اترك رقم موبيلك على تابلوه العربيه لو بتركن صف تاني ...

**actronx** · 06-09-2008 10:54 PM

يعني لو هتركن صف تاني او هتركن في مكان ممكن يسبب قلق لحد او هتقفل على حد.. يفضل في الحالة دي انك تكتب رقم موبيلك في ورقه كبيره وتسيبه على التابلوه بتاع العربيه , بحيث ان لو حد عايز يطلع او عايز يحرك العربيه , يكلمك تنزله .. بدل متعمل مشكله وتعطل مصالح ناس وتبهدل عربيتك ..

يعني دي كل الفكره باختصار , اتمني انها تعجبكم ...
واعتقد ان الفكره دي بشكل او باخر ممكن تساهم في حل مشكله الركن المؤقت بشكل أو بأخر ..

**khattab_89** · 07-09-2008 12:25 AM

كلام مظبووووووووط جدا جدا
أنا بعمل كده على طول في إسكندرية بالذات
بس بخاف من الشباب السيس اللي ممكن يعمل فيك مقلب

**kareem_Ashmawy** · 07-09-2008 01:27 AM

بالضبط كده
تلاقى واحد أمور بيتصل بيك
و بكل أدب بيقولك حضرتك صاحب العربية لونها .....ونمرتها ....
تقولوا ايوة
انت ورزقك بقى يقولك الحق الونش بيشلها و تنزل جرى تلاقى مفيش حاجة
او يقولك تعالى شيلها و تنزل متلقيش حد طالع اصلا و كده يعنى
الكلام ده مش فى مصر حضرتك..أخرك تسيبها ممورة و الهاند بريك نازلة
وكده تبقى عملت اللى عليك

**amrrashed** · 07-09-2008 02:16 AM

فكرة كويسة بس تنفع فى اوروبا مش مصر ابداااااااااااااااااااااا ااااااااااااااااااااااااا ااا

**mohamed2002** · 07-09-2008 02:27 AM

انا شايف انها فكرة ممتازة والله ,دة كمان تنفع تتعمل بطريقة تتلزق علي الزجاج بحيث تكون واضحة ,الله ينور عليك

**mohamed2002** · 07-09-2008 02:28 AM

المشاركة الأصلية كتبت بواسطة kareem_Ashmawy

بالضبط كده
تلاقى واحد أمور بيتصل بيك
و بكل أدب بيقولك حضرتك صاحب العربية لونها .....ونمرتها ....
تقولوا ايوة
انت ورزقك بقى يقولك الحق الونش بيشلها و تنزل جرى تلاقى مفيش حاجة
او يقولك تعالى شيلها و تنزل متلقيش حد طالع اصلا و كده يعنى
الكلام ده مش فى مصر حضرتك..أخرك تسيبها ممورة و الهاند بريك نازلة
وكده تبقى عملت اللى عليك

اسمحلي اختلف معاك مين اللي حيتصل بيك عشان يزاولك اوي كدة وان حصل حيكون حالة نادرة اوي ,ولاحظ برضة ان اللي بيركن صف تاني بيكون مش سليم ولازم يستحمل عواقب وقوفه صف تاني

**Akram** · 07-09-2008 02:40 AM

انا لو اضطريت اقف صف تاني بعمل كده فعلاً ,
و طبعاً بسيب فرامل اليد ,

**kareem_Ashmawy** · 07-09-2008 03:43 AM

اسمحلي اختلف معاك مين اللي حيتصل بيك عشان يزاولك اوي كدة وان حصل حيكون حالة نادرة اوي ,ولاحظ برضة ان اللي بيركن صف تاني بيكون مش سليم ولازم يستحمل عواقب وقوفه صف تاني

اه طبعا نادرة جدا
بس برده بتحصل...أصلا فكرة انى اسيب رقم تليفونى لحد معرفوش دى صعب اوى
بالنسبة ليا على الأقل...ممكن تحصل مشاكل متيييييييييييييير اوى بسبب نمرة تليفون دى

**MEDO_AHMED2** · 07-09-2008 03:51 AM

والله فكرة ممتازة بس ممكن صاحب العربية ميكونش مبيعرفش يقرا فيلف او ميكونش خد بالله من الورقة فبعد ساعة يعرف يتصل يشتم فيك انا رايى انك تشد الهاند بريك تكة واحدة او اتنين وتحط حجر تحت العربية طبيعى الى وراك هيحاول يزق هتدايقة فى زقها بس هتثبت فى مكانها او ممكن تحط مفتاحك على مساحتة وتقولو لو سمحت اركنلى مكانك لما تطلع ههههههههههههههههههههههههه ههه

**actronx** · 08-09-2008 10:44 AM

صح يعني لو ركنت غلط او قافل على حد يبقي تعمل كده وتحط رقمك وتستحمل الي ممكن يجري بس على فكره لو حطيت الرقم على التابلوه من الجمب الي العربيه بتكون قريبه من العربيات التانيه محدش هيلاحظ الرقم غير واحد هيحاول يبص على الهاندبريك عشان يزقف العربيه ....
مجرد راي يعني مش اكتر
انا عامله علطول والله محدش كلمني ولا اشتغلني قبل كده !!!