الموضوع: تأثير السيليكون أو مسدس الشمع علي دهان السيارة

عندي مشكلة .. هيا صحيح هايفة بس مضايقاني !

ركبت كفرات نيكل للمرايات والمقابض من حوالي أسبوع ... كله ركب باللزق الدبل فيس زي الفل ..لكن فيه مقبض واحد غلس مش راضي يثبت .. ودايماً بيسيب اللزق وبيفك .. ، جربت غيرت له الدبل فيس برضه مش عاوز يثبت !

فدلوقتي موضوع الدبل فيس ده مش قد كده ! .. فكنت بافكر هل ممكن استخدم لصق السيليكون بتاع الزجاج في اني الزق المقبض في الباب مباشرة ؟؟
او ممكن استخدم مسدس شمع مثلا ً
ياترى ده هايبقي له تأثير على صاج العربية و الدهان ؟؟

المشاركة الأصلية كتبت بواسطة lifz_good

الشمع هيلزق في الأول وهيفك مع أول سخونة شمس جاية
جرب حط جزء منه على شاسيه الفانوس من جوا واقفل الكبوت وشوف تأثير السخونة تاني يوم هيعمل فيه إيه
هيبقى زي قلته بجد
..............................
السيليكون العادي الشفاف دا هيلزقها كويس أوي بس احتمال كبير جداً متعرفش تشيله غير بتقشير الدهان تحته أو سنفرته
وكمان هوا هيبقى ماسك في دهان عربيتك كويس انما بالنسبة لحلية القابض من جوا ممكن النيكل بتاعها يقشر ويطلع ف السيليكون وبالتالي هتفك بردو
........................
سيليكون الإزاز ... الأسمر دا glass seal
يستحيل يطلع من على عربيتك غير بالتضحية بالدهان
:d

والله كلام مقنع برضه !
يبقى مافيش حل غير الدبل فيس ! .. هاجرب أجيب الأصلي وأشوفه مع التسخين بالسشوار هايعمل إيه وربنا يستر ..
شكراً لمساعدتك ياكبير :)