يا جماعة الراجل بيسأل يدخل عسكري ولا ظابط وانتوا اتكلمتوا في حاجة تانية خالص هو كدة كدة داخل علشان يبتدي حياتة
وبعدين الجيش مش بتاع السيسي الجيش لمصر
واللي هايحاسب العباد ربنا مش اي حد. وربنا يصلح الاحوال ومافيش داعي للخلاف
يا جماعة الراجل بيسأل يدخل عسكري ولا ظابط وانتوا اتكلمتوا في حاجة تانية خالص هو كدة كدة داخل علشان يبتدي حياتة
وبعدين الجيش مش بتاع السيسي الجيش لمصر
واللي هايحاسب العباد ربنا مش اي حد. وربنا يصلح الاحوال ومافيش داعي للخلاف
شكرا جدا ياشباب
أنا أولا تخصصي إنتاج دواجن وأسماك !!
وياشباب أنا بفضل ظابط فقط علشان المرتب اللي هآخده
يعني هخلص جيشي معايا فوق ال80000 جنيه !!
مش مبلغ كويس برضه !!
حتى لو الشغل موجود كتير بره عمري هآخد فيه كدة !
وحتى برضه لو علشان الخبرة وهسافر وكده
خليني الأول ارتاح هنا شوية بالفلوس اللي معايا وأقبل بمكان ووظيفة محترمين ومحدش يبهدلني علشان أبدأ حياتي صح
وبرضه هي كلها سنتين فرق ياجماعة بس وهخرج أشوف حياتي برضه ومعايا رصيد محترم حتى لو قدمت على هجره هيفيدني جدا !!
ولآ انتم رأيكم ايه وياريت الأسباب مع الإختيار سواء بالقبول أو بالرفض !!
ايه ياشباب 200 مشاهدة ومشاركات قليلة جدا !!
طيب أي حد عنده كلمة حتى يقولها حتى لو بسيطة هتفرق كتير ده مستقبل وحاجة هتفرق كتير معايا بعد كدة !!؟؟؟
السلام عليكم ورحمة الله وبركاته ...
افهم من كده اخى الكريم انك محدد موقفك من الاول ...
عموما انا هارد عليك من وجهة نظرى بس طبعا فى الاول لازم تعمل صلاة استخارة مادام فى اختيار ...
كنت زيك كنت مترشح ضابط احتياطى والحمد لله الحمد لله نزلت عسكرى ...
وده عرفت قيمته بعد ما خلصت جيش ورحت استدعاء ...
اولا بالنسبة للظابط الاحتياطى زى الاخ الكريم قالك ان الاستدعاء لحد 45 سنة وتقريبا بتروح كل استدعاء ودى مش سهلة خالص ...
وكان معايا صديق ليا ضابط احتياطى فى لواء جانبى وكنت بزوغ من اللواء بتاعى واروح اقعد معاه قاللى بالنص "الفرق بينى وبينك النجوم اللى فوق كتفى فقط واى حاجة فيها مصلحة يروح فيها الضابظ العامل واى حاجة فيها طحن وارف يروح فيها الظابط الاحتياطى وكان قاعد فى مبيت هو وظابط احتياطى تانى والظباط العاملين فى مبيت اخر"
غير الوقت اللى بيضيع منك فى الجيش حوالى ثلاث سنين بشهور الانتظار للاكاديمية ...
ثانيا بالنسبة للعسكرى الاستدعاء 9 سنين فقط وبتروح حوالى مرة او مرتين بكبيرة ولو ليك وسطة ما بترحش مفيش اكتر من العساكر (انا رحت مرة واحدة فقط وانا مخلص جيش من 2006) ...
الوسطة بتبقى اسهل فى العسكرى ممكن تتلحق باى حاجة وتنزل مبيت فى بيتكم كان معايا ناس فى الجيش اول مرة اشوفهم ساعت التسليم ...
وهى كلها سنة وتقلب على طول وتطلع تشوف حياتك ...
وعموما ربنا يوفقك واعمل صلاة استخارة ...
انا كنت ف نفس حيرتك دى بالظبط يا حوده وده الموضوع اللى عملته
http://www.nilemotors.net/Nile/372895-a.html
اانا الحمد لله دخلت عسكرى بدون واسطه ولا اى حاجة ومتفائل خير ان ربنا اختارلى الانسب
بالرغم انى كنت بفضل انى اخش ظابط او اخد تاجيل ولكن الحمد لله اولا واخيرا
ياشباب مش وقت تعصبات سياسية ياريت !!
يعني كل واحد يقول وجهة نظره ف الموضوع ده وبس !؟؟؟
هو حضرتك متأكد من إن المرتب ٤٢٠٠ جنيه ؟؟؟
السلام عليكم ورحمة الله وبركاته ...
مش بقولك شكلك حاسم الموقف من الاول وناوى على ظابط ...
على العموم ربنا يوفقك للفيه صالح ليك ...
انا معرفش المرتب كام دلوقتى بس كان فى 2005 حوالى 1500 : 2000 تقريبا وكان وقتها مبلغ برضه ...
بس عموما انا عمرى مافكرت بمبدأ المادة لان عارف ان مش كل حاجة المادة هى الحل ...
لان كل شئ رزق الفلوس رزق والصحة رزق والعلم رزق والاولاد رزق والوظيفة رزق وحب الناس رزق ...
معلش انت ممكن تشتغل بمرتب قليل بس فى بركة كتير احسن من مرتب كبير بس فى بركة قليلة ...
وبرضه اعمل استخارة وربنا يوفقك للاصلح ان شاء الله ...