أوافـق تمــاما وأتمنى من الإدارة النظر في تثبيت الموضوع وأعتقد انه هيكون مرجع ممتاز لأي حد بيفكر يشتري عربية جديدة أو مستعملة انشاء الله!!
عرض للطباعة
عاوزين تفاعل أكتر - كل واحد جرب سيارة يقولنا عيوبها ايه
نكمل مع بعضينا كده :-
الدايو لانوس 1500 سى سى - واطيه على الأرض لما بيكون فيه ناس راكبه فى الخلف - التكييف مش قد كده - السحب بيتأثر جدا مع تشغيل التكييف - الموتور ضعيف وتكنولوجى قديم
النيسان أكس تريل :- مفيش ثبات فوق ال120 بتطيح من الهواء لأن وزنها خفيف - اكصدامات فبر ضعيفة - استهلاك بنزين عالى - قطع غيار غالية
عاوزين حد يدينا عيوب فى الكروز والكابتيفا والسبوتاج و ال V5 briliance
اولا انا كان معايا بروتون واجا العربيه مبتبقاش ميته مع التكيف خالص ده غير ان استهلاكها في البنزين اكتر من ممتاز بس هيا عيبها صوت موتور عالي والفرامل مش قويه وتقفيلها متوسط بس مقدرش اقول انها زي الافيو مثلا البروتون افضل كتير
بالنسبه للجيتا فموديلات ماقبل ٢٠٠٩ مفيهاش اي مشاكل
لو حد عندو تعليق على الix35 حيساعدنى قبل الشراء
عيوب ال IX35 من كلام موقع whatcar.com :-
1- القيادة فى المطبات غير مريحة - واضح انها ناشفة شوية زى الألنترا الجديدة اللى معايا
2- دقة توجيه عجلة القيادة مش عالية ولا تعطى الأحساس بالثقة فى القيادة والعيب ده بالذات حاسه قوى فى الألنترا اللى معايا
3- صوت الهواء مزعج على السرعات العالية وبيقول هتضطر لأنك تعلى صوت الكاسيت
4- غالية بالنسبة للمنافسين الأخرين
أرجو ان اكون أفدتك
اللنك اهو
Full review of Hyundai ix35 Crossover What Car?
انا من ملاك الرينو فلوانس 2013 الخليجى بحكم عملى بالخليج ارى انها ممتازة كثبات وتكييف وشكل خارجى وداخلى وعيبها الوحيد من وجهة نظرى سعر اعادة البيع اما سعرها على مميزاتها الكثيرة فهى تستحق الشراء
السلام عليكم
تحية طيبة لك - احنا هنا فى الموضوع ده بنحاول نذكر العيوب الأساسية بالنسبة للملاك يعنى من وجهة نظرهم - لكن مش المميزات - علشان لا ندخل فى مناقشات حادة - فقط العيوب الظاهرة القوية العامة وليست الخاصة (زى مثلا حاجة غريبة حصلت مع حد واتعالجت) لأ - احنا هنا بتكلم عن عيوب زى وضعية القيادة مثلا - ضيق المساحة الخلفية - ضعف فرامل - ضعف موتور - وهكذا
ولك الشكر على مداخلتك المفيدة ولى سؤال هنا لك هل ال سى سى فى الفلوينس عند فى الخليج 1600 زى اللى هنا ؟ وشكرا
السلام عليكم احب اقولكم ملاحظاتي عن الاكسنت ار بي .. هي مش عربيتي بس سوقتها كتير جدااا واخدت رأي صاحبي
العربيه اول ماصاحبي جابها زيرو جربتها كانت كويسه طبعا .. السحب كويس الفرامل كويسه ونوعا ما ثابته ..
بعد مرور فتره جربتها تاني وجبت بيها 170 " كنت قلقان أوي ".. العربيه بعد ال 120 عباره عن كيس هوا ماشي ...
دلوقتي العربيه عامله 20 الف كيلو جربتها ولاحظت ان فيه حاجات كتيره اتغيرت ..
التسارع بقا ضعيف مش زي الاول " الفرق ملحوظ " .. الفرامل بقت وحشه جدا " خصوصا انها بدون abs "
وسائل الامان صفر ..
القعده مش مريحه أوي خصوصا فى المشاوير الطويله ... العفشه جربتها فى منطقه فيها تكسيرات محترمه حسيت ان العربيه هتتقسم نصين ...
التكييف نوعا ما كويس .
الصاج طبعا معظم الجديد ورق ..
التوكيل محترم .. انا روحت معاه الصيانه مرتين كانو ناس كويسه والله ...
العربيه حلوه للاستخدام الخفيف .
اي استفسار انا تحت امركم .