الموضوع: سؤال لسكان المعادى

شوف المنطقة الى بتكلم عنها هى المنطقة السكنية خلف كارفور .... وتسمى مدينة المعراج .... وعمرها مكانت أرض زراعية .... هو أرض ملك شركة النصر للإسكان والتعمير وكمان تمتاز العمارات هناك انها 4 ادوار علوية فقط لا غير (طبعا فيه بعض المخالفين بدور خامس) ..
التليفونات تابعة لححى المعادى 2
المياة تابعة لحى المعادى 2
الكهرباء تابعة لحى المعادى 2
المرور فقط يتبع حى البساتين

أى خدمة

اللى عند المحكمة الدستورية ديه أبراج نصها عليه ازالة و قرارات هدم و مشاكل فى الكهربا و الميه و ناس مش مظبوطة و حضرتك مش تعتبر فى المعادي أصلاااا و بها أجزاء تبع المطبعة
لو عايز حاجات نظيفة ممكن تطلع على الدائري على الجانبين حتلاقي حاجات كتير و بكل الأسعار عندك المعراج العلوي يجي المتر 2500 و المعارج السفلى يجي ب 2000 و تبارك بحدود 2500 و المرشدي الشباب وريا بفارايا من 1700-2500 و عباد الرحمن زيها بس الناحية التانية عند النساجون و نادي الصيد 2500-3000 و سما 3000-3500 و انت رايح على التجمع نفس رنجات الأسعاار

و ممكن تروح الأتوستراد من الناحيتين عند صقر قريش و انت رايح على الدائري او سجن طرة برضه حتلاقي النظيف و الشعبي و برضه نفس رنجات الأسعار
لازم تاخد لفة بنفسك عشان تشوف ايه اللى حتستريحلوه و بعدين تبتدي تدور بجد

يا رجالة

عايز اعرف رايكم فى المنطقة بالظبط اللى هتمشى من عند كارفور وهتكمل تلاقى بنزينة وبعد كده صيدلية (على وعلى) وبعد كده بتلف على اول يمين وتدخل المنطقة اللى كل ارقام العمارات من 9000 وانت طالع :)

1-رايكم فى المنطقة دى؟ وكأمان نظامها اسه وسرقة وكده

2- مستوى الخدمات لانى بصراحة مشوفتش غير كارفور والصيدلية ومش لاقى اى خدمات تانية خااااااالص ؟؟؟
فين المدارس وفين الحلاق والمكوجى والذى منه ::)

3-المنطقة دى تعتبر زهراء المعادى ولا اسمها ايه ؟؟؟

4-اخيرا سعر المتر فى ارتفاع هناك وليه مستقبل ولا اى كلام

هام ضرورى :)

المشاركة الأصلية كتبت بواسطة egyboy

يا رجالة

عايز اعرف رايكم فى المنطقة بالظبط اللى هتمشى من عند كارفور وهتكمل تلاقى بنزينة وبعد كده صيدلية (على وعلى) وبعد كده بتلف على اول يمين وتدخل المنطقة اللى كل ارقام العمارات من 9000 وانت طالع :)

1-رايكم فى المنطقة دى؟ وكأمان نظامها اسه وسرقة وكده

2- مستوى الخدمات لانى بصراحة مشوفتش غير كارفور والصيدلية ومش لاقى اى خدمات تانية خااااااالص ؟؟؟
فين المدارس وفين الحلاق والمكوجى والذى منه ::)

3-المنطقة دى تعتبر زهراء المعادى ولا اسمها ايه ؟؟؟

4-اخيرا سعر المتر فى ارتفاع هناك وليه مستقبل ولا اى كلام

هام ضرورى :)

المنطقة الى خلف كارفور دى كلها اسمها مدينة المعراج ... وداخل مدينة المعراج هتلاقى المعراج العلوى والمعراج السفلى وكلاهما مقسم الى مجاورات ... مجاورة الأولى والتانية لغاية تقريبا التاسعة .
أنت تقريبا بتتكلم على المعراج السفلى وتحديدا على المجاورة التاسعة ..
المنطقة الأكثر كثافة سكانية وخدمات طبعا هى المعراج العلوى ... مقارنة بالسفلى ولكن هذا لا يمنع ان هناك ناس كتسر جدا فى السفلى والدنيا زى الفل ... أنا بتكلم نسبيا .
سعر المتر فى المعراج العلوى خلف كارفور مباشرة من 2700 الى 3400 جنيه
سعر المتر فى المعراج السفلى من 2200 وانت طالع .
الأستثمار هناك مجزى جدا ... سعر المتر طااااااااااااالع

طيب خليك معايا والنبى :)

ما صدقت لقيت حد من المنطقة نفسهاااا

طيب يعنى الخدمات مفيش فى المعراج السفلى ؟؟

وهى تعتبر معادى كتليفون وكهرباء والذى منه ولا تتبع منطقة تانية

لو عايز اوصل ارضى وكده وخدمات النت هلاقى ولا ايه ؟؟

انت اكيد ساكن من فترة فهل المعراج السفلى مميزة ولا العلوى كسعر للمتر

سيبك من الكثافة السكانية كله بكرة هيتملى ويتظبط

بس معرفش شايف ان السفلى افضل خصوصا لقربه من كارفور

انت رايك ايه ؟؟

لو كان قصدك على بنزية الامارات ده المعراج العلوي عند عمارات النصر الصغيرة اللى شبه بعض على الدائري - طبعا منطقة نظيف جدا جدا بس غالية شوية من 2500 و انت طالع و الناس بتستعبط زي اي حد فى الامتار بس زيادة شوية - انا روحت شوفت ناس كتيرة تقول 160 و 150 متر و مترت الشقة بأيدية طلعت بالعافية 100 متر صافي فخلي بالك من كده جدااا.. فى مكتب مشهور جدا تقريبا اسمه العربي بيلففك فى كل حتة و انت ممكن تروح هناك كمان تسأل.. اللى اعرفه ان فيها خط تليفون أرضي و كمان غاز ..
بس مش عارف السفلي اخبارها ايه لأنى كنت شفت كام حاجة كده فيها عشوائية و مشاكل فى الكهربا و البناء زبالة و كانت عند معسكر جيش هناك... روح جروب المعراج على الفيس بوك
اتحاد مدينة المعراج -العلوى و السفلى

و أسأل ناس هناك

و ممكن برضه من ورا كارفور بشوية تلاقي آخر زهراء المعادي - العمارات الكبيرة ال 11 دور ... الأسعار أقل بكتيير

طيب يا رجالة حد يعرف المواصلات نظامها ايه

يعنى لو عايز اروح التحرير من هناك او اروح ليها من التحرير اعمل ايه ؟؟

وياريت حد يجاوبنى على موضوع باقى الخدمات

انا مش هعمل كل حاجة فى كارفور فين المدارس وفين الحلاق والمكوجى والذى منه :)