صيانه سكودا a5 مودييل 2008_خليجي

**madridy1001** · 06-09-2013 01:16 PM

لو سمحتم عايز مركز خدمه محترم للعربيه مع العلم انها خليجي...وابقا شاكر ليكم

**madridy1001** · 07-09-2013 12:08 AM

فين سكودا تيم؟

**Moratoz** · 07-09-2013 08:37 AM

المشاركة الأصلية كتبت بواسطة madridy1001

فين سكودا تيم؟

وعليكم بالسلام ورحمه الله
عند حضرتك مركز مهندس هاني في جسر السويس عند حديقه بدر ومركز محمد سمير في النزهه الجديدة عند المطار او من عند بنزينه قالتكس من جسر السويس.
وفي احمد زاهر في صقر قريش
تحياتي

**Moratoz** · 08-09-2013 09:47 AM

المشاركة الأصلية كتبت بواسطة madridy1001

شكرا لحضرتك علي التواصل..وكنت عايز اخد رايك في مركز الاقصي...ايه راي حضرتك فيه؟

لم اتعامل معه ولكن ناس كتير بالمنتدي لم تشكر فيه ولكن لو مفيش مشكله في العربيه هيكون اختيار جيد جدا للصيانات العاديه

**Ahmed.Fahmy** · 08-09-2013 10:29 AM

فى مركز معتمد من ارتوك اسمه كار تك فى العبور فى المنطقة الصناعية عند مدخل المدينة ممتاز مش ورشة صغيرة واشطر من ارتوك غمرة نفسهم

**طارق _عبد السلام** · 21-09-2013 03:36 PM

المشاركة الأصلية كتبت بواسطة hassan ragab

السلام عليكم ورحمه الله استشاره وانا محتار ارجو الافاده
معروض علي سياره a5 /2006 ولمارحت اتفرج عليها لقيتها محتاجه 2 فانوس امامي واكصدام امامي وشبكه وده نتيجه حكات لان شنب العربيه سليم وهناك هوايه بجانب فانوس الفوج في الاكصدام ناقصه ومحتاجه طاره دريكسيون ةسروجي بالكامل والعربيه ماشيه 224000 ك والابواب الخلفيه زجاج مانيوال وده اول مره اشوفه في الاوكتافيا صاحبها طلب 82000 وانا وصلت معاه 76 وقلتله حستلم في التوكيل علشان الفتيس والراجل وافق ورد علي وقالي انه مغيرش حاجه في الفتيس لانه محافظ علي الزيوت وانا بصراحه قلقت فتوقعت ان فيها فتيس وقلتله اخصم تمن الفتيس ووصلت السعر الي 64000 الكلام ده صح ولا غلط
اسف للاطاله وارجو اللافاده

من كلامه انه محافظ على الزيوت ومهتم بالعربيه وده عكس حاله العربيه لان صدر العربيه واجهه العربيه وهو لم يغير الفوانيس ولا الهوايه اللى جنب الفوجات والدريكسيون متبهدل
العربيه دى خليجى لانك بتقول الابواب الخلفيه مانيوال
عايز تركب عربيه اوكتافيا وتحبها متركبش عربيه متهانه
والعربيه دى ماشيه قرب ربع ملوين كيلو متجيبش عربيه وتشدها حاول تشترى حاله متفرحش بالسعر لانك هتصرف وهتتبهدل وهتكون العربيه فى نفس الفئه السعريه اللى انت اشتريت بيها وممكن تتعب جدا فى بيعها