السلام عليكم
كنت عايز مالكى العربيتين و الاعضاء يساعدونى فى مقارنه بين تويوتا 2014 تانى فئه ( 185 ) والرينو فلوانسfacelift E3 2014
بس ياريت تكون مقارنه بالارقام ومعلومات فعليه مش أراءشخصيه
عرض للطباعة
السلام عليكم
كنت عايز مالكى العربيتين و الاعضاء يساعدونى فى مقارنه بين تويوتا 2014 تانى فئه ( 185 ) والرينو فلوانسfacelift E3 2014
بس ياريت تكون مقارنه بالارقام ومعلومات فعليه مش أراءشخصيه
في رايي التويوتا السنة دي منزلة العربية روعة وشكل جديد و اوبشن خطير غير الفوانس الي حصل فيها فيس ليفت بس عشان كدة بميل للكورولا
محتار نفس الحيرة
بالاضافة لفرق مهم انى سمعت الناس بتقول ان الكورولا ارتفاعها عن الارض 12.5 سم
هل هتبقى مشكلة خطيرة فى المطبات مع التحميل بدرجة تخلينى استبعد العربية ؟
بيتهيألى الفلونس اعلى
لو كانت المقارنة مع الكورولا الشكل اللي فات كنت هقولك فلوانس باكتساح!
انما بصراحة تويوتا السنة دي عاملة طفرة في تجهيزات الكورولا!
بس في النهاية برضه أنا شايف الفلوانس ما زالت أعلى منها... والله أعلم!!
لو بتسافر كتير : الفلونس مريحة جدا فى السفر و ثابته و بتجرى جامد فوق 100
لو جوه البلد : يبقى تويوتا بدون تفكير ﻻنها اقتصادية فى البنزين و اسهل فى الركنه من الفلونس ...الفلونس ابعادها كبيرة عايزة مكان مستريح فى الركنة
12.5 دي اقرب نقطه للأرض و هي عند علبه الشكمان انما بطن العربيه اعلي من كده يعني هتلاقيها ١٥.٥ سم او رقم قريب من كده و معني ده ان مع المطبات و خاصه و العربيه محمله وارد جدا تلاقي المطب بيحك في علبه الشكمان و لو مطب كبير عشوائي ممكن يحك في بطن العربيه . بالنسبه للقرب من الارض ده اعتقد ان تويوتا بتحاول تزود ثبات العربيه به و بالنسبه للاختيار بين العربيتين طبعا يستحسن العربيه تبقي عاليه عن الارض علشان المطبات انما ممكن تستغني عنه لو مكنش في ناس كتير بتركب مع حضرتك العربيه بصفه دائمة و كمان ممكن تقليل آثاره عن طريق القياده يعني تهدي قوي قبل المطبات و تاخد المطب علي عجلتين انما لو اغلبيه مشاويرك بتبقي العربيه محمله هتلاقي الموضوع ده بقي بيزهقك من العربيه .
انا اتفرجت على التويوتا النهاردة وبصراحة عجبتنى بالرغم من انى شوفتها فى الشارع وحسيتها ضعيفة جدا وبعد ما شوفتها فيه بعض الحاجات معجبتنيش زى الكراسى مش مريحة و الشنطة لازم تقفلها جامد وصوتها وهى بتقفل مش عارف اوصفهولك بس لازم تجربها بنفسك غير كده انا شايف العربية كويسة خامات الطابلوه مش زى ما كنت فاكر جيدة والاوبشن حلو بكل المقايس هى افضل من الجيل السابق
فى النهاية رأى الشخصى رينو فلوانس بالسعر ده اركب اوربى افضل من وجهة نظرى من اليابانى
معلش طولت عليك و بالتوفيق ان شاء الله
هما الاتنين موتور cvt ؟
التويوتا مش عارف نسيت أسال على الموضوع ده
فعلا الرينو ناقل الحركة cvt وموتورها نيسان
انا كنت حاجز فلونس فى التوكيل و كنسلت العربيه معجبتنيش خصوصا انى كنت حاجز e2 اول فئه اتوماتيك اكيد طبعا الفئه اللى بعدها احسن بكتير و لكن بصراحه و بالأمانه التويوتا افضل منها بمراحل على الأقل سعر اعاده البيع و الأنتشار لأن الفلوانس الجديده منتشرتش و مش هتنتشر و بالتالى قطع غيارها هتكون مش متوفره و اعاده البيع هيقع جامد نظرا لأن سعرها عالى جدا على عربيه رينو اما تويوتا فهى مرسيدس اليابانى و مهما سعرها يغلى ليها زبونها
ومين قال ان الفلوانس اعاده بيعها وحش انهاردة موديل 2011 بيتباع ب 120 الف والناس كانت شاريه ب 135 الف وكمان الفلوانس الجديدة بالموتور اليابانى حيبقى اعاده بيعها اعلى من كدة عشان كدة جمعت بين الموتور اليابنى والرفاهيه والامان الاوروبى دا غير الاوبشن الى مش موجود فى عربيات يابانى كتير
الفلوانس ٢٠١٤ : تصميم افضل خصوصا الداخل ارقى و اوسع + اوبشنات اعلى كثيرا و فارق الاسعار لصالحها خصوصا الفئه e3 الى ب ١٦٩ ...
الكورولا ٢٠١٤ : موتور اقوى شويه + سعر اعاده بيع افضل نسبيا ... لكن اول فئه اوتو ب ١٧٥ و تعتبر فاضيه ... و يعيبها ارتفاعها التى لا تناسب شوارعنا ...
من حيث الانتشار و المبيعات لسه الاتنين مبعوش و موجودين تسليم فورى بدون اى اوفر برايس لان سوق الزيرو به حاله ركود شديد ...
تحياتى ...
+++١١١
سعر اعاده البيع الكورولا بحكم تاريخها و سمعتها الجيده حيكون فيها بالكتير ١٠ الاف جم زياده عن الفلوانس ... مش الفرق الى يزعل يعنى ...
ميزه الفلوانس غير انها عربيه اكتر من محترمه بشهاته الجميع ان بها اوبشنات كتيره مغريه جدا و اسعارها منافسه جدا ..
تحياتى ...
افضل الكورولا اليابانى اقتصادية اكتر جوا البلد
من تجربة اصدقائى
والفلوانس عجبانى الصراحة بس مقدرش ابتلك فيها بشئ
استخير ربك وخش على مواضيع فى تويوتا والرينو حتلاقى اجابتك بدون اى تحيز ولا زيادة ولا ناقص
تقبلوا تحياتى
بس هل الـvsa اللى في الكورولا ميخليش ثباتها افضل من الفلوانس خصوصا انها مافيهاش !
انا مش حقدر اتكلم عن التويوتا علشان مركبنهاش لكن انا حقولك حاجه عن الفلوانس ... العربيه دي ناقص تقولي وانا بقرب منها اهلا بيك يا حبيبي اتاخرت عليا ليه ... ووانا سايبها تقولي متتاخرش عليا حتوحشني العربيه دي حلال فيها كل جنيه ادفع .
عموما علشان مابقاش متحيز للرينو ادخل اتفرج علي الموضوع الذذذذذذذيذ ده وحيساعدك في الاختيار .. وفي الاخر ربنا يوفقك للصلح بالنسبه لك ومتنساش تصلي استخاره .
http://www.nilemotors.net/Nile/359204-a.html (من رينو لتويوتا...دمعتك علي خدك اكيدة)
راي لو بتمشي جوا البلد كتير خليلك فالكورولا
لو بتسافر وطرق وكده خليك فالرينو افضل