عرض للطباعة
السلام عليكم يا رجالة ...
بجد انا غلوبت في حوار اختيار نوع الزيت اللي يناسب عربيتي سواء زيت معدني او تخليقي ...
اولا عربيتي لانوس 2 موديل 2000 والمكنة كنت عمرتها من حوالي سنه ... وقبل العمرة كنت بستخدم موبيل xhp وبعد العمرة بقيت استخدم شل الاصفر ....
في ناس تقولي استخدم الزيت التخليقي احسن لعربيتك عشان تحافظ على موتورك بعد العمرة وناس تقولي استخدم زيت معدني عشان موتورك قديم ...
مش عارف اصدق مين فيهم ؟؟؟
قولت استشيركوا انتوا يا رجالة ؟؟
وشكراً
استخدم نص تخليقى يجمع بين الاثنين مزايا الاثنين .
لو موتورك كبسة وكويس وسليم حط تخليقى
انا شخصيا بحط زيت شل الاصفر 125 جنيه الجركن بقالي سنتين تقريبا في نوبيرا 2 موديل 2001 موتور حالتة متعديش 65 70% ومن اول يوم حتى الان والموتتور بنفس الحالة لازاد ولا قل
تقريبا كل الحوارات دي افتكاسات ناس وعلى فكرة انا بغير الزيت دا على 5000 كم مش يقلوا ولا يزيدوا
بس المعلومة الاكيدة ولا غبار عليا ومفيش اي خلاف انه لو شاري عربية زيرو او كسر زيرو احسن حاجة زيت تخليقي كامل وتغيره على 10 الاف كم
بس بردوا هرجع اقولك لي واحد صاحبي عنده النترا 2011 من الزيور حتى الان وماشي على موبيل xhp وبيغيره على 3500 حتى 4500 كم مش بيكمل 5000 خالص والمتور حتى هذه اللحظة كانه لسة بيعمل او الف كيلو ما شاء الله زي الفل
.... معلومة شخصية خاصي بي انا : اي كان نوع الزيت (تخليقي - نصف تخليقي) انسى المعدني خالص
غيره ف عدد الكيلوات المظبوطة 5000 او 10000 لا اكتر ولا اقل هتلاقي ان عربيتك كفاءة المتور بعد سنه او سنتين زي ما هو واي حاجة هتحصل ف المتور ليس للزيت اي علاقه بيها لا من قريب ولا من بعيد
بس اهم حاجة اوعى مستوى الزيت ينقص لو العربية بتاكل زيت لازم تظبطها لان دا اللي هيدمر المتور
معدنى افضل
هو شل الاصفر معدني ولا نصف تخليقي ؟؟
أنا معايا جوليت 2001 وبحط فيسكو 3000 (نصف تخليقي) بقالي حوالي سنة وشوية وممتاز بصراحة
معدنىاقتباس:
المشاركة الأصلية كتبت بواسطة abo_lamar
بس معلوماتي ان زيت شل الاصفر نصف تخليقي لانه بيتحمل درجات حرارة متعددة
HX5 -- Premium multi-grade
API SL/CF
15w50 وسعره 120 جنيه
ياريت حد ياكد المعلومة او استفيد بالمعلومة الصح
الزيت التخليقى افضل لو حاله الماتور كويسة
ام اذا كان حاله الماتور متوسط يبقى لا محاله زيت معدنى
راي شل الاصفر
وجربه وشوف الماتور مرتاح معاه ولا لا