المشاركة الأصلية كتبت بواسطة y a r i s
بص ياباشا ...
الحته الي هناك كويسة وممتازة. وكل حاجة ومنظر لمن تقوم من النوم كفاية تفتح الشباك تتفرج على منظر النيل كل يوم. هتحس بالراحة النفسية والنقاء الداخلي وكل يوم هتصحى وانتا بتقول الحمدالله والشكر ليك يارب ... لكنننننننننن
وحط تحت لكن دي مليون خط عيب المنطقه هناك انك كده تعتبر. على حدود او اطراف المعادي. يعني لا انتا من سكان المعادي ولا انتا من سكان الملك الصالح وعلشان تروح تجيب سندويتش فول وطعمية مثلاً من اي مطعم في المعادي لازم تمشي بعربيتك لفة كبيرة علشان تلف وترجع تاني للمعادي من على الكورنيش تفضل مكمل بعد الدائري. لحد ما توصل بنزينة التعاونية. وتلف من تحت الكبري وتمشي على طول طول طول. لغاية مدخل المعادي. ... فالحته دي بالذات عذاب مابعدوا عذاب وهتخليك تكره حياتك ...
بس غير كده. يااااه هل المنظر يااااه. على السكنة. ياه على العيشة ... وخلي بالك كمان من نقطة واحذر كويس فيما عدى ابراج عصمان وابراج الجوهرة. وبعض الابراج في ابراج كتير عليها مشاكل. من الحي ومبنية على اراضي زراعية ... يعني ابسط مثال الاراضي الي خلف المحكمة الدستورية اساساً اساساً دي كلها زراعية ولحد وقت قريب جيت الثورة بقيت ابراج هههههههه.
ياراجل خلينا ساكتين انتا عارف المحور المحور بتاع ٦ اكتوبر اقسم بالله. اقسم بالله بقيت تمشي عليه ما تفرق هو انا على المحور ولا على الدائري من كتر العمرات الي بقت تتبني. هناك فوق اراضي زراعيه. بالطوب الاحمر. ... وتحس كده الحكومة نايمة في العسل. والقشطة والمربه كمان .... يعني البني عيني عينك والاعمى. يشوووووووف ودول عمالين يبنوا زي الفل. (( تحت شعار البلد بلدناا ))
لك ان تتصور لو اراضي المحور والمنصورية دل كلها اتبنيت عماير. فوق اراضي زراعية اومال اهل القاهرة هياكلوا منينننن !!!
هتبقى ازمة تموينية هتخلي الواحد يقلع هدوموا ويمشي ملط من غلاء المعيشة وكل ده علشان الناس بتبني فوق اراضي زراعية ... وتحياتي وبالتوفيق .
والله انت برنس وضحتلى كل حاجة بالظبط :)
طيب رايك ايه ياباشا ممكن ادور فين
زهراء المعادى ولا المعادى الجديدة وياريت بالشوارع اللى انت شايفها كويسة
لأن اعتقد المعادى نفسها هتكون اغلى من كدة كمان
وان شاء الله نشوف البلد دى احسن بلد بس عايزة وقت وجهد كتييييير