عرض للطباعة
تحياتي للجميع،
ممكن نصيحة...محتارة بين بيجو 301 هاي لاين (أوروبي تقفيل أسباني ) ولا هوندا سيتي هاي لاين 2013 (ياباني تقفيل ماليزي)
مين أحسن من ناحية سعة العربية، أسعار قطع الغيار، نوعية الخامات، جودة التكييف ومين معمر أكتر
البيجو أرخص بس هوندا عاملة عرض دلوقتي صيانة مجانية حتى 20000 كم وبارك سنسور مجانا
شكرا مقدما
بميل للهوندا اكتر
انا شايف ان البيجو تتفوق فى كل حاجة ماعدا التكيف اعتقد السيتى التكيف اقوى .
بعيدا عن ياباني واوروبي
والكلام التعبان
ال 301 عامله مبيعات وشغل عن السيتي
اللي تقريبا مش موجوده في الشارع
اللي يخلي هوندا تنزل العرض الجميل ده الا لو كانت ما بتبيعش
معاك في النقطة دي ودة بسبب ان العربية اوروبي ونازلة بسعر تنافسي وكمان اسم بيجو تقيل بيجذب اي حداقتباس:
المشاركة الأصلية كتبت بواسطة hugan
من رأيي بيجو 301 .. الهوندا اسم كبير و السيتي عربية كويسة بس الوكيل مش بيخدمها زي ال 301 اللي وكيلها ما صدق و نزلت كأنه كان مستنيها تنزل .. قطع الغيار بيجو ارخص طبعا بالمقارنة بهوندا و هي في نفس مستوى اللوجان بالنسبة للسعر مع العلم ان وكيل هوندا انضف و اريح في التعامل بس مين يدفع بقى .. و شايف ان سعر اعادة البيع للبيجو الموديل ده خصوصا هيبقى احسن من السيتي بكتير و على فكرة انا كنت بتفرج على السيتي هي ياباني تقفيل تايلاندي مش ماليزي
بصى أنا هنقللك خبرتى فى الهوندا السيتى لكن ماليش دعوة بالبيجو 301 دى خالص
أولا السيتى سيارة ممتازة فى معظم النواحى ولم أشتكى من أى شىء فيها سوى ضعف الأكصدامات والصاج ولما كنت باتخبط من الأمام أو الوراء كان الأكصدام كليبساته بتتكسر بسهوله - فرحت لسمكرى وقويتهم والى الأن السيارة مع اخو مراتى الاكصدامات تمام
أما عن الراحة فى الركوب فحدث ولا حرج من اول الكرسى الى امتصاص المطبات الى البارو الناعم الى بيقل نع السرعات علشان الأنحرافات
التكييف حاجه وهم كده - رهيب ولا صوت ولا زنه ولا رجه فى الدركسيون ولا اى حاجه
الجير بوكس الأتوماتيك أقوى جير بوكس ممكن تعرفه
الوسع الداخلى ممتاز وتحسى انك راكبه سياره كبيرة
الشنطة رهيبة واسعة جدا جدا 500 لتر واقولك على حاجة هى اوسع من الفئة الأعلى اللى هى السيفيك 380 لتر وأوسع من الألنترا حتى
النعومة والسهولة فى السواقة لو قفلتى الأزاز ومشيتى لحد 90 كم فى الساعة هتهمسى مع اللى قاعد معاكى هيسمعك - معزولة تماما
فوق التسعين بنبدأ نسمع صوت الهوا - لحد ال120 مفيش مشاكل لكن فوق كده الهوا بيبدأ يضايق
احلى حاجة فى الهوندا انها معمرة جدا - قطع الغيار غالية لكن معمرة جدا - احسن حاجة تعمليها تأمنى عليها علشان الخبطات - لكن متقلقيش بالنسبة للصيانات
التوكيل اكتر توكيل محترم شفته فى حياتى - وبالذات توكيل التجمع الخامس اللى على الدائرى - ممتاز
البيجو معجبنيش تقفليها ولا خاماتها بصراحة وحشه ومادفعشى فيها اى مبلغ - الصينى العالى احسن منها زى الأم جى مثلا
الهوندا بناتى ودلع خصوصا النبيتى منها جامد - لكن هى غليت دلوقتى قوى ووصلت الهاى لاين 160 الف
شكرا جدا على ردودكم
أنا أصلا حجزة البيجو 301 عشان شايفة ان الهوندا سعرها مبالغ فيه بس عرض الهوندا خلاني أفكر تاني
البيجو أوسع من الهوندا بس الاتنين نفس حجم الشنطة
التكييف بتاع البيجو قوي وياباني أصلا يعني معتقدش هيفرق كتير عن الهوندا
مشكلة الهوندا سعرها ومشكلة البيجو خاماتها مش قد كده
وبعدين كمان فيه بولو سيدان نازلة وحتزود الحيرة !!!
بس من ردودكم في الأغلب حاخليني مع البيجو :)
لو دولا فقط اميل للهوندا بصراحة
العفو لكن السيتى تستاهل اى قرش بيندفع فيها - والله العظيم أنا بانصحك تحجزى تست درايف فى توكيل التجمع وتشوفى - البيجو صياناتها مقرفة وهتدفعى مبالغ كبيرة فى خلال عمرها للصيانات - لكن اقسم بالله أن السيتى لغاية الأن معانا عاملة 210 الف كيلو والله مغيرتش السير بتاع التكييفاقتباس:
المشاركة الأصلية كتبت بواسطة soha12
اسعار الصيانات كالاتى 525 جنيه لكل الصيانات 10000 و 20000 و 30000 و 50000 و 70000 و 90000 كيلو
40000 كيلو 710 جنيه - ثم 60000 كيلو 910 جنيه ثم ال 80000 كيلو 1730 جنيه ثم ال 100,000 كيلو 3130 جنيه شاملة الضريبة والمصنعيات وقطع الغيار وكله كله
سلام