هل نهاية العالم هتكون في 21-12-2012 و لا دة اشاعة...........؟؟

و انا بقلب في النت كدا لقيت صفح كتير بتقول ان الحسابات الفلكية بتقول ان الدورة الشمسية ستنتهي في 2012 و سينجم عنها اختلاف في كهرومغناطيسية الشمس مما يؤدي الي زلازل و براكين و اضطراب في النظام الكوني و فناء من على الارض

و الغريب ان ده يوم الجمعة فهل دة ممكن يكون يوم القيامة ؟؟ العلم عند الله و لا يعلم الغيب الا الله
و ايضا يقال ان في كوكب اسمة نيبوليو تقريبا بيقولوا هيقترب من الارض و جاذبيتة اكبر باضعاف من الارض و هيؤدي الى قلب الشمال ومكان الجنوب و بالتالي ستطلع الشمس من مغربها و هذة من علامات الساعة و ايضا سنة 2012
و الغريب ان كل المعتقدات و الاديان و الحسابات الفلكية كلهم اجمعوا على هذة السنة بالذات
و قبائل المايا اللي عاملين حسابات فلكية رهيبة و دايما كلها بتكون صح

و الغريب ان المواقع الاجنبية كاتبة كتير اوي لو عملت بحث باسم 2012 end of the world هيطلعلك تحليلات كتير و صفحات كتير
و هسيبكم مع الروابط

http://www.3asfh.net/vb/showthread.php?p=615829


و دة موقع عامل عد تنازلي و معمول بكل لغات العالم ؟؟؟؟
http://www.211212.info/ar211212.htm

http://m3mary.com/vb/showthread.php?t=32083&page=1

ودة صفحة عاملة تحليل رهيب بس بالانجليزي

http://www.greatdreams.com/2012.htm

http://www.najran999.com/vb/showthread.php?t=19873

http://www.g-za3em.com/vb/showthread.php?p=4596

و النت مليان صفحات كتير عن الحكاية دة
بس اللي بقولة ان الحاجات دة قايمة على حسابات فلكية و علمية و العلماء بيحاولوا يجتهدوا
و ممكن تكون اشاعة بغرض المكسب المادي زي ما قالوا في سنة 2000 هينتهي العالم و التأليف اللي أعدوا يعملوه و لا حصل حاجة

و لكن في الاول و الاخر انة لا يعلم الغيب الا الله

اقتباس:

---

و الغريب ان كل المعتقدات و الاديان و الحسابات الفلكية كلهم اجمعوا على هذة السنة بالذات

---

اليوم ده عند ربنا وحده!!!!
حسابات علمية و اجتهدات علماء لا يمكن أبدا ان تصل الي إرادة الله

الموضوع ده ملهوش لازمة بتاتا....+ ان يوم نهاية العالم امر لا يجب أن يشغلنا

دا اى كلام محدش يعرف يوم القيامه امتى

طبعا اى كلام

محدش يعرف حيموت امتى

السلام عليكم ورحمة الله وبركاته،،،

أنا فاكر في سنة 1992 كان في واحد بيقول إن نهاية العالم هاتكون يوم 28 أكتوبر سنة 1992 والراجل ده كان مقنع جداً وكان ليه أتباع بالآلاف لدرجة إن في ناس باعوا بيوتهم وكل ممتلكاتهم من كتر ما كانوا مصدقين إن العالم هاينتهي فعلاً.

بطيخ محشى فسيخ

اقتباس:

---

المشاركة الأصلية كتبت بواسطة ams

بطيخ محشى فسيخ

---

ههههههههههههههه عجبني الرد دا اوي تعبير جامد .......... لا يعلم الغيب الا الله سبحانه و تعالي

اعتقد ان الكلام دة حرام الواحد يتكلم فية نهاية العالم دى حاجة بتاعت ربنا
ويارب يحسن ختامنا ياذن الله

يا باشا نهاية ايه بس .. الناس دى بتبقى فاضيه وكل شوية يطلعولنا بالموضوع ده ... برضه فى سنة 2000 حصل كلام وحوارات

والله اعلم بكل شىء

اعمل لدنياك كأنك تعيش أبدا , و اعمل لآخرتك كأنك تموت غدا

فى عام 1984 كان عمرى 12 سنة

وكان العالم كله يتحدث عن قصة ذلك الطفل الذى اول ما نزل من بطن امه نطق قائلا: يوم الأربعاء 4-4-1984 هتشوفوا المعجزات ، ثم مات

وبدأ الناس كلهم يقولون بحدوث القيامة فى ذلك اليوم واصاب الذعرالكثيرين

وجاء اليوم ومر دون ادنى مشكلة من اى نوع، وطبعا فان القصة كانت ملفقة من اساسها اخترعها احد العابثين

ثم كان ما كان فى عام 1999 عندما استحضر الغربيون نبوءة نوستر اداموس ،اعظم عراف فى التاريخ البشرى، عن نهاية العالم فى نهاية عام 1999 ، وربطها الكثيرون بكارثة الصفرين المرتبطة ببرامج الكومبيوتر التى كان من المتوقع حدوثها فى اللحظة الفاصلة بين عام 1999 و عام 2000 ، ومر اليوم الأول من عام 2000 باحتفالاته وبهجته دون اى مشاكل

القصة دى بتظهر للوجود كلما هل علينا يوم ذو تاريخ مميز، نجد من يطفو على السطح ليخبرنا ان القيامة ستقوم فى ذلك اليوم، وفى النهاية :كذب المنجمون ولو صدقوا

(( إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الأَرْحَامِ وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ ))[لقمان:34] صدق الله العظيم

مش مهم يوم كام ولا شهر كام ولا سنة كام.....


المهم الساعة كام
:p

طبعا كلام فاضي و اللي يصدقه يبقا غلطان

ربنا و بس هو اللي عارف ميعاد القيامة اللي مش بعيد أبدا تكون أنهاردة....(العلم عند الله وحده)

اقتباس:

---

المشاركة الأصلية كتبت بواسطة NaderNabil

+ ان يوم نهاية العالم امر لا يجب أن يشغلنا

---

مش معاك فى رأيك ده يا نادر انك تقول كده سواء نهاية العالم او يوم وفاتنا فى اى لحظة
اومال احنا حياتنا كلها اللى عايشنها دى من صلاه وصوم وعمل وزكاه وعمره وحج وصدقات علشان ايه ده كله ؟؟
والعلم عند الله كل فتره يطلعو يقولوا القيامة فى سنة مش عارف كام

اقتباس:

---

اقتباس:
أرسل أصلا بواسطة NaderNabil http://www.nilemotors.net/Nile/image...s/viewpost.gif
+ ان يوم نهاية العالم امر لا يجب أن يشغلنا

مش معاك فى رأيك ده يا نادر انك تقول كده سواء نهاية العالم او يوم وفاتنا فى اى لحظة
اومال احنا حياتنا كلها اللى عايشنها دى من صلاه وصوم وعمل وزكاه وعمره وحج وصدقات علشان ايه ده كله ؟؟
والعلم عند الله كل فتره يطلعو يقولوا القيامة فى سنة مش عارف كام

---

انت مافهمتنيش...
انا قصدت انه لا يجب ان يشغلنا عشان المفروض ننشغل أكتر بصلاتنا و علاقتنا مع الله ايا كان اليوم ده امتي....لأن ايه فايدة اني اعرف اليوم ده؟ منا لو عرفته هافضل اأجل التوبة لحد قبلها بيوم....أو أصطنع الصوم و الصلاه و أعمل كل اللي ممكن بدون ما يكون طالع من قلبي عشان ألحق نفسي..

لما قلت يوم نهاية العالم قصدت بيها التوقيت مش الحدث نفسه

من العلامات الكبرى لقيام الساعة خروج الاعور الدجال و نزول سيدنا عيسى و قيام حرب هرمجدون و خروج يأجوج و مأجوج..
من الصعب حدوث كل ذلك في 4 سنوات//والله اعلم

قال رسول الله صلى الله عليه وسلم :
"إذا مات ابن آدم فقد قامت قيامته "
يعني كل شخص له موعد هيموت فيه ، ولما يموت مش هيحضر القيامة .
واللي هيحضر القيامة هيكون من شرار الناس وبرضه هيموت ..
إيه الاختلاف والاهتمام بكل هذه الأمور ..
الخلاصة إنك هتموت ودي حقيقة مؤكدة .. اعمل لحالك ومآلك وبس ..

اقتباس:

---

المشاركة الأصلية كتبت بواسطة sab3aawy

فى عام 1984 كان عمرى 12 سنة

وكان العالم كله يتحدث عن قصة ذلك الطفل الذى اول ما نزل من بطن امه نطق قائلا: يوم الأربعاء 4-4-1984 هتشوفوا المعجزات ، ثم مات

وبدأ الناس كلهم يقولون بحدوث القيامة فى ذلك اليوم واصاب الذعرالكثيرين

وجاء اليوم ومر دون ادنى مشكلة من اى نوع، وطبعا فان القصة كانت ملفقة من اساسها اخترعها احد العابثين

---

في هذا التاريخ ولد في عائلتنا مولود

اقتباس:

---

المشاركة الأصلية كتبت بواسطة Tyler_Durden

من العلامات الكبرى لقيام الساعة خروج الاعور الدجال و نزول سيدنا عيسى و قيام حرب هرمجدون و خروج يأجوج و مأجوج..
من الصعب حدوث كل ذلك في 4 سنوات//والله اعلم

---

اللى انا اعرفة ان علامات الساعة الكبرى حتيجى ورا بعض فى تتابع سريع والله اعلم

و لو حتى كانت فى اليوم دا رغم إن علمها عن الله وحده و لا يوجد مخلوق فى الكون يعلم توقيتها غير الله
هل تضمن أنك تعيش لحد هذا اليوم ؟؟
هل تضمن أصلا إنك تصحى من النوم غدا ؟؟

لا يعلم الغيب الا الله

هو علميا الكلام ده غلط
علشان الشمس مش مصدر متجدد هى عباره عن تفاعل كيميائى بين ذرات( مش فاكر اسم الذرات اوى ) وهيجى يوم والذرات اللى بتفاعل مع بعض دى هتنتهى علشان كده هى علميا مش مصدر متجدد زى مالواحد فاكر لكن ده هيحصل ان شاء الله بعد ملايين السنين علشان كده الناس بتعتبر اشعه الشمس مصدر دائم

فده رد على كلام ان دوره الشمس هتنتهى