سعر المساعد الامامي ١١٠٠
تيل الفرامل الامامي ٧٦٠
الطنابير الاماميه ١٨٢٠
الفانوس الامامي ٢١٠٠
الخلفي ٢٢٠٠+٧٥٠
ايه رأيكم في الاسعار ؟؟
عرض للطباعة
سعر المساعد الامامي ١١٠٠
تيل الفرامل الامامي ٧٦٠
الطنابير الاماميه ١٨٢٠
الفانوس الامامي ٢١٠٠
الخلفي ٢٢٠٠+٧٥٠
ايه رأيكم في الاسعار ؟؟
غاليه
البعض هايرد ويقول ان في اسعار لماركات تانيه اغلي من كده
كلهم حراميه
يعني بيكسبو في العربيات اضعاف اضعاف النسبه المقرره للربح عالميا
وبعد كده يكسبو اضعاف الاضعاف الاضعاف
من قطع الغيار
البلد دي ولا فيها رقيب ولا ضمير عند اي حد
نااااااااار
الكروز احسن بقا على كدا
سعر الاكصدام الخلفى 1450 جنيه + 10% ضريبة
والفانوس الامامى ال led معدى ال 6000 الاف جنيه تقريبا
انا نفسى افهم ايه ميزة الكوري بعد كل ده ؟!
طيب هى فوانيس السيرتو مش بتتباع برا التوكيل خالص
و باقى قطع الغيار
لانها لو بتتباع برا التوكيل كان سعرها نزل فى التوكيل نفسه
بعد مرور سنه على العربيه وانتشارها بتلاقى كل حاجتها بره وباسعار أقل من دى بكتير
والقطع الميكانيكيه والعفشه هى هى الالنترا فمفيش مشكله
و الله انا محتار ما بينها و بين الكروز و مش عارف بصراحة
ده تيل الشارك ايلى واخده سمعه زى النيله فى غلو قطع الغيار ب 550 جنيه ويابانى وحاجه محترمه
أمال الناس شغالة شتيمة في الشارك ليه بسبب قطع غيارها ومخليين سمعتها زي الزفت مع انها عربية ياباني بالكامل وبرقبة أي كوري -مع احترامي؟؟؟
طب ما هو المساعد الأمامي للشارك بـ1100 برضه... والفانوس بـ2500 وتيل الفرامل بـ550...
والله العظيم كلهم شوية حرامية!!
بس فعلا... لما اسعار قطع غيار الكوري وصلت لغلو قطع غيار الشارك يبقى ايه اللي يخليني ادفع 200000 جنيه في كوري؟؟؟ والله احنا شعب زي الفل!!
الناس اللى بتقولك كورى وشارك وبتاع
معلش يعنى السيراتو احسن فى الموتور والفتيس والتجهيزات والتوكيل واعادة البيع ووسع داخلى وحجم شنطة وتقفيل كمان وخامات لو بتتكلم على الهاى لاين والشكل طبعا فى رأى
طبعا ممكن الناس متوافقش على الكلام دا بس هو دا الواقع يعنى بعيدا عن كورى ويابانى والكلام دا
وعلى فكرة الاسعار قريبة اوى للسيراتو القديمة مش اختراع يعنى
قصه ياباني وكوي
خلاص انتهت
كله بقي زي بعضه
ازاي بس يا جميل الفكره انتهت
حضرتك انا مجرب الفرق بين الكوري -- الياباني -- واخيرا الألماني
فرق السما من الأرض
مافيش وجه مقارنه لما اركب كوري وبعدها اركب ياباني او الماني
ثبات وامان وراحة افضل بمراحل .. وانا كان معايا كوري قبل ما اغير
وبعدين انا لما شوفت اسعار قطع غيار السيراتو الجديده استغربت جدا من الفانوس والمساعد والطنابير والتيل
دا الألماني سعر التيل والطنابير اقل من الكوري طبقاً للأسعار المذكورة في الموضوع .. يبقي دا اسيهبال
والفانوس قريب من نفس السعر
تحياتي
-يا جدعان كل واحد و مزاجه الناس هنا عماله تمدح في الشارك و ياباني و بتاع و محدش بيشوفها في الشارع
-السيراتو يقولك كوري و الش و مغرقة الشارع
-كل واحد حر بفلوسه ....الناس يعني مش بتلاقي القلوس في الشارع عشان يسيبوا الياباني العظيم و يركبوا كوري الفشير
-الصراحة قطع غيار كتيير شويتين و عامة الاسعار كلها سرقة
لا يا باشا حضرنك اللى بتقارن مش انا
انت اللى جاى تقارن اسعار قطع غيار عربية من 2007 بعربية 2013 وبـ 200 الف جنيه
وبعدين البى ام مالها بالموضوع دا فرق اكتر من 200 الف جنيه فى السعر
ويا سيدى التيل بدون تركيب ولا مصنعية ولا حساسات بيعدى الـ 1400 جنيه والطنابير فوق الـ 2000 وشوية
ودول الامامى .. الخلفى اغلى كمان
[QUOTE=yasserelsayad;3875170599]لا يا باشا حضرنك اللى بتقارن مش انا
انت اللى جاى تقارن اسعار قطع غيار عربية من 2007 بعربية 2013 وبـ 200 الف جنيه
ايه علاقة سعر قطع الغيار بسعر العربيه ؟
الباسات والفانتازيا اغلى من السيراتو ومع ذلك تيل الفرامل هناك أرخص !
انا لا بدافع عن الشارك ولا كورى ويابانى والهرى ده بس طبيعى قطع الغيار اليابانى بتكون اغلى وانضف عشان العماله فى اليابان غاليه عشان كده الواحد مستغرب ان تيل السيراتو بالرقم ده
[QUOTE=M_Marwan;3875170663] الكلام دا كان زمان موضوع اغلى وانضف دا
وبعدين سعر العربية طبعا ليه عامل فى اسعار قطع الغيار
وعلى فكرة مثلا مقاس ديسكات السيراتو اكبر من الشارك اللى معاك
والسيراتو مش اغلى من الباسات والاوكتافيا 2013 .. مين اللى قالك الكلام دا
الموديلات القديمة من الباسات والاوكتافيا كانت اغلى من السيراتو القديمة باردوا
وتيل الفانتازيا فى نوع فى التوكيل زى الزفت وبقعد يصفر بس دا مش موضوعنا
ولو جيت على معدل التغير .. انا تقريبا بغير تيل السيراتو كل 30 لـ 35 الف كيلو
لكن البى ام بالعافية بتكمل 30 الف وساعات لا
مع ان سواقتى للسيراتو بتكون اعنف بكتير من البى ام
لا حول و لا قوة إلا بالله يأخذون من جيوبنا أولوفات مؤلفة و بعد ذلك يأخذون أضعاف مضاعفة في مقابل قطع الغيار ... لا هنأهم الله و لا بارك لهم ... حسبي الله و نعم الوكيل ...
بدون مانخش فى مقارنات بين الكورى واليابانى والكلام دة
كل واحد عارف هوة بيحط فلوسة فين
انا واحد من الناس راكب سيراتو وبصراحة كانت بالنسبالى صفقة ناجحة لأن كل الأوبشنز بسعر مناسب اعتقد دية صفقة ناجة + سعر اعادة بيع
بصراحة انا مش داخل غير علشان اوضح حاجة واحدة بس ان الأسعار بوجة عام فى مصر استهبال رسمى فمش غريبة تكون أسعار قطع الغيار غالية
اقسم باللة بتمن عربيتى لما اشتريتها زيرو يركبونى فى بلد تانى kia optima حاجة تانية غير السيراتو
إصحي دا سعر الفانوس العادي إنما فانوس الليدات بـ6170 جنيه
على فكرة يا شباب دلوقتي الكوري في تقدم فظيع وعلى قمة النجاح الجودة اتعدلت والتجهيزات زي الفل بس هي نقطة وسائل الامان اللي عايزة تذيد شوية عشان النيو سيراتو بـ2 ايرباج فقط والامبريزا مش فاكر بـ6 ولا بـ8
الرينو ميجان عندي ارخص في اغلب الحاجات دياقتباس:
المشاركة الأصلية كتبت بواسطة ramylanos
ﻭ اظن الفلوينس ﻛﻤﺎﻥ
طيب بعيدا عن قطع الغيار انا عايز تفسير منطقى يقوللى ليه عربية كوري في الفئة المتوسطة اللى هى السيراتو سعرها الفاضية مانيوال ! بـ 150 الف جنيه ! ولا حتى 140 الف ليه ! حتى لو الدولار بقى بـ 10 جنيه ماهو مش مبرر برضه
ايه المميزات الخزعبلية اللى فيها ، وانا هنا بتكلم عن المانيوال الفاضية ، يعنى حتى مفيش مجال يضحكوا عليك بالفوانيس الليدات وزرار ستارت ستوب و الحساسات و البلوتوث و الهجايص دى
150 ولا 140 الف في عربية كوري مانيوال فاضية فئة متوسطة ، يالهوى الطم :d
ده مفيهاش ايه بي اس حتى ، ولا فيها مرايات ضم :d يدوبك الايموبلايزر ، ومن النوع اللى بيتضرب بالكي جينيوريتور كمان :d
يعنى لا جنوط سبور (بتنزل بجنوط حديد 15)
ولا وسائل امان ( ولا حتى ايرباج واحدة ولا اي نظام للفرامل)
ولا رفاهية ( لا مرايات ضم ولا طارة مالتى ولا اوتو داون في فتح الازاز ، ولابلوتوث ولا حساسات ولا كاميرا و لا مثبت سرعة ولا طارة جلد ولا فرش جلد )
كل الموضوع فتيس 6 سررعات مانيوال وموتور بيقولوا (كالعادة زي ما اتعودنا انهم يقولوا ) 130 حصان ..
مش هتكلم عن الثبات والهاندلينج لان هى اولا كوري ، ثانيا انا مجربتهاش ، ودى حاجة لازم الواحد يجربها بنفسه عشان يحكم عليها ..
هل توكيل كيا هنا بيستعبط الزبون و بيبيع له مجرد شكل ؟
بيبيع ايه يعنى ، الماركة العريقة المحترمة اللى اسمها لوحده يندفع فيه فلوس ! يا جدعان ده كيا دى كانت لسة اول امبارح العصفورة والسيفيا ، بلاش افورة بقى
كل واحد حر في فلوسه طبعا وياريت كل ملاك السيراتو القديمة والجديدة ما يزعلوش من وجهة نظري
بس انا ما زلت شايف ان دفع 140 الف في عربية فاضية كوري مانيوال لمجرد انها هتنتشر وهتمسك سعر و شكلها حلو ، ماهو الا السفه بعينه ، حتى اسطورة رخص قطع الغيار اتحطمت ( ويقولك انت عايز عربية بـ 150 الف يبقى قطع غيارها ازاى يعنى )
فكرنى بالنكتة بتاعت اللى مش عارف يبيع عربيته ، وصاحبه قال له حط عليها علامة مرسيدس وهى تتباع ، قام مصدق نفسه وبعد اسبوع قال له هو انا عبيط حد يبيع مرسيدس :d
ماهى اصلا غليت عشان عليها طلب عشان قطع غيارها المفروض انها كانت رخيصة ، ازاى السبب والمسبب بيسببوا الحاجة وعكسها دلوقتى :d
ما علينا
الخلاصة واللى انا عايز اقوله انها وهى فاضية ( كل كمالياتها سنتر وفوجات ومرايات كهربا و اماكن تخزين ومسند وولاعة ! ) غالية وضحك ع الدقون بالسعر ده ، ووهى كاملة او فولى لودد زي ما بقوا يسموها ، ضحك ع الدقون اكتر لانه بيدفعك 50 الف في كماليات ! وكأنهم 5 الاف جنيه مش 50 الف !
ارجو ان تتقبلوا وجهة نظري بصدر رحب .. واسف للاطالة
وبالنسبة لملاكها ربنا يباركلهم فيها ، اللى جابها واللى حجزها واللى لسة بيفكر فيها ..