوى بسبب نمرة تليفون دى
والله فكرة ممتازة بس ممكن صاحب العربية ميكونش مبيعرفش يقرا فيلف او ميكونش خد بالله من الورقة فبعد ساعة يعرف يتصل يشتم فيك انا رايى انك تشد الهاند بريك تكة واحدة او اتنين وتحط حجر تحت العربية طبيعى الى وراك هيحاول يزق هتدايقة فى زقها بس هتثبت فى مكانها او ممكن تحط مفتاحك على مساحتة وتقولو لو سمحت اركنلى مكانك لما تطلع ههههههههههههههههههههههههه ههه
صح يعني لو ركنت غلط او قافل على حد يبقي تعمل كده وتحط رقمك وتستحمل الي ممكن يجري بس على فكره لو حطيت الرقم على التابلوه من الجمب الي العربيه بتكون قريبه من العربيات التانيه محدش هيلاحظ الرقم غير واحد هيحاول يبص على الهاندبريك عشان يزقف العربيه ....
مجرد راي يعني مش اكتر
انا عامله علطول والله محدش كلمني ولا اشتغلني قبل كده !!!
انا بتكلم اكتر على ظرف زي مثلا اضطرتك الظرووف تركن على باب فيلا او عماره او جراش او كنت راكن صف تاني وكله عربيات يعنتي مفيش مجال للزق وكده
بس مش اكتر يعني وكل واحد يحسبها بعقله
يعنى مين هيضيع دقيقه موبايل علشان يهزر ياعم دلوقتى عارف الناس بتجيب الكارت ازاى
انا مع الفكره الصراحه وان شاء الله هجربها بس يارب ملقيش المرور بيتصل بيا ويقولى انت اتخدت مخالفه هتيجى تدفع ولا انت عارف الباقى بقى
الفكرة عجبتني جدا جدا... و ممكن أطبع ورقة كبيرة و أغلفها بلاستيك و تتحط بين الكرسيين لو سبت العربية... عشان لو حد بص على فرامل اليد يلاحظها...
المشكلة لو اللي انتا قافل عليه معهوش رصيد :p
و محدش يقوللي أحطله رقم كارت شحن
اظن ان اوروبا اصلا مايعرفوش الركن صف تاني من اصله يا عم دول ناس عايشة بجد و الدنيا وردي عندهم و السطه زي ما بيقولوااقتباس:
المشاركة الأصلية كتبت بواسطة amrrashed
احنا بس اللي مكتوب علينا العذاب دا
مرة سيبت فرامل اليد عشان كنت قافل على واحد و نزلت لقيتة زق العربية لحد ما خبطت فى العربية اللى قدامها و الشبكة اتشرخت
حتى لو حاولت تبقى زوق مع الناس برضة الناس معندهاش دم
MMamdouh
vw_driver >> فكرتك حلوه قوي يعني بكده ممكن تقلل عدد المتطفلين الي ممكن يعاكسو..
ااحد اهم الاسباب الي خلتني اطرح الموضوع ان قدامي جراش ليه مخرج واحد من كتر الزحمه العربيات بتقفل على بعض لدرجه ان على الاقل مره ف الاسبوع تلاقي واحد الساعه 7 الصبح بيضرب كلكسات جامده عشان يصحي الناس ويعرف مين الي قافل عليه.. وهكذا ازعاج وقرف غير الي ممكن يحصل من تجاوزات يعني واحد حاول ينزل زجاج الاماميمن الخارج لعربيه ميجان عشان يعرف يحركها ويخرج....وحاجات كتير من النوع ده يعني بختصار الطريقه ممكن تفيد ناس جدا وممكن ناس يحسوها غير ذات فائده ..
الحل
1: تجيب أرخص موبايل في مصر حتى ولو كان مستعمل
2: تشتري أرخص نظام لكروت الشحن في أي شركه من شركات المحمول
3: الرقم ده يكون رقم الطوارئ بتاعك بالنسبه للعربيه . يعني تستخدمه في موقف ذي كده أو في أي موقف تاني طارئ لا قدر الله
4: تحط الموبايل ده في العربيه عالطول وتخده معاك فقط وإنت نازل من العربيه في وقت إنت تكون قافل على حد أو راكن صف تاني
طبعا زي ما قلت إن الرقم ده خاص بالعربيه بس . يعني لو حد أخده وحب يستظرف مره معاك وبعد كده فضل يرخم عليك . أولا الموبايل في العربيه يعني ولا حد هايعبره ثانيا ممكن ترمي النمره ده وتشتري نمره جديده
طبعا علشان تتأكد إن اللي بيتصل بيك ده صادق او كاذب أو شخص خد الرقم وجري وراح متصل بيك علشان يستظرف فالموضوع ده صعب شويه . بس ممكن تعمل حل ظريف بس علشان تتاكد من إن الشخص اللي بيكلمك واقف قدام العربيه وبيتكلم بجد مع إنها هاتبقى رخمه لبعض الناس
الورقه اللي هاتكتب عليها رقم التليفون ده ( وتنوه إنه رقم طوارئ ) تكتب في نفس الورقه وفي الركن الأسفل منها - في منطقه مش واضحه للعين المجرده- كود مكون من 12 رقم وحرف وبخط صغير بحيث اللي هايقرأ الكود ده لازم يقرب من الورقه قوي ويقرأ الكود واحده واحده. طبعا هي طريقه رخمه قوي وممكن ناس كتير تسترخمها . بس أعتقد إنها طريقه كويسه علشان تضمن إن الشخص اللي بيكلمك واقف قدام العربيه ومهتم إنك تيجي وتشيلها .
بس طريقة ترك رقم موبايل ده طريقه ممتازه جدا وبتحمي صاحب العربيه من غباوة الشعب الجاهل اللي لو إنت سيبتله الهاند بريك سايب ممكن يسيبلك العربيه تجري لي أخر الشارع ولا يسأل فيها ( وهايقول صاحب العربيه يستاهل ما هو قفل عليا خاليه يشرب بقى ) وساعتها هاتندم إنك ركنت غلط من الأصل
وبالنسبه لموضوع لو معهوش رصيد ممكن تكتب في الورقه برضه إن في الحاله ده ممكن يبعت sms يكتب فيها ( برجاء الأتصال خاص بالسياره ) أو يستعين بأي شخص ماشي في الشارع أو يتصرف بقى
وشكرا
مين يسمع ومين يهتم .
البلد مليانة ناس بتحب البلد ونفسها يكون فيها نظام بس العيب مش في الناس العيب في النظام
انا عمري ما ركنت صف تاني
ولا عمري هعملها
لكن لو أضطريت لكده بحاول اركن جنب اي عربيه واقفه بقالها كتير وعليها تراب جامد
غير كده مابركنش ولو هركنها بعيد عن المكان ب 10 محطات
الحل بسيط
محدش يركن صف تاني
طيب ولو بنت بقى هتعمل اية ما انتوا عرفين كدة الحمد للة ضمت ان رقم تليفونى هيبقى مع كل شعب مصر والدول المجاورة ههههههههههههههههههههههههه هه والنبى عارفين الناس هتقول لبعض وبتوع الميكروباصات يخدوا رقمى والتوكتوك والعربجية هههههههههههه احتمال يحصل ازمة سياسية بين الدول بسبب رقم واحدة بنت هههههههههههه تحيا جمهورية مصر العربية ومليون تحية لشباب مصر والباقى انتوا عرفينة انا زهقت بصراحة
عادي جدا .. موبيل رخيص يتساب ف العربيه زي اقتراح الاخ mbluethunder7000 , ومترديش عليه الا لما تكوني راكنه غلط وعارفه ان فيه حاجه ... وبعدين ف الغالب لو كنتي قافله على واحد وشاف عربيتك مش هيعرف انها عربيه راجل ولا بنت الا لو كان هناك علامات مميزه ,,
وبعدين الموضوع كله للضروريات ولي بيروحو اماكن زحمه كتير ومفهاش ركنه سهله..
على فكره الرقم لسه ما وصلنيشاقتباس:
المشاركة الأصلية كتبت بواسطة hamasatgirl
يعنى انتى لسه فى امان :)
بس مش دى المشكله
المشكله ان الركنه فى صف تانى اساسا غلط
يبقى ليه نعمل كده؟
مش لازم نركن جنب الشغل او البيت صف تانى
نيجى على نفسنا احسن ونركن صح بعيد شويه
ثانيا يا همسات انتى المفروض عربيتك اوتوماتك مش كده؟
يبقى اصلا المفتاح مش هيخرج من الكونتاكت الا وانتى على ال P يبقى ماتغامريش بعربيتك وتكرنى صف تانى احسن يحصل حاجة فى الفتيس
وربنا يحفظهالك
mimysheckles >> احيانا مبيكونش في مكان قريب او بعيد ممكن نركن فيه او بنكون مستعجلين !