الموضوع: تم ايقاف العضو Zarif وسط ملابسات غامضة ومحيرة

المشاركة الأصلية كتبت بواسطة LeitoSR

بصراحة انا لما قريت كلامك أتعكننت برضه, لسبب غير اللي أنت متعكنن عشانه,,!!!

هوا اللي بيعمل خير يا أخي بيعمله لوجه الله وبيحتسب الأجر والثواب عنده وعشان يفيد بيه الناس حتي لو عضويته أتوقفت تكون زي عمل صالح ليه, كل اللي يقرأ ويستفاد من مواضيعك يدعيلك,

ولا أنت بتعمل المواضيع عشان تتنسب ليك وتتفاخر بيه,, وعشان تاخد كام كومنت وكام رد وتقول أنا وفرت عليكم كذا كذا بأفكاري الرائعة ولحم كتافكم من خيري.!!

*وملحوظة أنا مش من أدارة المنتدي ولا تبعها, بس أنت مش هتعرف تعمل حاجة بخصوص المواضيع القديمة ولا تتلفها,,



الموضوع لو كان عشان خاطر المنتدي زي ما بتقول,, ومش عشان خاطر نفسك وذاتك,,
مكنتش قلت الكلام دا, وأستنيت الوقف لما ينتهي, أو عملت عضوية جديدة وأفدت الناس بيها زي ما بتقول,,


هوا انت هتذل الناس وتطلب منهم أنهم يحتجو بالنيابة عنك,, عشان تتفضل مشكورا بوضع المواضيع دي ليهم ؟؟
ومن غير كدا مش هتعبرهم يعني وتفيدهم زي ما أستفدت من المنتدي قبل كدا ؟

بصراحة طريقة تفكيرك عكننتني,
راجع نفسك يا أخ ظريف وربنا يوفقك.

المشاركة الأصلية كتبت بواسطة LeitoSR

أولاً أنت متعرفنيش ولا تعرف طريقة تفكيري, عشان تقول أن مش كل الناس بتفكر زيي,,

ثانياً أنا بقولك اللي بيعمل موضوع في المنتدي عشان يفيد بيه الناس زي ما بيستفيد,
أو "عشان خاطر المنتدي ومش عشان خاطر نفسك" علي حد قولك,,, <<<<<<<

المفروض لو عشان خاطر المنتدي تحط المواضيع دي عشان تفيد بيها الناس فعلاً,
ومتعدش تهدد الناس أنك هتمسح مواضيعك القديمة, وأنت أصلا مش هتعرف,
ولا تذلهم بالحاجات اللي أنت محضرها وتجري ريقهم بأسامي المواضيع,,
وتطلب من الناس أنها تراسل الأدارة وتنهال عليهم بالشكاوي وتتظاهرلك عشان ترجعك.!!
عشان تبقي تتكرم عليهم ساعتها وتحط لهم المواضيع وتفيدهم بيها,

كدا أنت خليت الموضوع بقي عشان خاطر نفسك بطلباتك,, <<< مش عشان المنتدي,
عشان كدا قلت لك راجع نفسك وشوف أنت بتفكر أزاي,

اللي عايز يعمل موضوع يفيد بيه الأعضاء لوجه الله, وياخد الأجر من دعائهم وثواب عنهم مبيطلبش الطلبات دي,
وكان يكفي أنك تستني أن عضويتك ترجع من الوقف, أو تعمل عضوية جديدة وتفيد بيها الناس لو كان همك المنتدي فعلاً وأفادة الأعضاء وعمل خير,

بالتوفيق.

مبدئيا انت محاولتش تفهم اية هيا ملابسات الموضوع وابعادة فى المداخلة بتاعتك وبدأت هجوم علطول عملا بالنظرية الروسى (الثور الهائج فى سوق الخزف) فى علاج المشاكل المفاجئة
وانا هنا اقصد المعنى الذهنى للنظرية ولا اقصد الاهانة الشخصية ليك
وهقولك دلوقتى بالتفصيل معنى كل حاجة

1 - المواضيع اللى انا بعملها وهعملها مش الهدف منها الزهو والتباهى واخد كام كومنت زى ما حضرتك كاتب.......... الكلام دة وزى ما قلت لك يفرح بية طالب فى اعدادى مش راجل عندة 36 سنة ومتزوج واب لطفلة وعندة محلين موبايل وهدايا (يعنى ببساطة مش فاضى اهرش)

لكن انا لما قررت اعمل المواضيع دى كان الهدف منها هو الاخرة مش الحياة الدنيا وهيا انها تتحسب تحت بند (علم ينتفع بة)علشان لما اموت واندفن فى التراب يبقى زى الحديث الشريف ما بيقول - (((( اذا مات ابن ادم انقطع عملة الا من ثلاث صدقة جارية او علم ينتفع بة او ولد صالح يدعوا لة ))))

مش عشان زهو او تباهى واخد كام كومنت لان معلش يعنى الكلام دة كلة مبيأكلش عيش ومش هيزود رصيدى فى البنك

2- انت لما قلت *وملحوظة أنا مش من أدارة المنتدي ولا تبعها, بس أنت مش هتعرف تعمل حاجة بخصوص المواضيع القديمة ولا تتلفها,, بردو اعتمدت نفس النظرية الروسى (الثور الهائج فى سوق الخزف) لانك لو كنت كلفت نفسك عناء البحث عن مواضيع المدعو Zarif كنت عرفت ان كل مواضيعى عبارة عن مواضيع عملية يعنى فك وتركيب وصور وشرح على الصور وفيديوهات

فبمنتهى البساطة هروح على اليوتيوب على حسابى الشخصى اللى برفع منة الفيديوهات واروح عامل Delete لكل الفيديوهات وبعدين اروح على الموقع اللى انا رافع علية الصور وبيسمحلى بتحكم كامل فى الصور (غير مواقع تانية بتبلع الصور ومبتعرفش تتحكم فيها ) واروح عامل Delete بردو لكل الصور

فبالتالى خلال دقيقة واحدة هتبقى المواضيع كلها شوربة لانك مش هتلاقى فى المواضيع غير كلام فقط تم تفريغ مضمونة الفعلى اللى هيا الصور والفيديوهات

3 - انت قولت (
هوا انت هتذل الناس وتطلب منهم أنهم يحتجو بالنيابة عنك,, عشان تتفضل مشكورا بوضع المواضيع دي ليهم ؟؟
ومن غير كدا مش هتعبرهم يعني وتفيدهم زي ما أستفدت من المنتدي قبل كدا ؟)

للتوضيح فقط لو حضرتك بصيت على مواضيعى هتعرف من اللى استفاد من مين ( انا والمنتدى)

الحاجة التانية انا مش هذل الناس عشان يحتجوا بالنيابة عنى ولا حاجة كل ما فيها ان كان فية موضوع بتاع عمل فلتر هواء لتكييف الانوس والموضوع دة اختفى بعد ما رفعتة بنص يوم وبدأ الكل يسئل على الموضوع بما فيهم انا حتى ان احد الاعضاء MITSUKERO عمل موضوع يسئل فية وانا معاة كنت بسئل

واستمر الموضوع لمدة يومين بدون اى اجابة شافية وفى الاخر بعت رسالة للمشرف استاذ طارق اسئلة فية عن الموضوع

واقترحت على باقى الاعضاء انهم ينهالو بالرسائل على المشرف (استاذ طارق) عشان يفرج عن الموضوع والفكرة نجحت الى حد ما حتى ان الاستاذ طارق بعتلى رسالة على الخاص يضحك ويقولى ما معناة (انت مسلط الاعضاء عليا بالرسائل ...خليهم يبطلوا ارسال رسائل عشان اعرف اشتغل وانسق الموضوع وارفعة ) وفى النهاية طلع الراجل كتر الف خيرة كان رافع الموضوع عشان ينسقة ويعرضة فى شكل جيد لكن انشغالة فى عملة حال دون ذلك وتم اعادة رفع الموضوع بتنسيق بسيط نظرا لضغط الاعضاء بالرسائل على المشرف المحترم جدا بتاعنا

فانا لما لقيت الفكرة نجحت قلت اخد رأى الاعضاء فى تكرارها ولكن مع مراقب المنتدى عشان يعملى استثناء واخش اكمل موضوع كمبروسور هواء بتكلفة لا تزيد عن 30ج واللى اساسا كان صاحب الفكرة او الطرح هوالاستاذ طارق نفسة وعشان الناس تلحق تعملة وتستخدمة فى تنضيف التلاجة قبل الصيف ما ينتهى

لكن مطلبتش منهم يتظاهروا عشانى ولا حاجة لان ببساطة شديدة كونى موقوف دة موضوع مش مخسرنى اى حاجة على الاطلاق ولافارق معايا اساسا لانى مبقبضش راتب من المنتدى

وبما انك متعرفش اى حاجة من الكلام اللى انا كتبتة دة ولا تعرف اية هيا القصص الداخلية فى القسم بتاعنا ومحاولتش تعرف اية هوة سبب طلبى للاستثناء اعتمدت النظرية الروسى المذكورة عالية

4 -انت قولت (ولا تذلهم بالحاجات اللي أنت محضرها وتجري ريقهم بأسامي المواضيع,,)
اللى انت متعرفوش ان انا من تانى موضوع ليا فى المنتدى وانا بكتب عن المواضيع اللى هتبقى ورا منة كنوع من التشويق لا اكثر ولا اقل .. والاعضاء المحترمين اللى فى القسم معايا عارفين الكلام دة من زمان

وانا بعملة فى الظروف العادية وفى كل المواضيع تقريبا يعنى مش مرتبط بحاجة ليا عندهم او طلب زى ما انت متخيل وبردو لو كنت كلفت نفسك عناء البحث عن مواضيع المدعو Zarif كنت فهمت من نفسك لكن للمرة الرابعة اعتمدت نفس النظرية الروسى المذكورة عالية

5 - انت قولت (أنا وفرت عليكم كذا كذا بأفكاري الرائعة ولحم كتافكم من خيري.!!)
انا متفهم ان اللى يقول الكلام دة هيكون شخص لحم اكتافة من خير حد ... او لحم اكتاف حد من خيرة ....عشان كدة ذهنك استدعى المثال دة لمجرد ان انا طلبت المساعدة والمشورة من زملائى فى المنتدى

لكن لوضع الامور فى نصابها الصحيح انت عشان تقول الكلمة دى لواحد لازم تكون بتطلع من جيبك وتحط فى جيبة اخر اليوم او بتتصدق علية او عاملة مصروف شهرى فى حين ان المنتدى كلة قايم على العمل التطوعى ومحدش ضارب حد على ايدة عشان يعمل حاجة

فلو انت شايف الموضوع بالشكل اللى انت كاتبة دة فهقترح
عليك تحاول تشرب فنجان قهوة مع اى سيكولوجى