المشاركة الأصلية كتبت بواسطة tutankhamoun
بما إنك حصرتك أختيارك بين الأوبترا و الجين2
أنا أرشحلك الجين 2 لعدة أسباب
فيها عوامل أمان مش موجودة في الأوبترا
مثل فرامل ABS EBD و وسائد هوائية ( الأوبترا مفيهاش الكلام ده )
كماليات أكتر برضه مثل
مرايات كهرباء ( تعديل المرايا فقط و ليس ضمها كليا )
تعديل عجلة القيادة ( الدريكسيون )
إستهلاك الجين 2 للبنزين أحسن من الأوبترا
العربية متجنطة ( أربعة جنوط أسبور )
مصابيح شبورة ( أربعة = أثنين في الخلف و أثنين في الأمام )
مثبت سرعة في الأوتوماتيك
حساسات للركن الخلفي
الحاجات اللي فاتت دي مش موجودة في الأوبترا
تتميز الأوبترا عن الجين 2 في تقفيل الصالون
و بتتساوى السيارتين في الآتي
موتور قوي
ثبات عالي
بس أنت بتقول طولك 200 سم ( ما شاء الله )
يبقى لازم تقعد في الجين 2 الأول و تجربها و تشوف طول السقف مناسب ليك و لا لاءة علشان سقف الجين 2 مش عالي قوي
أنا مش واخد بالي قوي من سقف الأوبترا
بس لازم تتأكد من سقف الجين 2 قبل ما تشتري