ملحوظة الى الاخ sky_rider ....الايمجراند اللى منزلها عم غبور مش هى اللى واخده 4نجوم
ملحوظة الى الاخ sky_rider ....الايمجراند اللى منزلها عم غبور مش هى اللى واخده 4نجوم
ازاى بقى ؟!!!اقتباس:
المشاركة الأصلية كتبت بواسطة sonytogy
الاخ sky rider للاسف على صفحتكم على الفيس موش بتحبوا حد ينتقد العربية و بتهاجموة زى ماحصل معى ومع الاستاذ ميدو و بيتكتب كلام غير منطقى على الاطلاق والذى يختلف معكم فى الراى ناقص انكم تخونوة وانا هااسيب دة للاعضاء يمكنهم قرائتة و الحكم علية لدرجة انى توقفت عن كتابة اى كومنت عندكم لتجنب الهجوم
بالنسبة للسيارة انا كنت من اشد المعجبين بها جدا جدا ومتابعها من قبل ماتنزل للسوق المصرى و لكن غبور بصراحة سوف يدمرها انا راى الناس تهدى الشراء شوية حت يحسن من السيارة و يتلافى العيوب
المشاكل الحالية دايما بلاحظ انكم بتقولوا عليها تافهة و بتتحل و بسيطة يعنى لما اروح مرة للكاسيت و مرة للتكييف و مرة لفبرة التانك فى عربية زيرو دة موش عكننة المفروض عربية زيرو يعنى الصيانة المعتادة فقط مالم يحدث عيب تصنيع فى قطعة معينة و يقوم التوكيل بسحبها
انا مشكلتى الشخصية سيارة اخى لما ذكرتها عندكم الناس بسطتها كلمعتاد حضرتك فاهم يعنى اية زيرو و ترش سقف
انا متفهم السعر و انها صينى بمعنى انة مكونات العربية قد تكون غير معمرة كعمر افتراضى مثل الكورى او اليابانى ولكن عربية زيرو و تعكنن على بمشاكل من عيب تجميع غبور لو شركة محترمة و ظهر عيب فى اى قطعة مثل التكييف يتم استدعاء كل العملاء الذى اشتكى و الذى لم يشتكى لاصلاح العيب
ارجع حضرتك لتاريخ مثلا الدايو من بداية تجميعها و قل لى هل ظهرت عيوب بها وقد كانت تجميع مصرى
ومن فضلكم بلاش كلمة تجميع مصرى لانة هذا لا يعطية الحق فى انها لا بد من ان تكون بها عيوب
طالما سوف ادفع شقى عمرى لسيارة لابد ان تكون بلا عيوب وهذا راى الشخصى
مفيش حاجة ينفع تتقال بعد الي انت قلتة يا باشااقتباس:
المشاركة الأصلية كتبت بواسطة dedi
موافق على ما قلتة تمامااقتباس:
المشاركة الأصلية كتبت بواسطة dedi
انا متفهم تماما احساس واحد دافع شقا عمرة في عربية عشان تستره هو واسرته زي حلاتي .. وخصوصا اني شاريها قسط مش كاش .. يعني هفضل ادفع لسه كتير .. و بيكون كله امل ان يكون اختياره صح .. و لما بيلاقي مشاكل في العربية الجديدة اللي هو لسا جايبها بيبدأ يقرف منها ويقفل من ناحيتها .. و زي ما ذكرت الناس اللي عندها مشاكل مختلفة في عربيتها تقريبا 10 % من حجم المبيعات اللي هو تقريبا وصل 4600 عربية حتى الان .. و ال 10 % دول انا مجبتهمش من عندي .. ده طبقا لاخر استفتاء تم على الجروب الخاص بالامجراند .. و طبعا مش كل الملاك اعضاء في الجروب .. و كل الناس في الجروب بتعبر عن رأيها و بتحكي مشاكلها بكل حرية .. و لما حد تاني من الاعضاء الملاك بيرد .. بيكون من واقع خبرته و تجربته مع العربية ايضا و له حق الرد زي اي حد .. واحنا كادارة للجروب بنسيب كل واحد يشارك بتجربته بكل حرية .. و التحفظ بيكون على بعض الشكاوى المبهمة والغير واضحة .. و اللي بيرد من الاعضاء ممكن مبيبقاش عنده نفس مشكلتك .. ف مش حاسس بمعانتك .. او نوع تاني من الناس بيكون شايفها مش ازمة كبيرة.. مشكلة بسيطة و هتتحل .. و بيقول منا برضو مش شاري بي ام مصنوعة في المانيا ... و بيتوقع بعض من هذه المشاكل و مستعد نفسيا ليها .. يعني الموضوع بيفرق من شخص لشخص على حسب تركيبته النفسية و تجربته مع العربية .. وبجد كل العربيتات الجديدة وارد ان يكون فيها بعض الوحدات او المكونات فيها بعض المشاكل ... بكل انواعها و فئتها السعرية .. بس فالامجراند الموضوع فعلا زايد شوية .. و ده بسبب انها سنه اولى تجميع للعربية .. اعتقد السنة الجاية عدد العربيات اللي فيها مشاكل هتكون اقل بكتير .. واللي بعدها هتكون لا تكاد تذكر .. ده املي طبعا في الوكيل غبور .. و لو عملو غير كدة هيخسرو ثقة عملائهم و سمعة العربية هتسوء .. و المبيعات هتقل ..
بس لو بصينا لل 90 % من الملاك اللي معنهدهمش مشاكل و مرتاحين مع العربية و مبسوطين بيها .. هتقدر تكون صورة متوازنة عن العربية ككل ...
و بالتسبة لموضوع ان العربية اللي واخدة ال 4 نجوم في اختبارات السلامة الاوروبية مش هي اللي عندنا في مصر .. الكلام ده غير صحيح بالمرة.. لان الفرق الوحيد هو في عدد وسادات الهواء و ال ESC اللي بيتحط تحت بند Driving assist ... ودول على بعض تأثيرهم 4 نقاط فقط من مجمل 100 نقطة في التقييم ,, لان في اساسيات وهي صلابة الكابينه و منطقة الانبعاج لامتصاص الصدمات الامامية و صلابة القوائم في حالة الانقلاب و طبعا الواسادتين الاساسيتين الاماميتين .. و فرامل منع الانزلاق .. و صلابة الكابينه متوقفة في الاساس على هندسة هيكل العربية ككل .. و معتقدش ان غبور عنده الصلاحية انه يغير في تصميم او هندسه عربية .. لان هو بيجمع و يدهن فقط ... والمكون المحلي في العربية في حاجات ملهاش اي علاقة بعوامل الامان ...
واخيرا ارجو من غبور تحسين مستوى خدمة ما بعد البيع لارضاء كافة العملاء .. والحرص على تدريب مهندسيه و فنيه على خدمة الامجراند في جميع مراكز الخدمة الخاصة بهيونداي على مستوى مصر عشان زحمة ابو رواش تخف و طبعا تفعيل نظام جودة اكثر صرامة عشان كل العربيات اللي تطلع من على خط الانتاج تكون سليمة بنسبة 100%
تحياتي للجميع ..
الاستاذ ميدو
حضرتك كام سنه؟
الاستاذ احمد
حضرتك ذكرت انكم بتسيبوا الناس تقول رايها دة موش صحيح واى عضو محترم يرجع لصفحتكم وسوف يحكم
وقولك 10 % هم الذين عندهم شكوى دة كلام غير دقيق بمعنى انة ممكن يكون 2000 شخص غير مشتركين فى الصفحة لديهم مشاكل و بكدة ممكن النسبة تكون 50 %
حضرتك عارف اية المشكلة هى محاولة تبسيط المشاكل دة موظفين المبيعات موش بيدافعوا على العيوب التى بها مثلكم شئ فعلا يدعوا للتعجب
يعنى مفروض بما انها سنة اولى تجميع يعنى kg1 معلش نستحمل العيوب بها دة طبعا كلام غير منطقى
وبعدين ياراجل انت بتقارن بينها و بين bmw ياراجل دة ظلم كبير انا باقارن بين عيوبها والكورى مثلا حتى لا نظلمها
طيب انا راضى بحكم الناس هل احد سمع عن المشاكل للسيارة او عيوب فى اى مكان اخر بتباع فية السيارة فى الدول الاخرى طيب اشمعنى هنا فى مصر
سيبك من موضوع نفسيا و انها مشاكل بسيطة لانة زى ماقلت من قبل سيارة زيرو مفروض بلا مشاكل او حرق دم نعم انه صينى اتوقع مكوناتها موش معمرة بعمر BMW اسف قصدى الكورى ودة شئ متوقع وكعميل اقبلة و لكن لا اقبل عيوب تجميع مكررة عند اغلب الناس
على فكرة اعتراضى على العيوب لسببين لانى باتخيل نفسى مكان اى واحد مشترى سيارة زيرو علشان يريح نفسة و يفاجا بالمشاكل وحرق الدم وطبعا مشكلة دوكو سقف عربية اخى لم تتطرق اليها هنا ولا فى الصفحة اية حلها ولو انت مكانة ماذا ستفعل هل ستقول مشكلة بسيطة و عادى اصلة صينى واول سنة تجميع ياريت تفيدنى برايك
ثانيا انا و غيرى كثيرين فى المنتدى بنفكر فى شراء السيارة بس لما غبور يفاجا بتراجع المبيعات سوف يحسن من المنتج ويعالج الخلل لدية
تحياتى
حضرتك الجروب مش مقياس لكل مالكي السيارة رغم اني كل ما بدخل بلاقي شكاوي بنسبة 70% من البوستاتاقتباس:
المشاركة الأصلية كتبت بواسطة sky_rider
انا يا باشا عندي 21 سنةاقتباس:
المشاركة الأصلية كتبت بواسطة mikrotik