أولا أهلا بيك ..
ثانيا :
بص السوبارو بجد عربية لما تجربها مش هتندم ابدا ... و الأفضل خليك فى موديل 2009 : فيه اوبشنز اكتر من 2008 و افضل .
ميزة السوبارو ان محدش بيشتغل فيها بره التوكيل كتير و بالتالى هتلاقى اكتر من 90% من المستعمل فيها صيانته بالتوكيل و ده معناه انك هتشترى عربية انشاء الله مفيهاش مشاكل ..
و طبعا هتقدر تعرف كل حاجة عن العربية قبل شرائها لما تفحصها بالتوكيل .
الأسعار اللى انت بتقولها حلوة جدا لو لقيتها .. لأنك هتركب عربية يابانى 100% و من افضل العربيات اليابانى و تنافس اللألمانى بصراحة.
مع احترامى لرأى اصحابك : مينفعش نهائى تقارن السوبارو بعربية صينى حتى لو زيرو .... مفيش وجه للمقارنة .. السوبارو هتقعد معاك سنييييييين و مش هتفتح بقها طول ما انت محافظ على صياناتها الدورية انما الصينى مع احترامى له حتى لو بتعمل الصيانة كلها 4 - 5 سنين و هتحتاج تغير العربية اصلا ...
رأى تشوف العربية و اتفرج عليها و اكشف عليها بالتوكيل و هو هيقولك ايه اللى اتعمل فيها و ايه اللى هتحتاجه من صيانات الفترة القادمة و على فكرة اسعار الصيانات مش مكلفة و لا تفرق عن اسعار باقى العربيات فى توكيلاتها بل بالعكس موفرة اكتر لأن قطع الغيار معمرة اكثر . و اسأل بالتوكيل عن الأسعار.
تحياتى
المفضلات