حد يعرف محل في الاسكندريه او القاهره بيبيع لوحات فنيه للمنازل لمصر القديمه . الاسواق الشعبيه . بائع العرق سوس . المرأه المصريه . الكتاب . الحرفيين واصحاب المهن اليدويه . كل الحاجات دي عشان انا بعشق الصور دي وعاوزها لتجميل البيت . شكرا مقدما
عرض للطباعة
حد يعرف محل في الاسكندريه او القاهره بيبيع لوحات فنيه للمنازل لمصر القديمه . الاسواق الشعبيه . بائع العرق سوس . المرأه المصريه . الكتاب . الحرفيين واصحاب المهن اليدويه . كل الحاجات دي عشان انا بعشق الصور دي وعاوزها لتجميل البيت . شكرا مقدما
انا معرفش مكان بيبع الصور ديه
بس لو ماعرفتش تلاقي ممكن تنزل صور من النت و اطبعها في مكان محترم
واعمل براويز ليها
سبحان الله كل الكلام اللى بتسأل عنه شوفته بالمللى فى معرض الكتاب 2012 كانت لوحات اقل ما توصف به انها رائعة عن مصر القديمة والملايات اللف وايام الفيضان والنخيل والاهرامات واصحاب الحرف، لوحات متنوعة المقاسات .. ممكن تستنى شهر يناير موعد معرض الكتاب لو مش مستعجل وان شاء الله عشاق الفن فى المنتدى يفيدوك
لى قريب عندة العفريتة او النيجاتف من زمان على زجاج بسمك 2 ملى تقريبا مناظر لا تعد و موش عارف يستغلهم لو اى حد عندة افكار يبقى هايل لانى انا بصراحة مستخسر رميتهم كدة مناظر جميلة حقا
هتلاقيهم فى محلين فى خان الخليلى فى شارع السوق الرئيسى ودول لما تخش الخان على رجلك والدهان على يمينك وتمشى علطول وبعد حوالى 400-500 متر هتلاقي محل على يمينك وواحد بعديه بشوية على شمالك.
ولو عارف منطقة مصر القديمة كويس : هتدخل مجمع الاديان وتنزل السلالم وفيه محل واحد بس هناك (بازار) عارضهم على الشمال باسعار ومقاسات مختلفة تبدا بالتقريب من 30-35 لحد 70-80 وفى المنطقتين حاول تفاصل وانت وشطارتك.
وفى نفس المنطقة بس على الشارع الرئيسى هتلاقى محل كبير بيبعهم وعارضهم برا وجوا بس عنده تفاصل اكتر شوية.