العربية عندى ساعات كتير بتكركر (بتسقف ) على الاول لما بكون طالع مزلقان من غير تكييف ... او بتحرك من السكون وانا مشغل التكييف .... هل كدة طبيعى ولا فى مشكلة ؟؟؟
عرض للطباعة
العربية عندى ساعات كتير بتكركر (بتسقف ) على الاول لما بكون طالع مزلقان من غير تكييف ... او بتحرك من السكون وانا مشغل التكييف .... هل كدة طبيعى ولا فى مشكلة ؟؟؟
العربيه ماشيه كام كيلو؟
7000 كيلو بس ... العربية مبتمشيش كتير اصلا
نوع البنزين ايه
عندي نفس المشكله اصل المتور تينيك شويه و بيفكر في بنزين 95 او 92 نضيف اصلي يعني و ال92 اللي في السوق مضروب تقدر تاخد حبه في ازازه و تروح بيه لتفتيش وزاره البترول على ما اسمع هتلاقيه اساسا موش مكمل 90 اوكتان
و على فكره تعريف مصطلح اوكتان هي مقاومه البنزين للاحتراق المبكر (صوت التسقيف اللي انت بتقول علي)
و علشان كلمه ( مصطح الاوكتان ) هو انا المفروض اقول عليه رقم الاوكتان
معليش اصل مواد الاحتراق و الات احتراق معلمه عليا شويه في قسم ميكانيكا القسم ده في هندسه الواحد بيقرف منه بحس ان اللي بيتخرجو بيخرج روحهم الاول
غير البنزينه اللى بتحط منها بنزين
والافضل تحط من وطنيه
والمشكله هتتحل
ده مشكله بنزيين
يا جماعة المشكلة لسة موجودة و جربت كذا بنزينة .... العربية بتسقف على الاول و بتكرر كتير العربية عاملة دلوقتى 10000 كيلو موديل 2011 و مبتمشيش كتير .... المشلكة ممكن تكون فى فلتر بنزين او رشاشات او بوجيهات ولا ايه ؟؟؟
ممكن حضرتك تبدأ بالسهل و تجرب تشوف فلتر الهواء تنضفة و تشوف .
مش يمكن عيب اسطوانة ولا ديسك ؟
طب اعرف ازاى اسطوانة وﻻ ديسك ؟؟؟ .... معقولة تجيبهم فى ال 10000 بس ؟؟ .... وﻻ فى احتمال انها تكون بوجيهات خصوصا انها بقالها 3سنين متغيرتش ؟
ممكن يكون عيب تصنيع
انا مغيرهم علي 3000 عيب تصنيع
وممكن يكون البوجيهات فعلا
انت شيك علي البوجيهات وفلتر الهوا و السيور و حط منظف انجيكشن نضيف وحرب لو لسه .. اعتقد يبقي اسطوانة وديسك
ازاي بقي ..... الناس بتقول اطلع علي الرابع لو بطلت تبقي سليمة
طمنا ياباشا عملت ايه ؟
جرب العربية فالمطالع وهتعرف عيب اسطوانة
ولا بنزين سئ
والله انا جربت حوار انى اجيب الرابع و اشد الهاند واطلع بالعربية وانا بزود بنزين كركرت و مبطلتش ... فى المطالع بتطلع بسهولة و سحبها كويس جدا ده اللى انا مستغربلة و مشكلة الكركرة دى مش ديما حتى فى ميكانيكى بص عليها قال مفيهاش الهوا و فين صوت الكركرة ده ... تقريبا بيظهر لما الاسطوانة بتسخن مش عارف ... وبعدين عرفت ان الطقم فى التوكيل بالتركيب يوصل ل 1800 جنية غالى جدا وحرام اغيروا على عربية عاملة 10000 كيلو ... انا قررت هامشي بيها لحد مايجيب اخرو ده لو فيه حاجة اصلا ... وكنت عايز اعرف لو الطقم بايظ هيضر العربية او الموتور فى حاجة ولا لا ؟؟؟