العربيه للاسف اتقلبت
وعايزه الاتي
سقف بالفرش بتاعه
2 رفف امامي
2 باب شمال
كابوت
شنطه
قشره طابلوه
radiator
سربنتينه
مواسير المكيف
اكصدام امامي
مرايات
زجاج امامي
كرسي السواق طبعا
عايز اسعارها ضروري اوي يارجاله جيتا 2007
عرض للطباعة
العربيه للاسف اتقلبت
وعايزه الاتي
سقف بالفرش بتاعه
2 رفف امامي
2 باب شمال
كابوت
شنطه
قشره طابلوه
radiator
سربنتينه
مواسير المكيف
اكصدام امامي
مرايات
زجاج امامي
كرسي السواق طبعا
عايز اسعارها ضروري اوي يارجاله جيتا 2007
العربيه ديه اتقلبت فى طريق العلمين من اسبوين او 20 يوم كده
لا حول و لا قوة إلا بالله قدر الله و ما شاء فعل ، إن شاء الله ميكنش حد حصلو حاجة و ألف سلامة ... إن شاء الله الإخوة في المنتدى يوفدوك ...
لو مش مأمن عليها بيعها
صعب بعد الصرف و المجهود و الوقت بتاع الاصلاح ده كله ترجع زى الأول , ده رأيى بصراحة و الاختيار ليك
قدر الله وماشاء فعل
الحمد لله انك كويس
ياجاعه انا قلت ابيع سمعت ارقام وحشه اوي 30 و35 و 40 والعربيه في نفس الوقت ماتور سليم هو والسدر مفهمش اي حاجه والفوانيس سليمه كمان
اغلب الظن ان البيشترى العربية مبيصلحهاش, هوا بياخود ورقها برقم الشاسيه و يركبوا على عربية نصين, و بيبيع الحاجات السليمة فيها, ماتور, فتيس, شنطة, باب, كده يعنى.
نصيحه بيع ، خلينا منطقيين ، سعر السيارة مستعمل حاله نضيفه ممكن يوصل ٩٥ طيب مستعمل حادثه مش هتتباع إلا بالعافية وهتنزل تقريبا ٢٠ أو اكتر ، قول ٧٥
طيب العربية الصنايعيه هيفتوا ويقولولك هترجع زي الأول واشتغالات للصبح والحقيقه حادثه قلب أكيد أثرت علي قوائم العربية بشكل كبير ويستحيل ترجع زي الأول بالإضافة الي
طقم الايرباج ١٠ آلاف
طالما السربنتينه تتغير ممكن الكمبروسر كمان هي دخلوا في ٤ آلاف
سقف ورفارف مش اقل من ٤ آلاف
ده غير الرفايع والسحله مع الصنايعيه والمصنعيات
العربية عشان تطلع نضيفه مش هيقل عن ٣٠
وهيا سعرها علي حالتها ٤٠
يبقي أحسن أخد الاربعين أوزود التلانين وأشتري حاجه نضيفه
خلي بالك بعد متتصلح مش هتطيق تقعد جواها وهتحس أنها عربيه تانيه وهيجيلك وساوس كتير وممكن تبيعها بخسارة أكبر
كل دي تجارب سابقه ارجوا أن أكون أفدتك وحمد الله عالسلامه
نصيحه لاخ ... ما تبيعش
عندي ليك سمكري و بوهيجي يرجعوها زي ماكانت و تحدي ان اي حد يعرف انها اتصلحت
و الله مصلح سقف جيتا قدامي و مرجعها زي ماكانت و البوهيجي كمل عليه
هاتصرف شويه بس احسن من استعباط الحراميه بتوع النصين
وكده كده هاترجع زي ماكانت و انت تستفيد بخير العربيه طالما ما فيهاش حاجه في الماتور
ال اهم من القطع المطلوبة الصنايعي النظيف
اعرف واحد فى الزقازيق عمل لانسر 2008 و العربية عندي في بورسعيد لو عايز تشوفها و تحكم تحت امرك مع واحد صاحبي و كانت اكتر من عربيتك و طالعة 80 % فى تقديري
العيوب الوحيدة اصوات من زجاج العربية فى المشاوير الطويلة و حدفة بسيطة مابتروحش مع الزوايا
الف سلامة و ربنا يعوض عليك