عرض للطباعة
السلام عليكم
الحمدلله ربنا رزقنى ببنوتة
وهسميها Malika ان شاء الله
بتتكتب بقه ( ماليكا ولا مليكة ولا مليكه )
ياريت ياجماعة اللى عنده خلفية فى الموضوع ده يقولى
عشان اسجل اسمها فى شهادة الميلاد مظبوط
ربنا يحميها ويخليهالى ويبارك فيها وتكون خلف صالح ان شاء الله
وربنا يرزق الجميع بإذن الله
الف مبروك انا لمه روحت اسجل اسم ابنى كانو عايزين يكتبو كده (لوئ ) انما الصح كده وفضلت اعدل للراجل بتاع المكتب علشان يكتبها كده (لؤى )
مليكة
والف مبروك و تتربى فى خيرك ان شاء الله
ربنا يخلى يا باشا
لأ لأ لأ مليكة لأ لانه اسم راجل و غالبا بيستخدمه المسيحيين فقط. . . ماليكا هو الاقرب للكتابة الانجليزى. . . انسى مليكة ده خالص البنت هتتعقد طول عمرها لا قدر الله :-) و تتربى فى عزك
انا داخل اقولك الف مبروك انما كتابه الاسم مقدرش افتى
ربنا يخليهالك ويباركلك فيها
الله يبارك فيكاقتباس:
المشاركة الأصلية كتبت بواسطة ahmed air
ومظبوط لؤى كده تمام ربنا يخلهولك :)
معندكش خلفية بقه عن ماليكا ولا مليكة :)
ربنا يخليك ياباشا وعقبالك ان شاء اللهاقتباس:
المشاركة الأصلية كتبت بواسطة Mostafa.Mahran
ربنا يخليك ياباشا :)اقتباس:
المشاركة الأصلية كتبت بواسطة monamize4
دانت عقدتنى انا شخصيا :)))اقتباس:
المشاركة الأصلية كتبت بواسطة Imhotep
طب دلوقتى انا فهمت منك ان الكتابة الصح ماليكا مش كده؟
بس مليكة تبقى اسم راجل ازاى بس :oh:
على العموم ربنا يخليك ياباشا
ياباشا ربنا يكرمك يارب.. الله يبارك فيك :)اقتباس:
المشاركة الأصلية كتبت بواسطة eslamrace
كما قال الاستاذ مصطفى مهران ، الاسم الصحيح هو مليكة
وهو مؤنث كلمة مليك
وفي كتاب الله تعالى في سورة القمر " ان المتقين في جنات ونهر ، في مقعد صدق عند مليك مقتدر"
والمعنى يتلخص في الآتي:
الملك الذي يحكم ولا يملك،
والمالك هو الذي يملك ولا يحكم، كمن يمتلك أرضٍا ،
هذه الأرض لا يملكها الملك، لكن يحكمها، ومالك هذه الأرض لا يحكم،
لكن الله جل جلاله مليك ، أي أنه ملك ومالك، يملك ويحكم، والمُلك في الدنيا والملكوت في الآخرة، المُلك في عالم الشهادة، والملكوت في عالم الغيب، والله جل جلاله مالك المُلك والملكوت
والله تعالى أعلم
أنا كان ليا صديق زمان اسمه فوزى مليكة. . . مليكة تبقى رجالى لانها صيغة تصغير لاسم ملك او ملاك اعتقد ده اصلها. . .اما ماليكا. . . الامريكان منتشر عندهم بين المسلمين السود اسم مالك malik. . . بس بينطقوه بكسر الياء اوى اوى اوى مش زيينا احنا الكسرة خفيفة. . . و المؤنث بتاعه malika و انسب كتابة عربى لها هى ماليكا. . . لتجنب الخلط مع اسم مليكة اللى قلتلك حكايته
بسم الله الرحمن الرحيم
محمد باشا...,.,.
ألف ألف مبروك وربنا يجعلها من الخلف الصالح..
الأسم الصح ( ماليكة ) وأتمنى أنت تملك قلبك أنت والعائلة الكريمة..
تحيــــــــــــــــــــــ ــــــــاتى
ربنا يباركلك فيها
بنت اختي نفس الاسم برضه
مليكة : تصغير ملكة
و بيتنطق بضم الميم و تسكين اللام و فتح الكاف
جزاك الله كل خير ياباشااقتباس:
المشاركة الأصلية كتبت بواسطة hilal
متشكر ليك ياباشااقتباس:
المشاركة الأصلية كتبت بواسطة Imhotep
الله يبارك فيك يا أستاذ توفيق وربنا يسمع منكاقتباس:
المشاركة الأصلية كتبت بواسطة توفيق طة
و خلينا نشوفك ياأستاذنا الكبير :)
ربنا يخليك يامزاجنجى باشا :)اقتباس:
المشاركة الأصلية كتبت بواسطة MaZaGAngeE
بس انا عايز يتنطق بفتح الميم !!
___________________
بصوا بقه ياجماعة انتوا كده هتخلونى اغير الاسم :Oc_sun1[1]:
انا كده احترت اكتر
احنا كده معانا 3 اصوات مليكة ومنهم مزاجنجى باشا بضم الميم :Oc_sun1[1]:
و2 صوت ماليكا
وأستاذ توفيق بيقول ماليكة
بس انا كده عرفت هسميها ايه :01964E~163:
ساااااارة :36_3_10[1]:
كله عشان خاطرك ياسارة ههههههه
مبروك يا محمد انا كمان عندى مليكة :C_laugh[1]: صغيرة 6 شهور
ربنا يحفظهالك يا رب
ربنا يحفظها ويباركلك فيها ان شاء الله
الاسم عاوز كتالوج من اولها
غير الاسم اسهل :-)
اسم عجيب...
ههههههه
الف مبروك وهقترح اسامي معقدة بس اسهل...
وقار
وتين
هيا بفتح الهاء والياء
تالين
لامار
لانا
ريتال
ريتاج
هههههه
احترت ولا لسا؟؟؟
تحياتي
Sent from my Xperia Arc S using Forum Runner
الله يبارك فيك ياباشااقتباس:
المشاركة الأصلية كتبت بواسطة m_marwan
وربنا يخليلك مليكة :)
قولى بقه مجاش فى بالك ماليكا ولا سجلتها مليكة علاطول
وقولى رأيك بقه بما انك عندك مليكة :)
ماليكا ولا مليكة ؟
ربنا يخليكى يافندماقتباس:
المشاركة الأصلية كتبت بواسطة s a m a
طب ومين بس يدلنى على الكتالوج عشان اكتبها صح
على فكرة انا مسميها الاسم ده وهى كانت فى التالت او الرابع :)
الله يبارك فيك ياباشااقتباس:
المشاركة الأصلية كتبت بواسطة dr.hazem
انا معرفش فيهم غير ريتاج عشان ده اسم بنت اختى
وكده كتر الف خيرك ياباشا سعيكم مشكور :)))))
ربنا يخليها ويبارك لك فيها
ليه مافكرتش تختار ليها اسم من الاسماء بتاعتنا
ليه الاسماء الي محتاجه المعجم الوجيز في تفسيرها وكتابتها
وبتعمل مشاكل في الاوراق الرسميه
هاجر
رقيه
اسماء
شيماء
هند
فاطمه
خديجه
سلمي
ساره
الاسماء كتير
انما
جويريه
ريتاج
لجين
مليكه او ماليكه عايزه مترجم
تالين
لامار
لانا
ريتال
طائر السنونو
وبعدين الموضوع ده ضرب في مصر كلها مش عارف ليه
علي العموم ربنا يخليها لك ويبارك لك فيها
هههههههههههه ياباشا ربنا يخليكاقتباس:
المشاركة الأصلية كتبت بواسطة hugan
هو فعلا الموضوع ضارب عند الناس كلها بس هو من باب التغير برده :)
وعلى فكرة اسم Malika سهل جدا ومش تقيل هو بس المشكلة فى كتابته بالعربى
بس كده :)
هااا قولى بقه ماليكا ولا مليكة :)
والف شكر ليك ياباشا
ميرو باشا ... مليكة الى عندك دى بتاعتى .... ده أنا قارى فاتحة .... (اللمبى ستايل)اقتباس:
المشاركة الأصلية كتبت بواسطة m_marwan
اقتباس:
المشاركة الأصلية كتبت بواسطة hilal
الإسم يكتب : مليكة
على وزن (سميرة)أو ( خديجة)
أما (مليكة ) الإسم المسيحى فينطق على وزن ( فريحة) أو ( حميدة) (( المطرب على حميدة مثلا)
وتتربى فى عزك إن شاء الله
الاسم الانسب بالنسبة للاسم الانجليزى هو ماليكا او ماليكه - بلاش مليكة عشان ميبقاش فى مجال للكسرات و الفتحات فى الاسم
و ربنا يخليهالك و تتربى فى عزك ان شاء الله
لى راى مختلف مع ما سبق
- لو الاسم تصغير لاسم "ملكة" - هايكون اسمها "مليــكة" بضم الميم
-لو عاوز تسميها بنفس نطق الحروف الانجليزى - هايكون اسمها " مليكى" وهنا الياء بتنطق فى القران الف مخففه وعشان التريقة والحوارات والناس اللى مش هاتعرف تنطقها بامكانك التجاوز عن الياء بقلبها لالف ويكن اسمها "ماليكأ"
راى الشخصى لاى واحد فينا وانا اولكم ان اسم اولادنا لازم يكون اسم يرضى الله فعشان كده دايما بحب اسمى اسماء من هادانا الله بهم باسماء اختارها الله لاولياءه فى الارض زى اسماء الانبياء والصحابة واسماء امهات المؤمنين ومن ذكروا فى القران او اى لفظ قرانى ذكر فى القران بصيغة مؤنثه او يجوز تانيثه ولا يقترن بالشك....[/size][/size]
انا كان عندى نفس المشكلة انا عندى Jayda
كتبتها كدا چايدا مش جيدا ولا جيدة
حضرتك اكتبها كدا ماليكا مش مليكة ولا مليكا
لان الالف اللى بعد الميم دى هتمنع ان حد عبقرى ينطقها بالضم او الكسر و تبقى موليكة مثلا ههههههه :D
ربنا يخليك ياباشا وعقبالك ان شاء اللهاقتباس:
المشاركة الأصلية كتبت بواسطة mesaharaty
ربنا يخليك ياباشااقتباس:
المشاركة الأصلية كتبت بواسطة AlGazar2
انا معاك فى الرأى ده :w6266d
مظبوط الكلام ياباشااقتباس:
المشاركة الأصلية كتبت بواسطة laxeg
ورأيك طبعا يحترم
الف شكر ياباشا :)
ربنا يخليهالك ياباشااقتباس:
المشاركة الأصلية كتبت بواسطة Rsarabia
چايدا اقرب مثال فعلا وكلامك مظبوط
ولما تتكتب ماليكا هتجبر اى حد انه ينطقها مظبوط زى الانحليزى Malika
الف شكر ياباشا
هكتبها ماليكا ان شاء الله
والف شكر لكل الناس اللى ردت وربنا مايحرمنى منكم :)