استاذ ميدو . طبعا انتا لازم تبقي عارف ان فيه فرق مابين الجي امين دول :
البايونير صوته حلو جدا مع السماعات وبيزه قليل شويه ناعم. وال 820 ده 2 قناه بس وده هايعوز سلك ار سي واحد بس من خرج الار سي بتلع الكاسيت . بس النسخ اللي بتنزل مصر جودتها ضعيقه جدا وبتضرب بسرعه , ولو عرفت تجيبه من بره يبقي تمام
الكينوود ال 720 ده صوته كويس . تريبلاته اقل من البايونير , بيزه احسن من البايونير معمر اكتر من البايونير وجوده تصنيعه كويسه
بس ده 4 قناه مش اتينين وعشان تخرج الخرج اللي انتا عايزه ده هتاخد من كل قناتين بريدج وتطلعه للسماعات وطبعا ده كده هايعوز 2 مخرج ار سي واتنين كابل ار سي
وطبعا عدد مخارج الار سي اللي في الكاسيت هتفرق معاك في الاختيار
وموضوع انك تتحكم في مقدار ال ار ام اس اللي خارج من الجي ام ده مبيحصلش . البكره بتاع الجيين اللي في الجي ام ما بتدلش علي مقدار الار ام اس اللي خارج منه , بمعني انك ممكن تبقي موطي الجين بس في اغنيه معينه فيها بييز عالي فالجي ام بيوصل لخرج rms اعلي من اللي تستحمله السماعات فالموضوع ده مش مقياس ومتحطوش في دماغك
اهم حاجه ان اللي هايركب هايظبطلك العده بحيس انك لما تعلي مفيش حاجه تخروش او تهيس
المفضلات